ROM AVANGCHI TENG Y PAWLA I CHA PA NAI 2:29 - Khumi Common Language Bible

²⁹ Na i py paleung theung y Juda khumi ne nai ly Juda tatang ne; naibaly lengkhym takip tatang nai ly paleung y takip nai ne, cha-iu leu y ny y naimy, phailo y ne; huni ly khumi i palo naira ngo y naimy, Tameuh i palo naira nga lawh.

ROM AVANGCHI TENG Y PAWLA I CHA PA NAI 2:29 ပူးပေါင်းရင်းမြစ်များ

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

SAM 45:13

Samrangnu ly samrang yhm y tym bo; ni ly mo-cha khri pa-rei hawi parai na ly! Ni i ateaung ly muku kalang hawi aneng nai ne.

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JEREMIA 9:25

Areng my, “Aikupta khumichi, Juda khumichi, Edom khumichi, Ammon khumichi, Moba khumichi hawi tui by y nai daichi ka-vymra y awm nai sam kadawi khai nai khumichiai, kaimy pajeng ai nai neng kani tym ai. Huni khumi bawibawichi ly Leu Maikawm Pawm ka-ma-ra lawm nai lengkhym takip teu i py, kai i Leu Maikawm ai patawm u y. Huni khumi bawibawichi hawi Israela mipuichi ly kai i Leu Maikawm patawm u y,” napi.

LUKA 11:39

Naibaly Areng my ni teng y, “Nangchi Pharisaichi ly khau hawi saibi ly salo mang paju veng; na i py nangchi i paleung y ly cha parawp ai nai hawi, kamngo nai kawi veng.

LUKA 17:21

‘Khen cham, hi y he: hu y ho,’ nanai py ang tapi y ai; khen cham, Tameuh i peang nai ly nangchi i paleung theung y awm,” nanai pathang.

JOHAN 12:43

ati mana nai mo nabaly nichi ly Tameuh my palo nai tleaung y khumi i palo nai ngai keh.

JOHAN 4:23

Na i py neng tym dudu bo, vai py tym ryp bo, huna nai khala y ly Tameuh ai chiu tatang naichi ly phailo hawi meitang khyp naimy Ampo ai chiu ai: Tameuh ly mymy ai chiu ai nai huna naichi ai ly hau mang.

JOHAN 5:44

Nangmychi my apalo leungtang i, Leaungrei Awm Khyh nai Tameuh i dengdairei theu nai palo naira ai ly nangchi hau y: mana ym u thai ai mo?

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 2:27

Naibaly amymy i tapen nai sai y lengkhym takip y nai my ly Reita patawm angym baly, nang, cha-iu leu hawi lengkhym takip nai reita awm iy py, Reita taphra nai keung ai ly ang cheh y ai a?

ROM AVANGCHI TENG Y PAWLA I CHA PA NAI 3:1

Hunaibaly Juda ly chawn naira katlen nai ati awm mo?

ROM AVANGCHI TENG Y PAWLA I CHA PA NAI 7:6

Na i py cha tajiu nai kangngym kamta ny y naimy, phailo kangtha y atiti sa thai ai nai, achi ly vai ly ang patawn naira i nai dei chum iy, achi ai Reita i dengdairei ang patlaw bo.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

I KORINTH 7:19

Lengkhym takip nai ly ati sai py ny y leang; lengkhym takip y nai py ati sai py ny y leang; Tameuh i leu pei naichi patawm ai nai harei awm khyh.

II KORINTH 10:18

Areng my kahawi thui nai naini palo naira nga nai teu.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

Leu Thui Nai 10:16

Hunai deaungkho y nangchi ly vai i ka-so Areng i leu pei naichi tangai u iy, nangchi i paleung tang naichi ly anawn u jau.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

I THESALONIKA 2:4

na i py Tameuh my kaichi ai avo, napi iy Satang Kahawi ang kry hai nai kamta khyp my khumi ai kawn hai nai kamta ny y naimy, achi i paleung ai ang cham nai keung Tameuh ai kawn hai nai leu thui nai teu.

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.

1 SAMUELA 16:7

Na i py Areng my ni teng y, “Hini khumi i jeng asang nai hawi, mo-cha hawi nai ly khen moh; kai ly khumi kamta chih nai ny y; huna nai y kai aly ngai y; khumi ly angam mang i awm nai sai khen reng; kai ly paleung ai khen nai ne,” napi.