ROM AVANGCHI TENG Y PAWLA I CHA PA NAI 16:18 - Khumi Common Language Bible

¹⁸ Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

ROM AVANGCHI TENG Y PAWLA I CHA PA NAI 16:18 ပူးပေါင်းရင်းမြစ်များ

2 SAMUELA 15:6

Abasalom ly samrang i tara chih pi nai ngai nai y jeu nai, Israela cheng ngiereichi ai hina nai kamta sa pi nai deaungkho y, huni khumichi my tahm khai parai nai ne.

2 NENG SATANG 18:5

Hunai deaungkho y Ahab ly amo leaung 400 reichi ai palau i nichi teng y, “Kai ly Ramoth mary y tiu ai nai avo a, avo y a?,” nanai deng bo. Amochi my, “Huni mary ai tiu ba. Areng my nang ai eaung naira pei ai,” napi u.

SAM 119:130

Nang i leu ai thui pi pachai nai ly kangvang pei iy cheng y naichi ai cheng naira nga hai bo.

SAM 12:2

Khumi bawibawichi ly leaung leaungrei ai atapawp u leungtang iy, apalo u naimy li-tapawp u bo.

SAM 19:7

Areng i leu ly angym be pa-rei hawi nai deaungkho y, paleung hawi phailo ai kangtha lawm hai reng nai ne. Areng i patiu pi nai saichi ly ym ai hawi parai nai ne i, pany thai y naichi ai pany hai bo.

LEU KACHENG 14:15

Khumi ka-khumchi ly ami i thui nai leuchi ai ym reng; tau cheng nai khumichi ly leu meitang teaung u reng nai ne.

LEU KACHENG 22:3

Tau cheng naira awm nai khumichi ly mychi patang naira avum ai nai niu yb veng nai deaungkho y, asyn vui thai nai ne. Tau cheng naira by y nai khumichi ly patang naira hawi apadawi-ra i, uikheih u bo.

LEU KACHENG 8:5

Nangchi ly cheng naira angym bo a? Cheng naira angym pa-rei amtiu u. Nangchi ly khumi ka-khumchi a? Cheng naira nga ai nai amtiu u.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

Ezekiela 13:16

Jerusalem mary ly cheaungkhangra y hawi angym nai by y pui naimy, paleung mei y hawi angym naira niu bo, nanai thui u nai amochi ly mary apaichi kamta taphra u veng bo,” nanai nangchi teng y kang thui pi ai! Hini ly sa thai naira angym nai kai Areng i thui nai leu ne.

Ezekiela 13:19

Chohpui chamaw nei kiukawirei hawi tako maidenreichy nga ai nai molam y, kai i khumichi i mo y kai ai tahm khai u y. Nangchi ly padei ai ataing y nai khumichi ai padei u iy, padei ai ataing naichi ai kangheng khai u lawh; hunai deaungkho y nangchi ly kai i khumichi ai li-tapawp i nichi ly ym u bo,” napi.

DANIELA 11:34

Atiu u nai thym khala, Tameuh i khumichi ly kasabawmra maidenreichy nga u ai. Hinichi mang y abawi nai khumichi theung y nawi keh naichi ly amy i vui hau naichi ne.

MIKHA 3:5

Paisa tangka pei pajau nai khumichi teng y tlamsa ai nanai py, paisa tangka pei pajau y nai khumichi teng y, tavai takai patang naira tym hai ai nanai py, thui reng nai amochi i li-tapawp nai ly kai i khumichi avum u bo. Areng my, huna nai amochi teng y,

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

MATTHAI 24:11

Amo tapawp naichi py neangneang theu ai i, khumi neangneangchi ai tapawp ai.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 6:24

“Ami py yhmkeung leaung nyhrei i kalop so abom thai y leang: ni ly leaungrei ai niu ngai y iy, leaungrei ai ngai ai, ti y baly leaungrei ai ly ama hai iy, leaungrei ai ly tahm khai y ai. Tameuh i kalop hawi yhmtheaung i kalop so u abom thai y leang.

MATTHAI 7:15

“Amo tapawp naichi teng y ly amkym u; hunichi ly beram peih akhiu iy nangchi teng y ang jeu i, nichi i theung mang y ly kasui hyn parai nai ne.

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

ROM AVANGCHI TENG Y PAWLA I CHA PA NAI 14:18

Ami py huni kamta Krista i kalop sa nai khumi ai ly Tameuh my kawn i, khumichi py palo.

ROM AVANGCHI TENG Y PAWLA I CHA PA NAI 16:19

Nangchi i leu tangai nai sai ly khumi bawibawichi theung y amthang veng bo. Hunai deaungkho y kai ly nangchi i tlang tleaung y kakawn; na i py nangchi ly atiti kahawi mang y ly cheng u iy, kamngo mang y ly cheng u y ai nai kang ngai.

II KORINTH 11:3

Na i py pavui my cheng tapawp naira y Evi ai parawi nai kamta ly, Krista mang y meitang nai hawi chai naira i dengdairei nai ly ati mo sa iy nangchi i paleung taphra lawh na, nanai kajei pahui nai ne.

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

KALATIA 1:10

Ti y baly vai kai ly khumi ai kaparawi nai a? Tameuh ai a? Khumichi ai kawn hai ai nai katau nai a? Vai khumichi ai kawn hai nai kaawm rai baly, kai ly Krista i miseaung ny y ai bo.

PHILIPI 2:21

Nichi bawibawi ly Isu Krista i vui hau y naimy amy i vui hau u lawh veng.

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.

KOLOSA 2:4

Ami py nangchi ai leu kakawp y ang tapawp y ai nai huni ly kana nai ne.

KOLOSA 3:24

Areng i vui kamta sa iy, ham parai naimy so u; nangchi ly Areng Krista i kalop sa u nai chy bo.

II THESALONIKA 2:10

tama dudu naichi i vui hawi y nai tapawp nai cheaungkhang hawi jeu ai; ati mana nai mo nabaly nichi ly hengra nga thai ai nai leu meitang tamen naira ai patawm y leang bo.

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

JAKOB 1:1

Jakob, Tameuh hawi Areng Isu Krista i miseaung ly, Ahei nai cheng holai nyhreichi teng y ly kang kawn ba.

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

JUDA 1:12

Hunichi ly nangchi hawi vanrei atamen nai pawi cha u nai thym khala y ly amtengru nai lengseaungchi ne: jei y naimy apacho nai beram typ nai keungchi ne:tui by y nai khupanym ai ali my hm naichi ne: athai by y nai ngam aau nai thengthai, tleng nyhrei dei nai, tangjyn khrairei akyn rau naichi ne:

JUDA 1:16

Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.

AMTENG HAI NAI 1:1

Hini ly Isu Krista i Amteng Hai Nai Leu ne. Huni ai ly Tameuh my ni i miseaungchi teng y neangneang kra y nai sala y atiti tym ai naichi i satang thui pi ai nai ni teng y pei bo; naibaly ni ly mymy i kani pri i amtaw thau nai ai pato iy,

1 SAMUELA 2:29

Hunai deaungkho y nang ly kai i leu pei nai y talam nai tawnbawi hawi, katalamrachi ai ngai phi nai paleung hawi khen lawh mo? Eli awi, nang ly kai i khumi talam nai tawnbawi ngiereichira i, hawi keh naichi ai ati mana nai nang i chapochi tym pa-rei cha ai nai pei lawh mo? Ati mana nai nichi ai, kai tleaung y tahm pasang lawh mo?