ROM AVANGCHI TENG Y PAWLA I CHA PA NAI 10:17 - Khumi Common Language Bible

¹⁷ Hunaibaly ym naira ly thai naira deaungkho y awm, naibaly thai naira ly Krista i leu deaungkho y awm,

ROM AVANGCHI TENG Y PAWLA I CHA PA NAI 10:17 ပူးပေါင်းရင်းမြစ်များ

JOBA 42:5

Vaichi khala kai ly nang i satang ai kano hawi thai khyh nai ne; na i py vai ly nang ai mei hawi kang niu bo.

MARKA 4:24

Naibaly mymy ly nichi teng y, “Nangchi i atiti thai nai ly amkym u; nangchi i ne naira y my ang ne pi khyp teang ai: nawi kyh nai py ang pei alam ai.

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

LUKA 8:11

Pata nai leu ly hini ne: Choh ti ly Tameuh i leu ne.

LUKA 8:21

Naibaly mymy ly nichi teng y, “Tameuh i leu thai iy patawm naichi ly kai i amhm hawi kai i amjo amnau na a,” nanai pathang.

JOHAN 1:37

Naibaly abang nai leaung nyhrei ly ni i leu thui nai thai i, Isu teng y abang hawi.

ROM AVANGCHI TENG Y PAWLA I CHA PA NAI 1:16

Kai ly Satang Kahawi ai ly kakaji hai y leang; huni ly ami py ym nai ngierei i vui ly paheng ai naira lawn ai nai Tameuh i atiti sa thai naira ne; angchei y ly Judachi i vui ne, naibaly krikchi i vui py ne teang.

ROM AVANGCHI TENG Y PAWLA I CHA PA NAI 10:14

Hunaibaly nichi ly mychi i ym y nai keung ai ly mana palau u ai mo? Mymy i satang thai y naichi ly mymy ai mana ym u ai mo? Naibaly leu thui pi nai keung by y naimy mana thai u ai mo?

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

KALATIA 3:2

Hini harei nangchi teng i dengdairei pany ai nai kangai; nangchi ly Phailo nga u nai ly Reita i atitichi sa nai deaungkho y a, thai iy ym nai deaungkho y a?

KALATIA 3:5

Naibaly nangchi teng y Phailo ang pei nai keung hawi nangchi theung y atiti rengrang sa nai keung ly, Reita i atitichi i sa nai deaunkho y sa nai a, ym nai deaungkho y tangai naira y sa nai a?

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

HEBRAI 4:2

Nichi teng y thui pi nai kamta ly achi teng y py satang kahawi thui pi nai ne khyp bo: na i py nichi ly tangai nai keung tatangchi hawi ym naira y amtawm y nai deaungkho y, nichi i thai nai leu ly nichi ai chawn hai y leang.

I PETERA 1:23

ti phra thai nai ny y naimy, Tameuh i heng jojo nai hawi awm jojo nai leu y ly ti phra thai y naira y kangtha tapen nai lawn u bo.

AMTENG HAI NAI 1:9

Kai Johan, nangchi i amjo amnau hawi, Isu y patang naira hawi, peang naira hawi, kham tanga naira py vanrei amtawm hai nai keung my ly Tameuh i leu hawi Isu Krista i thui pi nai leu deaungkho y py Patmosa napi nai tlawn y ly kaawm bo.