Parip nai leu 7:18 - Khumi Common Language Bible

¹⁸ Hini amjy nyhrei ai amkyn ba. Nang ly Tameuh ai jei kaji nai khumi ne baly, ati py ne sy, eaung naira nga ai.

Parip nai leu 7:18 ပူးပေါင်းရင်းမြစ်များ

LEU KACHENG 12:21

Khumi kahawichi ly mani mo taham kasi py avum ai ny y; na i py khumi hawi y naichi ly patang naira naini avum reng nai ne.

LEU KACHENG 8:20

Kai ly khumi kahawi i lam napi nai, leu meitang adyh adawi nai lam y tako bo.

Parip nai leu 11:6

Nang i tichi ai ly khawn mang py, dym mang py hei ba; neng tlen nyhrei hei nai tichi ly prau nai hawi ai, nanai py, ti hei nai theung y mani ti hei nai ly prau ai mo, nanai py nang pany pajau y leang.

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

Parip nai leu 3:14

Tameuh i sa nai cheaungkhang ly khaw, nanai kai pany; nang ly hunichi ai panawi bi nai mo, la vui nai mo, so pajau y leang. Tameuh i sa nai harei nai ly mymy ai achi my jei kaji ai nai ne.

Parip nai leu 5:7

Nang ly amang neangneang amang nai, ati sai py ny y nai kalop sa nai, leu peung ryry nai ne teu i py, Tameuh ai ly jei ai nai tla.

Parip nai leu 8:12

Khumi kamngo ly tlen chungvairei hawi y nai sa teu i py, heng thai nai ne. Khumichi my, “Tameuh i leu tangai nai khumi i vui ly cheaungkhangra y hawi ai;

Parip nai leu 8:13

na i py khumi hawi y nai i vui ly huna nai kamta hawi ai ny y. Nichi ly Tameuh i leu tangai y nai deaungkho y nichi i heng nai ly pa-pui kamta ne i, nichi ly hawi thym naimy dei u ai,” nanai thui u nai kai pany khyp bo.

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

LUKA 1:50

Mymy ai tahm khai naichi ai ly deung kangthau khrairei ang pahen jojo ai.

LUKA 11:42

“Nangchi Pharisaichi awi nangchi ly taham si! Nangchi ly seaungsyn hawi seaungken hawi amti amjang cheaungkhangchi ly horei y harei pei reng; hawi naira hawi, Tameuh i tamen naira ly dawn katlen vui veng; na i py huni na a nangchi i sa ai nai avo nai ly, takhrachi py khai su y naimy.