Parip nai leu 7:14 - Khumi Common Language Bible

¹⁴ Nang i vui ati cheaungkhang amsym naimy awm nai khala, amo theu naimy awm ba. Na i py patang naira avum nai khala y Tameuh my amo theu ai nai hawi patang ai nai ang pei bawi reng; mo mang y mana lawm ai mo, nanai nang pany pajau y leang; hunichi ai adawn pasym ba.

Parip nai leu 7:14 ပူးပေါင်းရင်းမြစ်များ

1 ARENG KEH 8:47

Huni pri ly khri pa-rei palo teu i py, nang i khumichi chiu sa hnei takeng nai ly tangai pi kyh ba. Nichi ly huni pri y awm nai khala uikheih nai tarawi y mychi ly kamngo mana tanrei sa tamang na mo, hawi y na mo, nanai ahui iy nangmy teng y chiu sa hnei takeng lawh baly aw Areng, nichi i hnei takeng nai pathang pi kyh ba.

JOBA 2:10

Joba my, “Nang ly neampachy ka-khum kamta katheu lawh ly! Achi ly Tameuh teng i dengdairei, tlamsa naira nga baly, patang naira py avum ai nai tlo y a?,” napi. Joba ly hini patang naira avum teu i py, Tameuh i tlang tleaung y labeaung palai hawi malawn py tamang y nai ne.

SAM 119:71

Pajeng naira avum nai ly kai i vui hawi khyp; ati mana nai mo nabaly huna nai avum nai molam y kai ly reita leaungsaichi ai pany thai nai ne.

SAM 40:3

Achi i Tameuh ai palo naira y khulym kangtha thui ai nai, mymy ly kai ai patiu pi bo. Huna nai sa nai ai niu u nai khumichi ly jei naimy tahm khai u iy, Areng ai ym u ai.

Parip nai leu 10:14

Khumi ka-khum ly leu avaw by y na pa-rei katheu reng. Mo mang y ati tym ai mo, nanai ami py pany y; achi dei nai bo y ati mana awm ai mo, nanai py, ami py achi teng y thui pi thai y.

Parip nai leu 11:9

Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

Parip nai leu 12:8

Hini leaungsai bawibawichi ly atyhtyh teu, atyhtyh teu, atyhtyh teu, nanai leu kathiu dawn pasym kawp nai khumi kacheng my ly thui nai ne.

Parip nai leu 3:22

Hunai deaungkho y achi sa ai nai hawi keh nai ly amychi my atho sa iy hau naira i nga nai yhmtheaung katuichi naini amtym ai nai ne, nanai kai kapany bo. Hina nai kamta avum nai ny y baly achi sa pajau nai takhra ati sai py by y; dei nai bo y ati lawm ai mo, nanai achi pany pajau y.

Parip nai leu 3:4

Paleungsi ai nai neng hawi amo theu ai nai neng py, vo tangam ai nai neng hawi lam ai nai neng py,

Parip nai leu 5:17

Achi ly paleung bi paleung mawn nai, noso nai, kaveng theung y awm nai hawi paleung si naimy heng u nai ne.

Parip nai leu 8:7

Mo mang y tym ai nai saichi ly achi theung y ami py pany y; hunichi ai achi teng y thui pi ai nai khumi leaungrei py by y.

Parip nai leu 9:7

Huna nai y nang ly nangmy i teicha teinei cha iy amo theu naimy awm ba; nangmy i kreip hang nei iy amo theu naimy awm ba; nang i atiti sa naichi ai Tameuh my kawn nai ne.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

JEREMIA 23:20

Huni kado theu naira ly mymy i sa ai tau nai ngiereichi amcheang y ryrei ly rym lawh ai ny y. Hunichi ai mymy i khumichi ly tym ai nai neng kani khala y, chaipyn pa-rei pany u ai,” napi.

TANGAM NAI LEU 3:38

Hawi nai hawi y nai ly mymy i leu pei nai kamta, lawm nai ne.

MIKHA 6:9

Areng ai jei kaji nai khumi ly khumi kacheng ne. Mymy ly mary y hina nai kamta thui pi bo. “Mary theung awm achu nai khumi bawibawichi awi, tangai u!

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

Leu Thui Nai 26:11

Nangchi i Areng Tameuh ly nang hawi nang i yhm dengtheungchi ai pahen nai deaungkho y, mymy teng y kawn nai leu thui u. Nangchi theung y awm nai Levi theaungchi hawi cheng takhrachi ly nangchi hawi vanrei amo theu nai pawi so hai u.

Leu Thui Nai 28:47

Areng my nangchi ai ati cheaungkhangra y amtheaung hai bo, na i py nangchi ly mymy i kalop ai paleung amo theu parai naimy so u y.

Leu Thui Nai 8:3

Mymy ly nangchi ai kajeu kanglam ang khai. Naibaly nangchi hawi nangchi i amsi pajochi cho vai y nai Manna tako ang pacho. Huna nai molam y khumi ly teicha cha naira y heng nai ny y leang, Areng i leu y naini heng ai khyh, nanai nangchi ai kang thui pi nai ne.

Leu Thui Nai 8:5

Ampo ly mymy i cho chanauchi ai parip nai kamta, nangchi i Areng Tameuh my nangchi ai parip nai ly pany u jo ba.

JAKOB 5:13

Nangchi theung y ami mo patang nai awm a? Chiu so sy. ami mo amo theu nai awm a? Palo nai khulym thui sy.