ROM AVANGCHI TENG Y PAWLA I CHA PA NAI 12:16 - Khumi Common Language Bible

¹⁶ Dawn nai vanrei awm u leungtang; paleung apalen y naimy tahm anem naichi hawi amkawm u; tahm apasang u moh.

ROM AVANGCHI TENG Y PAWLA I CHA PA NAI 12:16 ပူးပေါင်းရင်းမြစ်များ

2 NENG SATANG 30:12

Samrang hawi miteaung kehchi i leu pei nai tangai u nai kamta, khumichi ly adyh adawi naimy leu atangai ai nai, Tameuh ly Juda khumichi i paleung amtlau hai nai ne.

JOBA 36:5

Tameuh ly khrikhri pa-rei sa thai naira len parai na ly! Mymy ly ami ai py cheh y; mymy i pany y nai ati sai py by y.

LEU KACHENG 17:5

Khumi kamawnchi ai panui pachem hai nai khumi ly nichi ai sa nai keung Tameuh ai thui tamawn nai ne. Amichi i khym taham kasi avum nai khala, amo theu reng nai khumi ly kamngo pajeng naira avum ai.

LEU KACHENG 19:17

Khumi kamawnchi ai sabawm nai khumi ly Areng teng y piu paseng nai khumi ne i, Areng my ni ai heung pi ali teang ai.

LEU KACHENG 19:22

Ngaiphi ala nai ly kaji ai hawi. Khumi kamawn nai ly ka-chawi thui nai khumi tleaung y hawi keh.

LEU KACHENG 19:7

Khumi kamawn i amjo amnauchi molam py, ni hawi amkawm ai nai ngai u y; huna nai y ni teng y ahawi ka-dawi by y nai ly lyh ai nai by y. Ni ly khri pa-rei atho sa iy, ahawi kamrawi asa teu i py, ahawi leaungrei py ngo y.

LEU KACHENG 26:12

Cheng naira by y nai khumi ka-khum ly cheng naira by y pui naimy amymy ai khumi kacheng, nanai amlawn nai khumi tleaung y athang khai naira awm.

LEU KACHENG 26:5

Ati sai py ny y nai leu deng atyhtyh nai ai pathang pi ngaulau baly, deng atyhtyh nai khumi ly my teng y cheng naira by y, nanai apany ai.

LEU KACHENG 3:7

Nang ly nangmy i cheng naira y paleung len moh. Areng i leu ai tangai iy, teng y naira y ly en vui ba.

ISAIA 5:21

Nangchi ly taham si! Amymychi ai khri pa-rei cheng parai, tau awm, nanai athang khai u reng.

JEREMIA 32:39

Kai ly nichi ai mychi i hawi naira, mo mang i deung kangthauchi hawi naira molam y, ka-dawn harei hawi heng hai ai. Huni ka-dawn ly kai ai jei kaji naimy tahm khai u jojo ai nai ne.

JEREMIA 45:5

Nang ly nang i nga ai avo nai ajeng nai a? Ajeng moh. Kai ly khumi cheaungkhangchi i tlang tleaung y ka-jeira tym hai ai. Na i py nang ly tym naira tleirei y dei y naimy, ka-jeira i nai lawi naira nga ai. Hini ly kai Areng i thui nai leu ne,” nanai leu pei nai thui pi bo.

MATTHAI 11:5

mei kamjuchi ly mei angvang u bo, kheu kangbaichi py tako u bo, keaungsichi ai py paichai bo, kano kapangchi py kano ha u bo, kadeichi ai py pathau bo, khumi kamawnchi teng y py Satang Kahawi thui pi bo.

MATTHAI 26:11

Khumi kamawnchi ly nangchi teng y awm jo chy bo, kai naini nangchi teng y kang awm jojo ai nai ny y leang.

LUKA 14:13

Na i py nang ly pawi sa nai khala y ly khumi kamawnchi hawi, khumi kaphrachi hawi, kheu kambaichi hawi, mei kamjuchi ai phai heang u.

LUKA 6:20

Naibaly angdeang i abangnaichi ai khen iy, “Khumi kamawnchi awi, nangchi ly taham hawi; Tameuh i peang naira ly nangmychi i ne.

AMTAW 4:32

Naibaly ym nai khumi mipuichi ly paleung py dawn nai py vanrei awm, mymychi theung y leaungrei py yhmtheaung awm nai ly, Kai i teu, nanai angam y; nichi ly atiti bawibawi vanrei ahum bo.

ROM AVANGCHI TENG Y PAWLA I CHA PA NAI 11:20

Ne khyp; nichi ly ym naira by y nai deaungkho y nichi ai tleu hai veng, nang naini ym naira awm nai deaungkho y angdo nai ne. Am-e moh ly, jei phai jei.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 12:3

Nangchi theung y ami py tahm apasang nai kawi palai nai ly tahm apasang y naimy, Tameuh my khumi leaung leaungrei teng y ym naira hawi khyp ang pei nai kamta adawn naira y amkym lawh ai nai, kai ly mymy i ang pei nai pahenra deaungkho y leaung leaungrei teng y kang napi bawibawi.

ROM AVANGCHI TENG Y PAWLA I CHA PA NAI 15:5

Hunaibaly nangchi ly achi i Areng Isu Krista i Tameuh hawi Ampo ai ly paleung vanrei hawi leu adyh naimy palo thai ai nai,

ROM AVANGCHI TENG Y PAWLA I CHA PA NAI 6:2

Ny y leang. Achi, kamngo mang y ly dei chum veng naichi ly kamngo naimy mana heng jo thai ai mo?

I KORINTH 1:10

Naibaly amjo amnauchi awi, nangchi bawibawi ly leu vanrei thui u i, nangchi theung y akhawi takhra naira den py awm y ai nai, paleung vanrei hawi dawn nai vanrei py amtawm u cheng ai nai, achi i Areng Isu Krista i amyn y kang takeng.

I KORINTH 3:18

Ami py amymy ai atapawp moh sy. Nangchi theung y ami py, “Kai ly hini khaileaung pri i atitira y cheng bo,” nanai adawn baly, mymy ly cheng thai ai nai cheng y nai khumi lawn sy.

I KORINTH 4:10

Kaichi ly Krista deaungkho y cheng y nai ne, nangchi naini Krista y cheng nai ne; kaichi ly ham y, nangchi naini ham; nangchi ly palo naira nga, kaichi naini tahm anem naira nga.

I KORINTH 6:5

Nangchi ai kangji kang pei nai kathui nai ne. Amjo amnau sala y leu atlym hai pajau nai khumi kacheng leaungrei py nangchi theung y ngo u pajau y ngaw khyh,

I KORINTH 8:2

Khumi ami py atiti mo pany, nanai athang akhai baly mymy ly mymy i pany ai nai ka-tawm pany y leang rai;

II KORINTH 13:11

Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

PHILIPI 3:16

Ati py ne sy, achi i tym nai ryrei nai huni kamta phai tako u sina.

PHILIPI 4:2

Areng y ly paleung vanrei awm ai nai Euodia ai kang takeng i, Suntuki ai py kang takeng teang.

HEBRAI 13:5

Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

I PETERA 3:8

Kangkhym kangtem y ly nangchi bawibawi paleung vanrei awm u ly, pahen nai paleung awm u, amjo amnauchi kamta atamen u, neaung kahawi awm u, leu anui naimy awm u ly:

I PETERA 5:3

nangchi teng y au naichi i tlang tleaung y atho sa nai kamta ny y naimy, beram kanghu i vui y amtiu naira apalawn u.

III JOHAN 1:9

Palau takhra kamkawmchi teng y ly leu maidenchy katajiu chum bo; na i py Diotrapha, nichi theung y kalen keh ngai lawh reng nai keung ly kaichi ai kawn y.