Parip nai leu 7:16 - Khumi Common Language Bible

¹⁶ Hunai deaungkho y khumi kahawi i hawi nai kamta khri pa-rei atho so ala moh, cheng naira py awm ala moh sy; hina nai hawimy amymy ai ati mana nai apadei ai tau lawh mo?

Parip nai leu 7:16 ပူးပေါင်းရင်းမြစ်များ

ATITI AWM ANGCHEI NAI 3:6

Neampachy ly thengthai keung i apu nai sai, thengthai athai py cha ai paleung ka-no awm nai sai mei y niu bo. Huni khyh ny y, tau cheng naira awm baly mana tanrei hawi ai mo, nanai dawn nai hawimy athai jaw iy cha vui nai ne. My i juvo ai py pei i, ni py cha teang.

JOBA 11:12

Keaungngo kano kasau karam ly neaung hawi nai keaungngo kano kasaucho tapen khala naini, khumi hawi y nai ly tau cheng ai.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

LEU KACHENG 23:4

Nang chawn ai nai molam atho sa naira y, amymy ai akawm hai ala y ai nai cheng naira awm ba.

LEU KACHENG 25:16

Khawi hang ai ngai nai tleaung y cho nei ala moh. Cha nei ala nai khumi ly paleu reng.

Parip nai leu 12:12

Deang awi, nang adawn patyp ai nai harei awm rai; cha-iuchi tajiu nai ly tem bo, nanai by y; amtiu ala nai ly nang i vui atho bai ai.

MATTHAI 23:29

“Nangchi Reita patiu nai keungchi hawi Phraisai tapawp naichi awi, nangchi ly taham si! Nangchi ly amochi i tapreaung sa u iy, khumi kahawichi i angawm py palum u i,

MATTHAI 23:38

Na i py nangchi ly ngai u y. Khen cham nangchi i yhm ly ka-keu khai pi jo veng bo.

MATTHAI 23:5

Nichi i atiti sa nai bawibawi ly khumi i ka-niu y sa nai teu; nichi ly la-phawi vui bei kalen sa i kanih tawn py len parai sa;

MATTHAI 9:14

Hunai thym khala y ly Johan teng y abangnaichi ly mymy teng y chei u i, “Ati mana nai kaichi hawi Pharisaichi py biu hai i, nang teng y abangnaichi ly hai y lawh be? napi.

LUKA 18:12

Kani saryhei y biu tlen nyhrei kahai; kai i nga nai ngierei horei y harei kapei,’ napi.

ROM AVANGCHI TENG Y PAWLA I CHA PA NAI 10:2

Nichi ly Tameuh mang y dawn u patyp, nanai kapany hai nai ne, ne mang ly pany angym nai kamta ny y leang.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 12:3

Nangchi theung y ami py tahm apasang nai kawi palai nai ly tahm apasang y naimy, Tameuh my khumi leaung leaungrei teng y ym naira hawi khyp ang pei nai kamta adawn naira y amkym lawh ai nai, kai ly mymy i ang pei nai pahenra deaungkho y leaung leaungrei teng y kang napi bawibawi.

I KORINTH 3:18

Ami py amymy ai atapawp moh sy. Nangchi theung y ami py, “Kai ly hini khaileaung pri i atitira y cheng bo,” nanai adawn baly, mymy ly cheng thai ai nai cheng y nai khumi lawn sy.

I KORINTH 3:20

“Areng my ly khumi kachengchi i dawn nairachi ly jawmjawm teu nanai pany,” nanai py tajiu nai ne.

PHILIPI 3:6

atho sa naira mang y ly palau takhra kamkawm ai ana nai keung py ne; Reita leu y hawi naira y ly cheh ai by y nai py ne.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

KOLOSA 2:23

Hunai kamta atitichi ly amy i ngai nai kamta chiu nai hawi, leu anui nai hawi, amy i ngan y no apei naira y ly cheng naira angam mang y amteng hai khyp nai ne; hunichi my ly tlang i kangai patawm nai kam ai naira y ly ati sai py kamran awm lawh y leang.

I TIMOTHEI 4:3

nichi ly apom ai nai kam u lawh, naibaly ym iy leu meitang pany naichi ly kawn nai leu thui iy nga ai nai, Tameuh my cha ai nai sa naichi ai ly cha ai nai tlo y, napi u lawh.

AMTENG HAI NAI 18:19

Naibaly nichi ly lu y spryh athi iy vo nai hawi paleung mawn naimy, ‘Huni avang pui ly taham si! taham si! Hunira y ly pangli paleaung keung ngiereichi ly huni i nang naira deaungkho y nang ra nang ra veng bo! Tanarei sala chy y huni ly ati sai py ny y nai palawn na ly,’ nanai aeu u bo.