Parip nai leu 8:1 - Khumi Common Language Bible

¹ Khumi kacheng naini khaileaung pri i atiti awm nai sai pany nai ne. Tau cheng naira ly huni khumi i meimai y panuiyhm nai amteng hai iy, meimai takhuisui nai tama hai bo.

Parip nai leu 8:1 ပူးပေါင်းရင်းမြစ်များ

ATITI AWM ANGCHEI NAI 40:8

Nini my, “Kaini ly amang amang akyhkyh nai ne; na i py amang thui pi pachai pajau nai keung leaungrei py by y,” napi. Josepha my, “Tameuh my naini amang thui pachai pajau ai nai chengra pei pajau khyh, nangni i amang kai teng y thui pi cham,” napi.

JOBA 33:23

Na i py khumichi ai amy i sa ai nai kalopchi pany ai nai Tameuh my pato nai, kani pri amtaw thau nai sang neangneang awm; nichi theung y leaungrei ly ni ai sabawm ai nai amtengtan amteng pi lym ai.

THEU NAI 34:35

Huna nai khala Israela chengchi ly ni i meimai angvang nai niu u; hunai deaungkho y ni ly Areng hawi leu arum ai nai Tabynako theung y kun jo nai ryrei, ni i meimai y amymra hawi amym vui nai ne.

LEU KACHENG 1:6

Prengja kawp nai khumichi ai py thiu parai nai leu maitawmchi awm nai sai thui pachai nai hawi, khumi kachengchi i pany hai nai rai nairachi ai py, pany pajau ai nai sabawm pi pajau nai ne.

LEU KACHENG 12:8

Ami tleaungtha cheng nai khumi ai ly khumi takhrachi my palo ai; tau cheng naira by y nai khumichi ai ly ami my py khen nau ai.

LEU KACHENG 17:24

Tau cheng naira awm nai khumi ly cheng naira ai mo patheung reng; na i py khumi ka-khum i mei ly meingtym tleirei y khen aki prei reng nai ne.

LEU KACHENG 21:29

Khumi kahawichi ly amymy ai a-ym nai ne. Khumi hawi y naichi ly kahawi amlawn akhikan reng nai ne.

LEU KACHENG 24:5

Khumi kacheng ly atho awm nai khumi tleaung y, sa thai naira awm. Cheng naira ly tlang i atho tleaung y py, aly len nai ne.

DANIELA 2:22

Mymy ly thiu parai nairachi pany hai; mymy ly kaveng theung y heu vui naichi pany se, mymy ai ly kangvang my taki teungtareung nai ne.

DANIELA 2:47

Samrang my, “Nang ly hini thiu parai nai saichi ai thui pachai pi pajau nai deaungkho y, nang i Tameuh ly tameuhchi bawibawi tleaung y len keh nai ne. Samrang bawibawichi ai peang nai keung, thiu parai nairachi ai pany hai pi nai keung ne,” napi.

MATTHAI 17:2

naibaly nichi i mo y mymy i meimai awm nai sai ly takhra bo; my i meimai ly kanito kamta angvang iy, mymy i ateaung ly kangvang kamta kaleung bo.

AMTAW 4:13

Naibaly Petera nini Johan i vam nai sai ly nichi my niu i, cha neangneang kawp y nai khumi hawi, neangneang pany y nai khumi ne, nanai pany kha y ly khri pa-rei lyh parai i, nini ly Isu teng y awm bo, nanai pany bo.

AMTAW 4:29

Hunaibaly Areng, vai nichi i kaichi ai ram nai sai ly khen cham; naibaly nang ly amichi ai no hawi sa nai nang i kiu jaha nai tarawi y, nang i miseaung ly vam parai pa-rei nangmy i leu pany hai ai nai sabawm kyh ba;

AMTAW 6:15

Naibaly tara chih nai keung ateh naichi bawibawi ly Stephana ai khen ryry i, mymy i meimai ly kani pri i amtaw thau nai i meimai ka-tawm niu u.

ROM AVANGCHI TENG Y PAWLA I CHA PA NAI 13:5

Hunai deaungkho y kado theu naira y jei nai khyh ny y naimy, nang i paleung y hawi nai hawi y nai pany naira deaungkho y mymy i ngaingai awm ai tla nai ne.

EPHESI 6:19

Naibaly Satang Kahawi leu kathiu ly vam parai naimy pany hai ai nai, kai i labeaung kapeaung iy leu ang thui hai thai ai nai hawi,

Leu Thui Nai 28:50

Nangchi ai katheang kalen vawi y naimy, ami ai py pahyp ai ny y.

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

II PETERA 1:20

Tameuh i cha-iu y thui rym nai leu ly amymy thui pi pachai ai nai ny y, nanai pany u man ba.