ROM AVANGCHI TENG Y PAWLA I CHA PA NAI 15:3 - Khumi Common Language Bible

³ Krista py amy i kawn ai naira hau y leang: “Nangmy ai jo nai keungchi ai jo nai ly Kaimy i tlang tleaung y tla bo,” nanai tajiu nai kamta ne lawh veng.

ROM AVANGCHI TENG Y PAWLA I CHA PA NAI 15:3 ပူးပေါင်းရင်းမြစ်များ

SAM 69:20

Mei aniu y naira avum nai deaungkho y, kai ly paleung mawn iy paleung phra atho di na bo. Kai ly kapahenra kadeaung nai khala y, pahen ai nai keung avum y; paleung awmnem naira kadeaung nai khala y, paleung awmnem naira pei ai nai khumi by y.

SAM 69:9

Nang i Achura yhm ai dawn ryh patyh nai ly kai i paleung theung y mai kamta angveaung na bo; nang ai mei aniu nai katheu naichi ly kai ai mei aniu y nai leu katheu naichi ne.

MATTHAI 10:25

Amtiu nai keung ly mymy ai patiu nai keung kamta lawn ai nai hawi, miseaung ly mymy i yhmkeung kamta lawn ai nai py hawi khyp bo. Yhmkeung ai malawn py Beelzibula napi baly, mymy i dengtheungchi ai ipsaly mana tanrei napi ai mo!

MATTHAI 26:39

Naibaly mymy ly maidenrei mo mang y chei kyh i ambeu iy, “Aw Ngaai awi, pajau baly hini khau ly kai ai katlen hai kyh sy; na i py kaimy ngaingai ny y naimy, nangmy ngaingai phai ne sy,” nanai chiu sa bo.

MATTHAI 26:42

Naibaly pa-nyh chei bi i chiu sa bi iy, “Aw Ngaai awi, hini ly kai nei y nai awm pajau y baly nangmy ngaingai ne sy,” napi.

MATTHAI 27:44

Damra khumi tahen teang nai nini my py hunai kamta panui hai teang.

JOHAN 15:10

Kai ly Ngaai i leu pei nai tangai iy, ni i tamen naira y awm jo nai kamta, nangchi py kai i leu pei nai tangai baly kai i tamen naira y awm u jo ai.

JOHAN 15:24

Khumi takhra ami py so vai y naichi ly kaimy nichi theung y so y nai khyly, nichi ly kamngo by y ai bo; vai ly nichi ly Ngaai kaini ai niu i py niu ngai y bo.

JOHAN 4:34

Isu my nichi teng y, “Kai ai pato nai keung i kangai sa ai nai hawi, ni i kalop sa pajau ai nai ly kai i biu ne.

JOHAN 5:30

“Kaimy tlairei ly ati sai py kaso thai y leang; kai i thai nai kamta ly tara kachih khyh; kai ly kaimy i kangai hau y naimy kai ai pato nai keung i kangai kahau nai deaungkho y kai i tara chih nai ly teng parai mang.

JOHAN 6:38

Kai ly kaimy i kangai sa ai nai ny y naimy, kai ai pato nai keung i kangai sa ai nai kani pri mang i dengdairei kang satla kathiu nai teu.

JOHAN 8:29

Kai ai pato nai keung ly kai teng y awm:ni i kawn naira ngierei kaimy sa pi jo nai deaungkho y mymy ly kai ai patlaw y leang,” napi.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

PHILIPI 2:5

Hini paleung ly Krista Isu py awm nai ly nangmychi py awm sy.

PHILIPI 2:8

Naibaly khumi kamta awm iy tahm apnem i, dei ai nai pa-rei leu tangai bo, ne, kraws kypkyp tleaung y dei ai nai.