Parip nai leu 4:1 - Khumi Common Language Bible

¹ Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

Parip nai leu 4:1 ပူးပေါင်းရင်းမြစ်များ

JOBA 16:4

Kai ly nangchi hawi meingtym angtheung ai nai nga lawh teu i khyly, nangchi katheu u nai kamta ly kai py katheu pajau nai ne. Kai ly khumi kacheng kamta, kaimy i lu heng naimy nangchi ai leu angdeungra anum hai pajau.

JOBA 35:9

Khumichi ly ana naira avum nai khala, vo tangam naimy, mychi ai sabawm ai nai khumi leaung leaungrei teng y kaau u nai ne.

JOBA 6:29

Nangchi ly anawn ai nabaly, anawn ai nai avo bo. Avo akheang y nai leu thui u moh jau. Kai i tlang tleaung y kamngo pajeng ai nai so u reng moh. Kai teng y kamngo by y leang.

JOBA 9:24

Tameuh ly khaileaung pri ai, khumi hawi y naichi i kiu tleaung y au bo. Tara chih nai keungchi i, cheng nai mei ai paju hai bo. Hinichi ai Tameuh so y baly ami sa ai mo?

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 142:4

Kai i sahawi y khen nai khala y kai ai sabawm ai nai keung leaungrei ai py kaniu y; ama hai nai keung leaungrei py by y. Ami py kai ai dawndan y bo.

SAM 142:5

Aw Areng, sabawmra nga ai nai kai ly nang ai kang palau bo; aw Areng, nang ly kai ai ama hai nai keung; vai heng nai deung y nang leaungrei ai naini kai ly kadeaung nai ne.

SAM 42:3

Kai ly vum, kanithun vo nai deaungkho y, mei katuichi ly kai i teicha teinei lawm na bo. Paleung ka-echi my kai teng y, “Nang i Tameuh ly ma mang y awm mo?,” nanai avawrei angdeang u bo.

SAM 42:9

“Nang ly ati mana nai kai ai tami vui lawh mo? Ati mana nai kai ly paleung ka-echi i, pahyp y naimy ana nai avum lawh mo?,” nanai kai ai ama hai nai keung Tameuh teng y katakeng bo.

SAM 69:20

Mei aniu y naira avum nai deaungkho y, kai ly paleung mawn iy paleung phra atho di na bo. Kai ly kapahenra kadeaung nai khala y, pahen ai nai keung avum y; paleung awmnem naira kadeaung nai khala y, paleung awmnem naira pei ai nai khumi by y.

SAM 69:21

Kai kajeu alam nai khala y, paleung ka-echi ly dei asi pacho u bo; tui ahai nai khala y, kreip hang katho panei u bo.

SAM 80:5

Nang ly kaichi ai paleung si naira napi nai teicha teinei pacho iy, meikatui napi nai tui ly khau kalen pui hawi panei bo.

THEU NAI 1:16

“Nangni ly Hebrai neampachychi chanau tapen nai khala y neampacho ka-so ngierei ai ly padei ryp padei ryp ai nai tla; na i py neampachy ka-so ai ly kang heng khai,” nanai leu pei bo.

THEU NAI 1:22

Naibaly samrang my mymy i chengchi teng y kangkhym kangtem leu pei nai ly “Hebrai neampachychi i tapen nai neampacho ka-so ngierei ai ly Naing tavo y aphi u; na i py neampachy ne lawh baly kang heng khai u,” napi.

LEU KACHENG 19:7

Khumi kamawn i amjo amnauchi molam py, ni hawi amkawm ai nai ngai u y; huna nai y ni teng y ahawi ka-dawi by y nai ly lyh ai nai by y. Ni ly khri pa-rei atho sa iy, ahawi kamrawi asa teu i py, ahawi leaungrei py ngo y.

LEU KACHENG 28:3

Khumi kamawnchi ai pahyp y naimy ana reng nai samrang ly amti amjangchi phra hai reng nai alipui khupui hawi atawm.

LEU KACHENG 29:2

Samrang kahawi my peang nai thym khala ly mipuichi ly amo theu u bo. Samrang hawi y naimy peang nai khala ly mipuichi paleung bi u nai ne.

Parip nai leu 3:16

Huni bo y, hini khaileaung pri y adyh adawi naira hawi leu meitang awm ai nai avo teu i py, hawi y nairachi ai kaniu khyh, nanai kadawn bo.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

Parip nai leu 7:7

Khumi leaung leaungrei ai li-tapawp nai khumi kacheng ly khumi ka-khum i sa nai kamta sa nai khumi ne.

Parip nai leu 8:9

Khumi phyreichi ly sa thai naira awm iy, phyreichi ly nichi my ana naira avum; hina nai avum nai khaileaung pri y khumichi i dawn nai, tau naichi ai dawn pasym nai khala y, hina naichi kaniu bo.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

ISAIA 51:23

Huni kreip hang ly nangchi ai pahyp y naimy ana nai khumichi, nangchi ai lam y atlym hai iy, spryh kamta kheu hawi chiu nai khumichi teng y kapei ai,” napi.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

JEREMIA 16:7

Nangmy tamen nai khumi leaungrei dei nai molam y paleung awmnem hai ai nai ami py sikeung hawi vanrei cha nei ai ny y. Amhm ampo dei nai khumichi malawn py, ami py pahen naira amteng pi ai ny y.

TANGAM NAI LEU 1:16

“Hunai deaungkho y kai i meichira i, mei katuichi leaung bo. Kai ai ami py awmnem naira pei pajau y. Ami py paleung atho ham pa-rei pei pajau y. Paleung ka-echi ly kaichi ai ang pajau u vui bo. Kai i khumichi teng y py, yhmtheaung katui ati sai py by y leaung bo.”

TANGAM NAI LEU 1:17

“Kai ly kaimy i kiuchi jaha teu i py, kai ai sabawm ai nai khumi leaungrei py by y. Areng ly kai ai tiu ai nai, tengpang sahawi tleirei mang i paleung ka-echi ai palau bo. Nichi ly kai ai amso ngailai ai nai hawi, nanai dawn u.”

TANGAM NAI LEU 1:2

Ni ly vumtorei vo naimy awm; meikatui ly my i tangbeng y leaung na bo. Vaichi khala mymy i ahawi kamrawi bawibawichi theung y, ni ai awmnemra pei ai nai leaungrei py by y leang bo. Ni i amsawi amnai asa naichi py, atakai vui veng bo. Vai ly nichi my ni ai paleung ka-e khai u.

TANGAM NAI LEU 1:9

Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

AMOS 3:9

Asadod hawi Aikupta pri samrang i yhmchi theung y awm nai khumi bawibawichi teng y hina nai thui. “Samari mary tengpang y awm nai mawi aheungchira y akachu u ly huni mary theung y sa nai kamngochi hawi khru-nganglang naichi ai khen u cham.”

MALAKHI 2:13

Nangchi i sa nai takhra harei awm rai; nangchi ly nangmychi syn nai katalamrachi ai Areng my kawn pi y nai deaungkho y, vo tangam naimy mymy i maicham ai meikatuira y anum hai bo.

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MATTHAI 26:56

Na i py amochi i leu tym thai ai nai hini bawibawi ly tym nai bo he,” napi. Hunai thym khala y ly abangnaichi bawibawi ly mymy ai patlaw su i angpreng pi pawn veng.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.

Leu Thui Nai 28:48

Hunai deaungkho y Areng my nangchi ai tiu ai nai pato nai paleung ka-echi i kalopchi nangchi sa u lawh ai. Nangchi ly kajeu kanglam, tui kanghai hawi tlang ka-keu naimy awm u ai i, cheaungkhangra y avaw u ai. Nangchi tama ai nai pa-rei Areng my nangchi ai ana kalikachi hai ai.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.

TARA CHIH NAI KEUNGCHI 4:3

Samrang Jabin teng y tamo ka-ri chungvai takawrei awm; ni ly Israela chengchi ai saneng apomrei khrukhra hai iy, ana pumpi naimy peang bo. Huna nai khala Israela chengchi ly kasabawmra nga ai nai vo naimy, Areng ai kadeaung u nai ne.