Parip nai leu 6:3 - Khumi Common Language Bible

³ Khumi leaungrei ly saneng neangneang heng sau iy cho chanau leaung chungvairei nga taing nga lym ai. Na i py ni ly amo theu nai sai py by y, avo nai kamta veu pavum ai nai py ngo y naimy dei lawh baly, pahaw nai deaungdi tleaung y hawi y keh, nanai kathui bo.

Parip nai leu 6:3 ပူးပေါင်းရင်းမြစ်များ

ATITI AWM ANGCHEI NAI 33:5

Esaw ly khen aki prei i, neampachychi hawi deaungdichi ai niu baly, “Nang hawi vanrei abawi nai hini khumichi ly amichi mo?” nanai deng. Jakob my, “Jai awi, hinichi ly Tameuh my ang pei nai kai i chanauchi ne,” napi.

ATITI AWM ANGCHEI NAI 47:9

Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi.

2 ARENG KEH 10:1

Samrang Ahad i katu chanau leaung vui saryhreichi ly Samari mary theung y awm u nai ne. Jehu ly peang nai keungchi, mary i mipuichi hawi Ahad i katu chanauchi ai kry nai khumichi teng y cha tajiu iy pa bo. Huni cha theung y ly

2 ARENG KEH 9:35

Na i py veu up ai nai chei nai khumichi ly huni neampachy i lu hawi, kiu kheu hiuchi naini niu u khyh nai deaungkho y,

1 NENG SATANG 28:5

Mymy ly kai ai chapochi thawn hai iy, huni chapochi theung i Solomon ai Areng i pri napi nai Israela pri peang ai nai vawi takhra bo.

2 NENG SATANG 11:21

Rehoboam ly aju leaung 18 rei hawi, aju katheang leaung 60 rei awm. Ni ly chapo leaung 28 rei hawi chaniu leaung 60 reichi i ampo ne i py, my i ajuchi hawi aju katheang bawibawichi theung y Maakath ai khrei keh bo.

ESTHER 5:11

Naibaly Haman ly mymy i nang nai saichi, chapo neangneang awm naichi, samrang my ni ai kalop kalenra y tahm pasang naichi hawi samrang yhm i takhra miteaung kehchi tleaung y malawn py, aly lenkeh naira abawi naichi amlyh nai ne.

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

JOBA 3:11

Kai ly amhm i taku theung y awm nai hawi tapen angchei nai khala py, ati mana nai kadei y lawh mo?

JOBA 3:16

pahaw vui nai deaungdi kamta py,

SAM 58:8

Nichi ly khai ju pawn reng nai naikanachi kamta lawm u na sy; kangvang ai mana khala py niu y nai, pahaw vui nai deaungdi kamta lawm u na sy.

LEU KACHENG 17:6

Cho chanauchi ly ampo i molam y amlyh u reng nai kamta, amsi pajochi py katu chanauchi i molam y amlyh u reng teang.

Parip nai leu 4:3

Na i py huni dei nai, heng nai khumichi tleaung y tapen y rai naichi, hini khaileaung pri y awm nai adyh adawi y naichi hawi avum vai y nai khumichi ly hawi keh nai ne.

Parip nai leu 6:4

Huni deaungdi ai tapen nai ly kamran by y; ni ly kaveng theung y tama vui nai ne. Khumichi py ni ai tami u pawn bo.

JEREMIA 22:19

Keaungngo kano kasau kadei ai veu pavum nai kamta, ni ai ryh iy, Jerusalem mary apai angam mang y aphi u vui ai,” nanai ne.

JEREMIA 36:30

Hunai deaungkho y nang i kangpreangchi ly mana khala py, Davida i areng atehra y samrang atheng ai nai nga u ai ny y, nanai kai Areng my kang thui pi bo. Nang i veu py kanithun y ly kanibi ajai iy, vum y ly kadam tla hai ai nai aphi u su ai.

JEREMIA 8:2

Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.

MATTHAI 26:24

Khumi i Chapo ly mymy i satang tajiu nai kamta khypkhyp my chei vui ai; na i py Khumi i Chapo ai patiu hai ai nai keung ly taham si! Huni khumi ly tapen y nai khyly mymy i vui hawi keh alam ai,” napi nai pathang.