ROM AVANGCHI TENG Y PAWLA I CHA PA NAI 11:22 - Khumi Common Language Bible

²² Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

ROM AVANGCHI TENG Y PAWLA I CHA PA NAI 11:22 ပူးပေါင်းရင်းမြစ်များ

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

ISAIA 66:14

Hina naichi niu nai khala y nangchi ly amo theu u iy, tlang atho awm ai. Naibaly Areng ly mymy i leu tangai nai khumichi ai sabawm iy, paleung ka-echi ai ly kado theu naira tym hai bo, nanai nangchi pany u ai,” napi.

Ezekiela 18:24

“Na i py khumi kahawi ly kahawi sa nai anawn iy khumi hawi y naichi sa reng nai amso ngai nai hawi y naichi sa lawh baly, ni ly heng asai rai na a? Heng y leang! Ni i kahawi sa naichi kapany pi ai ny y. Ni ly ka-ym by y nai molam y kamngo awm i, mymy i sa tamang nai kamngochi deaungkho y dei ai nai tla ai.

Ezekiela 3:20

“Khumi kahawi leaungrei ly hawi y naira sa nai khala y, kai ly ni ai ka-jeira tym hai ai. Huna nai khala nang ly ni i hawi y sa nai ai thui parip y naimy awm lawh baly, ni ly mymy i sa tamang nai kamngo y dei ai. Vaichi khala y ni i kahawi sa naichi ai kaimy pany pi ai ny y. Huna nai khala huni khumi i dei nai molam ly nang i phu ne.

LUKA 8:15

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

JOHAN 15:2

Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

JOHAN 8:31

Hunaibaly Isu ly mymy ai ym nai Judachi teng y ly, “Nangchi ly kai i leu y awm jo baly kai teng y abang nai khumichi ne khyp bo;

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

ROM AVANGCHI TENG Y PAWLA I CHA PA NAI 11:21

Tameuh ly changpi tatangchi ai khai y baly nang ai py ang khai lawh y leang.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

I KORINTH 15:2

kai i leu kang thui pi nai ly nangchi ly ym u rumrang nai ny y iy hawihai patawm u cheng baly, hunira y nangchi ly hengra nga u dudu nai bo.

KALATIA 6:9

Hunaibaly atiti kahawi sa ai nai palei u reng moh sina; achi ly apatlaw jo y baly neng khyp nai khala y ly pakym ai.

I THESALONIKA 3:5

Hunai deaungkho y kham pajau y nai kha y ly parawi nai keung my nangchi ai parawi vui lawh iy, achi i sa akawm nai ly jawm jawm sum lawh na, nanai nangchi i ym nai sai kapany thai ai nai kang pato nai ne.

I THESALONIKA 3:8

Vai ly nangchi ly Areng y phai khaw pa-rei angdo baly kaichi ly heng nai bo.

HEBRAI 10:23

Hini achi i athang khai naira i ym nai leu amchyh y ai nai patawn u cheng sina; ati mana nai mo nabaly leu adeu nai keung ly ka-ym awm nai ne:

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.

AMTENG HAI NAI 2:5

Hunai deaungkho y nang i atlym naira adawn vau ly, uikhei iy atiti sa man naichi ly so teang; ti y naimy nang ly uikhei y baly kai kang jeu ai i, nang i masi khai naira ai ly ni i meingtym i dengdairei katasyh vui ai.