Parip nai leu 9:1 - Khumi Common Language Bible

¹ Kai ly hini leaungsai bawibawichi ai khri pa-rei adawn pasym nai khala y, Tameuh ly khumi kachengchi hawi khumi kahawichi i sa nai saichi kasum typ nai hawi, nichi i tamen nai paleung hawi niu ngai y nai paleung ai py kasum typ, nanai py kapany. Mo mang y tym ai nai atitichi ai py pany y, pany i py ati sai py ny y.

Parip nai leu 9:1 ပူးပေါင်းရင်းမြစ်များ

JOBA 12:10

Heng nai amjy cheaungkhangchi i, hengra lam patei nai keung ly Tameuh ne. Khumi luteng i hengra ly mymy i kiu tleaung y awm.

JOBA 27:12

Na i py nangmychi kypkyp my, hini leaungsaichi niu u chum nai ne; Hunai deaungkho y nangchi ly ati mana nai y, ati py ny y nai leuchi katheu u lawh mo?

JOBA 5:8

Kai naini nang i heng nai kamta avum lawh ai nabaly, Tameuh teng y ahihawi naimy, kaimy i molam kapany hai ai.

SAM 10:14

Na i py nang ly patang naira avum naichi ai niu takengkei iy, sabawm ai nai avawrei angveirym nai ne. Jeaungmang nai khumichi ly amymy ai nang teng y a-au reng.

SAM 119:109

Kai ly kani tleirei dei naira avum nai ne; na i py nang i reita leu ai tami y leang.

SAM 31:5

Kai ly kaimy ai nang i kiu y kang-au bo. Aw Areng, nang ly kai ai atleu ai; nang ly ka-ym awm nai Tameuh ne.

SAM 73:3

kai ly kapathui khe i, atlym vi nai ne; kai i kheuchi py athei vi na bo.

LEU KACHENG 16:3

Nang i dawn tau naichi amtheaung hai ai nai, Areng teng y hnei. Naibaly nang i dawn tau naichi ly eaung ai mang.

Parip nai leu 1:17

Kai ly cheng naira hawi akhum nai sai takhra nai py, tau cheng naira hawi pathu nai sai takhra nai py, pany ai nai leu pacheang bo. Na i py kaimy py ali ai patiu nai kamta lawm ai, nanai kapany.

Parip nai leu 10:14

Khumi ka-khum ly leu avaw by y na pa-rei katheu reng. Mo mang y ati tym ai mo, nanai ami py pany y; achi dei nai bo y ati mana awm ai mo, nanai py, ami py achi teng y thui pi thai y.

Parip nai leu 7:15

Kai i heng nai ly atyhtyh teu i py, kai ly ati cheaungkhang kaniu chum bo. Khumi kahawi ly deung dawi nai py, takhra khumi ly hawi y nai ne iy heng sau nai py kai ly niu.

Parip nai leu 7:25

Na i py kai ly tau cheng naira hawi pany thai naira ai kadawn pasym bo. Kai ly kaimy i deng nai leuchi kapany thai ai nai hawi, tau cheng naira py atho sa naimy kahau nai ne. Huni bo y aso y nai hawi akhum nai pany ai nai amtiu bo.

Parip nai leu 8:14

Na i py huna nai thui nai ly ati sai py ny y. Hini khaileaung pri y tym nai sai ly mana mo, nanai khen cham; tlen tlenrei y khumi kahawichi ly khumi aso y naichi i avum nai pajeng naira avum u teang nai ne. Khumi aso y naichi py khumi kahawichi nga ai avo nai nang chawn naira nga u; hini py atyhtyh teu, nanai kathui nai ne.

Parip nai leu 8:16

Kai ly hini khaileaung pri y awm nai leaungsaichi pany ai nai atho kasa iy nga nai ly nang ly vum kanithun, i y naimy atho sa teu i py,

Parip nai leu 8:7

Mo mang y tym ai nai saichi ly achi theung y ami py pany y; hunichi ai achi teng y thui pi ai nai khumi leaungrei py by y.

Parip nai leu 9:6

Nichi i tamen nai paleung, niu ngai y nai paleung hawi, takhra ngai phi teng y nai paleung bawibawichi ly mymychi hawi vanrei tama be veng bo. Nichi ly hini khaileaung pri y tym nai atitichi theung y abawi pajau y leang bo.

ISAIA 26:12

Aw Areng, nang ly kaichi ai nang chawn ai nai pei ai. Kaichi i eaung nai ngiereichi ly nang i sa pi naichira i hawi naira ne.

JEREMIA 43:6

neampacho, neampachy, deaungdichi hawi samrang i chaniuchi napi nai khumi bawibawichi ai py, Kedalia i kiu y Nebuzaradan my au nai kai hawi Baru napi nai khumi bawibawichi ai py, hawi pawn nai ne.

Leu Thui Nai 33:3

Areng ly mymy i khumichi ai tamen, mymy i khumichi ai kry ryhpatyh na. Hunai deaungkho y achi ly mymy i kheu keung y ambeu iy, mymy i reita leu pei naichi tangai u bo.

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.