Parip nai leu 8:4 - Khumi Common Language Bible

⁴ Samrang i sa nai leaungsaichira y sa thai naira abawi; huna nai y ni i ati mo sa naira y deng patumpati pajau y.

Parip nai leu 8:4 ပူးပေါင်းရင်းမြစ်များ

2 SAMUELA 24:4

Na i py samrang ly Juaba hawi tavai luchi teng y, my i leu pei nai kamta sa hai. Nichi ly Israela cheng khumi vuikanai la ai nai, mymy teng i nai theu u bo.

1 ARENG KEH 1:30

Kai ly nang i chapo Solomon ai kai i meingtym y amtym ai nai samrang kapalyn ai, nanai Israela chengchi i Areng Tameuh i amyn y vaineng adeu nai kamta kai, kasa ai, nanai vaini kai adeu mang,” napi.

1 ARENG KEH 2:25

Naibaly samrang Solomon my leu pei nai deaungkho y, Benaja ly chei iy Adonijah ai tleh vui bo.

1 ARENG KEH 2:46

Naibaly Benaja ly samrang my leu pei nai kamta, Shimei ai tleh vui bo. Vai ly samrang Solomon ly mymy i pri ai, hawihai palai peang nai ne.

EZARA 6:13

Naibaly samrang i bangtang kalen Tatenai, Shetha Bozenai hawi nini i ahawi kamkawm miteaung kehchi ly samrang i leu pei nai kamta takhawi y naimy sa u.

JOBA 9:12

Mymy ly my i aly ngai nai ai la vui nai ne; mymy ai ami py paka pajau y. Ami my, “Nang ly ati sa nai mo?” nanai deng u vam y.

THEU NAI 1:18

Hunai deaungkho y samrang ly deaungdi syn pi keung ni ai palau hai i nini teng y, “Ati mana nai kai i leu pei nai kamta so hawi y lawh? Ati mana nai y neampacho ka-so ngiereichi ai padei hawi y lawh mo?” nanai deng.

LEU KACHENG 19:12

Samrang i kado theu nai ly khrangsi i hang nai hawi atawm. Na i py ni i mo y meimai nga nai ly aly ngai nai neng khala nai pi nai kanitui hawi atawm nai ne.

LEU KACHENG 20:2

Kado theu nai samrang ai ly hang hai nai khrangsi ai jei nai kamta jei hyn ba. Ni i kado theu ai nai kachyh reng nai khumi ly amymy ai apadei ai hau nai khumi ne.

LEU KACHENG 30:31

mi-i katai, takaho naimy tako nai a-talui pui, mipuichi i mo y apu parai nai samrang, hunichi ne.

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

ROM AVANGCHI TENG Y PAWLA I CHA PA NAI 9:20

Ne, na i py nai awi, Tameuh ai ei nai keung nang ly ami kha? Atiti sa angchi nai my ly sa nai keung teng y, “Nang ly ati mana nai kai ai hinai kamta sa lawh?” tapi na a?