Parip nai leu 5:4 - Khumi Common Language Bible

⁴ Nang ly leu neangneang katheu baly leu hawi y naichi katheu lawh ai. Hunai deaungkho y nang ly Tameuh teng y sai sairei leu adeu lawh baly, adeu nai kamta sa kaliki ai nai tla. Khumi ka-khum ly Tameuh i vui teaung ai nai ngo y leang. Nang ly nangmy i leu adeu nai kamta so ba.

Parip nai leu 5:4 ပူးပေါင်းရင်းမြစ်များ

ATITI AWM ANGCHEI NAI 28:20

Naibaly Jakob ly Areng teng y, “Nang ly kai hawi vanrei awm hai ly kai chei naira tleirei y kry jojo ai; teicha teineichi py, ateaungchi py kai ai pei iy,

ATITI AWM ANGCHEI NAI 35:1

Tameuh my Jakob teng y, “Bethela meingtym y chei ly hu y awm. Ngamjo ai jei nai deaungkho y preang nai thym khala i, nang teng y amteng nai kai Tameuh i vui apathyp ai nai maicham so,” napi.

ATITI AWM ANGCHEI NAI 35:3

Achi ly hi i dengdairei Bethela mang y chei ai; kai patang naira avum nai thym khala sabawm iy, kai chei naira tleirei y kai hawi vanrei awm nai Tameuh teng y apathyp ai nai, huni meingtym y maicham sa ai,” napi.

SAM 116:14

Kai ly mymy teng y vaineng adeu nai kamta, mymy i khumichi awm achu naira y, kaimy i adeu nai talam ai.

SAM 119:106

Nang i meitang naimy tara chih naichi tangai ai, nanai kai ly amy i vaineng abeu nai khaw hai ai.

SAM 22:25

Kai ly nang i pahen nai saho y nang ai chiu nai khumi mipuichi mo y nang ai palo ai. Kai ly kaimy i adeu nai kamta, apathyp ai.

SAM 50:14

Kawn nai leu thui nai naini Tameuh teng y nangchi i apathyp nai palawn u; huni bo y ati cheaungkhang sa thai nai keung teng y, nangchi vaineng adeu nai kamta so u.

SAM 76:11

Nang i Areng Tameuh teng y adeu nai ly talam u; tengpang sahawi y awm nai khumi cheaungkhangchi awi, mymy teng y langseaungchi syn pi u.

LEU KACHENG 20:25

Tameuh teng y talam ai nai vaineng adeu y rai khala, hawihai palai adawn yb; ti y baly kangkhym y vaineng adeu veng nai molam y paleung si ai.

ISAIA 19:21

Areng ly mymy ai Aikupta chengchi my pany ai nai sa ai. Huna nai khala y nichi ly mymy ai pany iy chiu u ai. Mymy teng y tawnbawi hawi kapathyprachi syn u ai. Nichi ly mymy i mo y leu meitang adeu iy, huni leu meitang adeu nai kamta sa u ai.

JONA 2:9

Na i py kai ly nang i nang parai nai ai palo ai; nang teng y apathyp ai. Naibaly kaimy i adeu nai kamta tangai ai. Ati mana nai mo na baly atleu naira ly Areng teng i dengdairei tym nai ne!” nanai chiu sa.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

Kati Nai 30:2

Khumi ami mo leaungrei ly Areng teng y ati mo ha harei talam ai nai adeu nai py ne sy, ati mo sai sairei amkyn ai nai vaineng abeu nai py ne sy, huni vaineng taphra ai nai tlo y. Vaineng abeu nai kamta takhawi y pa-rei sa takengkei ai nai tla.

MATTHAI 5:33

“Jangni i khumichi teng y ly, ‘Ka-chawi naimy vaineng abeu moh ly, Areng teng y phai nang i vaineng abeu nai so jojo,’ napi, nanai nangchi thai bo.

HEBRAI 10:6

Leng patlum nai bom talam naira y hawi, Kamngo i vui y apathyp naira y ly nang ly kawn naira pipi ngo y leang bo;

TARA CHIH NAI KEUNGCHI 11:35

Jephetha ly chaniu ai niu nai khala paleung hawi y i, my i baichu sei iy, “Aw lo awi! nang ly kai i paleung ai no hai na ly! Kai ai paleung no hai nai khumi ly ati mana nai y nang ne lawh mo? Kai ly Areng teng y ji parai nai vaineng adeu nai ly ajiu teang thai y leang bo!” napi.