Parip nai leu 5:8 - Khumi Common Language Bible

⁸ Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

Parip nai leu 5:8 ပူးပေါင်းရင်းမြစ်များ

2 NENG SATANG 26:10

Samrang ly nidym mang mawi kheutangra awm nai mawi tangbiuchi hawi, angdymchira y si kanghuchi khawn nai deaungkho y, daichi ka-vymra i marychi ai angdeangrachi hawi vanrei apai tapang iy, tuikan neangneang tai u. Samrang ly li hlau sa ai nai paleung apei nai deaungkho y, mawi aheungchira y kreip akho sa naichi hawi khaileaung kahawichira y li, hlau sa naichi ai atho pei nai ne.

JOBA 24:23

Tameuh ly ni ai tlamsa naimy awm ai nai pei lym ai; na i py khen patawm jojo reng nai ne.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 55:9

Aw Areng, kai i paleung ka-echi ai athli piupa hai kyh ba! Mary theung y khrukhra naira hawi, lawm naichi ai kai ly kaniu.

SAM 82:1

Tameuh ly kani pri mang y sa nai council meetingra i chairman ne; mymy i tameuhchi meetingra y tara chih pi nai ly

SAM 83:18

Nichi ly nang leaungrei naini Areng ne, nanai hawi, khaileaung pri verei y samrangchi tleaung y samrang ne, nanai py pany u sy.

SAM 95:3

Areng ly nang parai nai Tameuh ne; tameuhchi bawibawi tleaung y nang parai keh nai samrang ne.

LEU KACHENG 22:16

Khumi kanangchi ai langseaung pei nai khumi, ti y baly amy i nang chawn ai nai molam y, khumi kamawnchi ai ana nai khumi ly mymy py kamawn acheangryh acheangryh ai.

LEU KACHENG 24:12

Hini kalop ly kai hawi ati sai py abi y leang, nanai nang thui ai. Na i py Tameuh ly nang i paleung ai pany i ang chih ai. Mymy ly nang ai ang kry nai deaungkho y, nang i paleung ai pany. Hunaibaly mymy ly nang i kabo kaja hawi nai, hawi y nai kamlau ang pei ai.

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

Parip nai leu 3:16

Huni bo y, hini khaileaung pri y adyh adawi naira hawi leu meitang awm ai nai avo teu i py, hawi y nairachi ai kaniu khyh, nanai kadawn bo.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

Parip nai leu 5:9

Samrang malawn py pakym achu nai amti amjangchi ai a-ym nai teu bo.

Parip nai leu 7:7

Khumi leaung leaungrei ai li-tapawp nai khumi kacheng ly khumi ka-khum i sa nai kamta sa nai khumi ne.

Parip nai leu 8:9

Khumi phyreichi ly sa thai naira awm iy, phyreichi ly nichi my ana naira avum; hina nai avum nai khaileaung pri y khumichi i dawn nai, tau naichi ai dawn pasym nai khala y, hina naichi kaniu bo.

ISAIA 10:12

Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

ISAIA 3:15

Nichi teng y kai i khumichi ai ana ai nai, khumi kamawnchi tlang tleaung y neng ka-pe dyp ai nai py sa thai naira by y. Huni ly ati cheaungkhang sa thai nai keung kai, Areng my pei nai leu ne,” napi.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

Ezekiela 18:18

Ni i ampo ly li-tapawp iy ami i yhmtheaung ai kamjau kamteang lawm naimy khumichi tlang tleaung y hawi y naira sa aninau nai deaungkho y, amy i kamngo molam y dei nai ne.

AMOS 5:12

Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

AMOS 6:12

Keaungngochi ly lengseaung salo y angpreng reng a? Khumi ly si katai hawi pangli salo y li thawn vai sai a? Tuteu i malawn py nangchi ly adyh adawi naira ai dei asi kamta py, kateng ai teng y naira mang y py, tamang hai nai ne.

MIKHA 2:9

Nangchi ly kai i khumichi i neampachychi ai, mychi khrei nai yhm i dengdairei patheu u iy, mychi i cho chanauchi mo mang y hawi ai athang khai nai amtheaung nairachi phra hai bo.

ZEKHARIAH 8:6

“Hinichi ly vai, awm jo nai Juda chengchi i vui ne, nanai thui khyp pajau y teu i py kai, ati cheaungkhang sa thai nai Areng i vui ly avo pajau nai ne.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

LUKA 1:32

Mymy ly khumi kalen lawn ai i, salo kangteng i Chapo napi ai; Areng Tameuh my mymy i amsi Davida i areng atehra ly pei ai;

LUKA 1:35

Naibaly kani pri i amtaw thau nai my ly pathang i mymy teng y, “Nang i tlang tleaung y Phailo Kachai tym ai i, Salo Kangteng i atiti sa thai naira ly nang ai khiu ai mang; hunai deaungkho y nang i tapen ai nai py kachai, Tameuh i Chapo napi ai.

LUKA 1:76

Ne deang awi, nang ai ly salo Kangteng i amo ang napi ai mang;

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

I PETERA 4:12

Amjo amnau ngai parai naichi awi, nangmychi ai cham ai nai, nangchi i tlang tleaung y tym nai, nangchi theung y awm nai mai kamta cham naira ly rengrang tlai, nanai dawn u moh:

I JOHAN 3:13

Amjo amnauchi awi, khaileaung pri my nangchi ai niu ngai y baly rengrang ti u moh.