ROM AVANGCHI TENG Y PAWLA I CHA PA NAI 12:2 - Khumi Common Language Bible

² Hini khaileaung pri i reita kamta awm u moh ly huna ny y naimy nangchi ly Tameuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.

ROM AVANGCHI TENG Y PAWLA I CHA PA NAI 12:2 ပူးပေါင်းရင်းမြစ်များ

EZARA 10:11

Huna nai y nangchi i amsi pajochi i Areng Tameuh teng y nangmychi i kamngo ahui iy, mymy i kangai su u. Achi i pri theung y nangchi hawi vanrei awm nai cheng takhra khumichi hawi, nangchi i cheng takhra ajuchi hawi py amprei u,” nanai aeu naimy thui pi.

SAM 119:103

Nang i thui parip nai saichi ly kai i palai kadeaung y khri pa-rei tui na; khawi hang tleaung y malawn py tui nai ne.!

SAM 119:128

Hunai deaungkho y kai ly nang i leu patiu pi nai ngiereichi ai tangai iy, lam teng y nai ngiereichi ai niu ngai y bo.

SAM 119:174

Aw Areng, kai ly nang i atleu naira nga ai nai kadeaung jojo! Nang i reita ly kai ai amo theu hai bo.

SAM 119:72

Nang i pei nai reita leuchi ly kai i vui khaileaung pri i muku tangka bawibawi tleaung y vang teng keh nai ne.

SAM 119:97

Kai ly nang i reita leu ai khri pa-rei paleung apei nai ne! huni reita leu ai kai ly kani khengrei adawn pasym bo.

SAM 34:8

Areng ly mana tanrei hawi na mo, ai nangmy naimy hau ba. Mymy teng y chymme naimy awm ai nga nai khumi ly taham hawi.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

THEU NAI 23:2

Khumi kanawichi i tamang naira y abang moh; khumi kanawichi mang y abang iy leu meitang ali hai vui ai nai, teng y nai pany hai nai keung lawm moh.

Ezekiela 18:31

Nangchi i sa reng nai kamngochi khai su iy, paleung kangtha hawi paleung ka-dawn kangtha mang y amtlau u. Aw Israela chengchi awi, nangchi ly ati mana nai y dei ai nai ngai u lawh mo?

Ezekiela 36:26

Kai ly nangchi ai paleung kangtha hawi ka-dawn kangtha kang pei ai. Nangchi theung i lengseaung kamta tang nai paleung la vui iy, leu tangai nai paleung kang pei ai.

MATTHAI 13:22

Naibaly kabeng aleng theung y hei nai ly hini ne he: mymy ly leu thai bo, na i py khaileaung pri y heng nai khala y dawn nai sai hawi nang naira my tapawp nai saichi my ly leu ai ly achih hai i, athai y bo.

MARKA 4:19

hunichi ly leu ly thai i, khaileaung pri y heng nai khala y dawn nai saichi hawi, nang naira my tapawp nai saichi hawi, tlang i atiti takhra ngai phi teng y naichi py kun iy, leu ai ly achih hai i, athai y bo.

JOHAN 14:30

Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

JOHAN 15:19

Nangchi ly khaileaung pri i khumichi ne i khyly, khaileaung prichi my mymy i khumichi ai tamen ai bo; nangchi ly khaileaung pri i khumichi ny y i, khaileaung prichi theung i nai kaimy kang vawi nai deaungkho y khaileaung prichi my nangchi ai niu ngai y bo.

JOHAN 17:14

“Nang i leu ly kaimy nichi teng y pei bo, naibaly kai ly khaileaung pri i ny y nai kamta nichi py khaileaung pri i ny y nai deaungkho y khaileaung prichi my nichi ai niu ngai y bo.

JOHAN 7:7

Khaileaung prichi my nangchi ai ly niu ngai y ai nai awm thai y leang mang; kai naini nichi i atiti sa naichi ly hawi y, nanai thui pi pachai reng nai deaungkho y nichi ly kai ai niu ngai y.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

ROM AVANGCHI TENG Y PAWLA I CHA PA NAI 7:12

Hunaibaly Reita ly kachai ne, leu pei nai py chai py chai, hawi py hawi, meitang py ne.

ROM AVANGCHI TENG Y PAWLA I CHA PA NAI 7:14

Reita ly phailo mang y asa nai ne, nanai achi pany; kai naini tlang mang y asa nai, kamngo i miseaung y ka-jo chum nai khumi ne.

ROM AVANGCHI TENG Y PAWLA I CHA PA NAI 7:22

Kai i paleung tatang y Tameuh i Reita tleaung y kakawn lawh veng;

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

II KORINTH 5:17

Huni deaungkho y ami py Krista y awm baly mymy ly kangtha lawn bo; atiti kangngymchi ly tama vui bo; khen u cham, nichi ly kangtha lawn veng bo.

KALATIA 1:4

mymy ly achi i Tameuh hawi Ampo i kangai y vai dymkhawn i khaileaung pri kamngo parai naira theung i nai achi ai alaw hai thai ai nai, achi i kamngochi i jeng y mymy ly apei bo;

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

EPHESI 2:2

hunira y ly nangchi ly jangni y hini khaileaung pri i reita kamta tako u nai ly, ali y aly peang nai areng, vai ym y nai chanauchi theung y sa dudu nai phailo i reita kamta.

EPHESI 5:17

Huni deaungkho y nangchi ly chengra by y nai awm u moh ly, Areng i kangai ly ati mo, nanai phai pany u.

KOLOSA 1:9

Hunai deaungkho y kaichi ly huni satang pany nai kani dengdairei nangchi ly phailo mang i cheng naira hawi, pany thai naira bawibawi i saho y mymy i kangai pany naira kawi u thai ai nai hawi,

KOLOSA 3:10

huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;

KOLOSA 4:12

Epaphra, nangmychi theung i khumi leaungrei, Krista Isu i miseaung my ly nangchi ai kawn nai leu ang thui pi mang; nangchi ly Tameuh i kangai ngierei y cheang nai hawi ym cheng cheng nai angdo u thai ai nai, ni i chiu sa naichira y ly nangmychi i vui hawihai palai chiu ang sa pi patyp jojo nai ne.

I THESALONIKA 4:3

Nangchi ly chai naira nga iy, angai naira anawn u veng nai ly Tameuh i kangai ne he!

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.

I PETERA 1:14

Leu tangai nai chanauchi kamta ly, nangchi i pany y nai thym khala i jangni y nangchi i tlang i ngai phi teng y nai kamta awm u moh;

I PETERA 1:18

nangchi i amsi sangumchi i pei pateang nai, nangchi i ati sai py ny y nai reita i dengdairei ly atiti mawn thai nai amjychi, tangka hawi muku y ny y naimy,

I PETERA 2:3

Areng ly khri pa-rei tamen parai nai ne, nanai pateng u chum bo nabaly.

I PETERA 4:2

hunaibaly vai i dengdairei nangchi ly tlang mang y awm nai sala ryrei ly khumi i ngai phi teng y naira y ny y naimy, Tameuh i ngai naira y awm u ai bo.

II PETERA 1:4

Huni i saho y mymy i leu adeu naichi vang teng parai nai hawi, khri pa-rei ji parai nai ang pei nai ne; hunaibaly ngai phi teng y nairachi deaungkho y khaileaung pri y phra naira awm nai ai ly angpreng veng chum iy, huni adeu nairachi deaungkho y nangchi ly Tameuh i awm nai sai phy nga pajau ai.

II PETERA 2:20

Naibaly nichi ly Areng hawi Paheng Keung Isu Krista ai pany nai deaungkho y khaileaung pri i amnyng naira i nai angpreng vui nai bo y, hunira y ang tang u teang bi iy pajau nai awm makho baly, nichi i kangkhym i awm nai sai ly angchei i tleaung y ly hawi y kehkeh nai ne.

I JOHAN 3:13

Amjo amnauchi awi, khaileaung pri my nangchi ai niu ngai y baly rengrang ti u moh.

I JOHAN 5:19

Naibaly achi ly Tameuh i ne, nanai hawi khaileaung pri bomrei ly kamngo sa reng nai keung i ngaingai awm, nanai py achi pany.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.