Parip nai leu 6:2 - Khumi Common Language Bible

² Tameuh ly khumi leaungrei teng y nang chawn ai nai, tahm awm ai nai, yhmtheaung katui hawi ngai nairachi pei. Na i py mymy ly huni khumi teng y hunichi amtym ai nai pei y; apany vai y nai khumi leaungrei teng y amtym ai nai pei reng. Hini leaungsai py atyhtyh teu, teng y nai ne.

Parip nai leu 6:2 ပူးပေါင်းရင်းမြစ်များ

1 ARENG KEH 3:13

Nang hnei y nai amtheaungra py kang pei ai; nang ly nangmy deungrei takhra mani samrang hawi py atawm y na pa-rei, nang chawn nai hawi tahm asang naira kang pei ai.

1 NENG SATANG 29:25

Areng ly Israela cheng bawibawichi i mo y Solomon ai khri pa-rei tahm pasang iy, takhra mani Israela samrangchi py ngo vai y nai phum-ang kawi angym hai nai ne.

1 NENG SATANG 29:28

Ni ly khri pa-rei yhmtheaung katui nang chawn iy, khumichi my tahm khai i, khri pa-rei miteaung acheang nai khala dei nai ne.

2 NENG SATANG 1:11

Tameuh my Solomon teng y, “Nang i hnei nai ly teng parai. Nang ly yhmtheaung katui nang ai nai hawi amyn amthang ai nai py, paleung ka-echi ai padei pajau ai nai py hnei y naimy, nang ai kang pei nai khumi mipuichi ai peang pajau ai nai cheng naira hawi pany thai naira hnei bo. Hunai deaungkho y nang ai cheng naira hawi pany thai naira kang pei mang.

SAM 17:14

Vai, heng nai deung y ngai nai kamta angym nai khumichi kiu i nai kai ai atleu kyh ba. Nichi i vui y nangmy pateung pi achu nai ngari kamtang hawimy, nichi ai pajeng kyh ba. Huni ngari kamtangchi ai nichi i cho chanauchi teng khyh chang y naimy, nichi i katu chanauchi ai py avum hai ba.

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

SAM 73:7

Nichi i paleung dengdairei hawi y nairachi patheu iy, nichi i paleung ly kamngo nai katauchi dawn pasym u nai ne.

Parip nai leu 4:4

Khumichi ly eaung naira nga ai nai khri pa-rei atho sa u; ati mana nai mo nabaly nichi ly saleaung deaungpachi i, atiti nga nai molam y paleung ano nai deaungkho y ne, nanai kapany. Na i py hini atitichi ly atyhtyh teu; ali ai patiu nai kamta ne.

Parip nai leu 4:8

Khumi ami mo leaungrei ly mymy tlairei awm; ni ly chapo py by y, amjo amnau py by y; na i py ni ly kalop sa jojo. Mymy teng y awm nai yhmtheaung katuichi hawi mana khala py paleung anyp vai y. Ni ly huna tanrei atho sa iy amo theu naira y py paleung apei y naimy awm nai ly ami i vui mo? Hini py atyhtyh teu, paleung phra ai hawi nai heng nai sai py ne.

Parip nai leu 5:13

Hini khaileaung pri y khri pa-rei ka-jei hawi parai nai amjy harei ly hini ne: khumichi ly mo mang i neng y ngai nai khala y teaung ai nai tangkachi pateung u achu reng.

Parip nai leu 5:16

Hini leaungsai ly avo y leang; achi jeu nai khala i kamta ly vawi ali teang ai nai tla ai. achi ly ali ai patiu ai nai atho sa nai ly ati kamran nga mo?

Parip nai leu 5:18

Khumi ami py sa ai hawi keh nai kalop ly achi ai Tameuh my ang pei nai khumi i heng nai deung y cha nai, nei nai, amy haura i nga nai yhmtheaung katui amtym naimy awm ai nai ne, nanai kapany bo.

Parip nai leu 5:19

Tameuh my khumi leaungrei ai nang chawn nai hawi yhmtheaung katuichi pei iy amo theu hai lawh baly, huni khumi ly mymy ai kawn iy my i nga nai yhmtheaung katui py amtym ai avo. Huni yhmtheaung katuichi ly Tameuh my pei nai kawn vang ne.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

TANGAM NAI LEU 5:2

Kaichi i yhmtheaung katuichi ly apany vai y nai khumichi kiu y tym lawh bo. Cheng takhra khumichi ly kaichi i yhmchira y athum u vui bo.

DANIELA 5:18

“Tahm asang parai nai Tameuh ly ngampo samrang Nebukhadnezar teng y peang nai sa thai naira hawi tahm asang parai nai samrang leaungrei lawm hai iy, tahm awm nai hawi phum-ang angym hai bo.

HOSEA 7:9

Pri takhra ai a-ym nai molam y, huni prichi my thi pajawp, nanai nichi pany u y. Nichi i pri ly phra nai neng kasa teu i py, mychi pany u y.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.

Leu Thui Nai 28:43

“Nangchi i pri y awm nai cheng takhrachi ly tahm asang tleaung asang ra iy, nangchi ly jum ryh jum ryh ai.

TARA CHIH NAI KEUNGCHI 18:10

Huni meingtym y nangchi tym u nai khala khumichi ly den py ym thai y nai by y nai avum u ai. Huni khu ka-peang ly kau parai iy, khumichi i ngai nai saichi py awm angym nai ne. Huni khu ka-peang ly Tameuh my nangchi teng y ang pei nai bo,” napi u.