ROM AVANGCHI TENG Y PAWLA I CHA PA NAI 14:18 - Khumi Common Language Bible

¹⁸ Ami py huni kamta Krista i kalop sa nai khumi ai ly Tameuh my kawn i, khumichi py palo.

ROM AVANGCHI TENG Y PAWLA I CHA PA NAI 14:18 ပူးပေါင်းရင်းမြစ်များ

ATITI AWM ANGCHEI NAI 4:7

Nang atiti kahawi sa baly amo theu pajau ai;na i py nang kahawi so y nai deaungkho y kamngo ly nang my i katheu pa-kho y amo ryhryh na bo. Kamngo my nang ai peang ai ngai, na i py, kamngo ai ly nang my pajau vui ai nai tla,” napi.

Parip nai leu 9:7

Huna nai y nang ly nangmy i teicha teinei cha iy amo theu naimy awm ba; nangmy i kreip hang nei iy amo theu naimy awm ba; nang i atiti sa naichi ai Tameuh my kawn nai ne.

MARKA 13:34

Ami py amy i yhm khai jo nai, mymy i miseaungchi ai aly peang hai iy, nichi i kalop sa ai nai leaung leaungrei teng y au i, katheu pa-kho typ nai keung ai py aeng yb ai nai leu pei iy, pri kamlora y khuleaung chei vui nai kamta atawm.

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

AMTAW 10:35

na i py cheng cheaungkhang theung y ami py mymy ai tahm khai iy kahawi sa nai ngierei ai ly ang kawn reng.

ROM AVANGCHI TENG Y PAWLA I CHA PA NAI 12:11

angjeng naira y ly atho si u moh ly; phailo mang y ly hawihai palai dawn u pathyp ly;

ROM AVANGCHI TENG Y PAWLA I CHA PA NAI 14:4

Khumi takhra i miseaung ai cheh nai keung nang ly mana nai kha? Mymy i angdo nai hawi atlym nai ly mymy i yhmkeung i vui ne. Ne, ni ai angdo hai takengkei ai; Areng ly mymy ai angdo hai pajau.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

I KORINTH 7:22

Miseaung y awm nai thym khala y Areng y palau nai ly Areng i miseaung alaw nai ne; hunai kamta khyp teang miseaung alaw nai thym khala y palau nai ly Krista i miseaung ne.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

II KORINTH 5:11

Hunaibaly Areng ai tahm khai naira pany iy, kaichi ly khumichi ai parawi nai ne, kaichi ly Tameuh teng y naini amteng ai nai awm; nangmychi i hawi nai hawi y nai pany naira y py kaichi ly amteng ai nai athang kakhai.

II KORINTH 5:9

Hunai deaungkho y kaichi ly awm iy py, awm y iy py mymy i kawn nai khumi lawn ai nai tau cheng nai ne.

II KORINTH 6:4

na i py Tameuh i krykeungchi kamta ati cheaungkhangra y py khumi i mei kangai awm, khri pa-rei kham pajau naira y py, patang naira y py,

II KORINTH 8:21

Ati mana nai mo nabaly Areng i mei ka-niu y khyh ny y naimy, kaichi ly khumi i mei ka-niu y py atiti cheh ai by y nai dawn rym nai ne.

PHILIPI 4:18

Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i atiti pa naichi ly kanga i, angym bo. Huni ly atiti mui katui, apathyp naira kawn ai ataing nai, Tameuh i ka-kawn ne.

PHILIPI 4:8

Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

KOLOSA 3:24

Areng i vui kamta sa iy, ham parai naimy so u; nangchi ly Areng Krista i kalop sa u nai chy bo.

I TIMOTHEI 2:3

Huni ly achi ai Paheng nai Keung Tameuh i mei ka-niu y hawi py hawi, kawn py kawn ai ataing nai ne;

I TIMOTHEI 5:4

Na i py neampachy lumai ami py katu chanauchi awm i khyly, nichi i dengtheung y Tameuh ai dawn ryhryh naira y awm nai hawi, mymychi ai tapen nai keungchi i tlang tleaung y kahawi sa ta-vawi ai naira amtiu u sy; huni ly Tameuh i mei ka-niu y kawn ai ataing nai ne.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 2:20

Nangchi ly kamngo sa iy ang tabeang nai khala kham tanga baly ati palo naira awm mo? Na i py nangchi ly kahawi sa nai patang iy kham tanga baly Tameuh i ka-kawn ne.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

I PETERA 3:16

hawi nai hawi y nai pany naira chai parai nai awm u ly, hunaibaly nichi i ang thui tamawn naira y ly nangchi i Krista y amhi amtlau nai sai kahawi ai thui tamawn nai keungchi ai ly amthang hai leaung ai.