Parip nai leu 3:8 - Khumi Common Language Bible

⁸ Tamen ai nai neng hawi niu ngai y ai nai neng py, tavai atiu ai nai neng hawi tlamsa ai nai nengchi py awm nai ne.

Parip nai leu 3:8 ပူးပေါင်းရင်းမြစ်များ

1 ARENG KEH 5:4

Na i py kai i Areng my saleaung deaungpa meingtym tleirei y tlamsa naira ang pei. Kai ly paleung ka-e by y bo; paleung ka-e ka-jeira py by y leang bo.

2 ARENG KEH 9:22

Joram my, “Nang ly tlamsa nai ka-dawn hawi jeu nai a?,” nanai deng. Jehu my, “Nang i ngamhm Jezabela my sa amteaung nai uimiu atam kawp nai hawi myn chiu naichi awm nai ryrei ly ati mana tlamsa naira awm pajau ai mo?,” napi.

2 NENG SATANG 19:2

Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

SAM 101:3

Hawi y naira ai ly mana khala py kham pi ai ny y. Tameuh ai nithun thun vui nai khumichi i sa nai saichi ai, kai ly mei angai y; kai ly hunichi hawi ati sai py, amtawn abi y ai.

SAM 105:25

Mymy ly Aikupta khumichi ai paleung amtlau hai nai deaungkho y nichi ly mymy i khumichi ai niu ngai y i, tapawp u nai ne.

SAM 139:21

Aw Areng, nang ai niu ngai y nai khumichi ai, kai py niu ngai y na a! Nang ai tiu nai khumichi ai kai ly paso na a!

LEU KACHENG 13:5

Neaung hawi nai khumi ly ka-chawi leu ai niu ngai y; na i py khumi hawi y naichi i leu ly tahm anem hai iy kaji ai nai hawi parai.

Ezekiela 16:8

“Kai ly nang i sahawi mang aleaung bi bo. Huna nai khala nang ly khrei nai paleung mang y tleaungri aveang nai neng tym bo, nanai kang niu nai deaungkho y, kai ly tlang ka-keu naimy awm nai nang ai kai i ateaung hawi kang khiu iy, nang ai kang khrei mang, nanai adeu chum baly, nang hawi leu maikawm asa i, nang ly kai i aju lawm bo,” napi. Hini ly sa thai naira angym nai Areng i thui nai leu ne.

LUKA 14:26

“Ami py kai teng y jeu nai ly mymy i ampo hawi amhm hawi, aju hawi chanauchi hawi, mymy i amjo amnauchi hawi tuichochi hawi, mymy i hengra ai py niu ngai y nai by y baly, kai teng y abang nai khumi lawn thai y leang.

EPHESI 3:19

Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

EPHESI 5:25

Juvochi awi, nangchi i ajuchi ai tamen u; hunai kamta teang Krista ly palau takhra kamkawm ai tamen i,

TITA 2:4

hunaibaly Tameuh i leu ai ly thui tamawn naira by y ai nai, anglochi ai ly mymychi i juvochi ai tamen ai nai hawi, mymychi i chanauchi ai tamen ai nai hawi, paleung hawi parai naimy awm ai nai hawi, chai parai naimy awm ai nai hawi,

JOSUA 11:23

Areng ly Mosi dengdairei leu pei nai kamta, Josua my huni pri verei ai tiu i peang vui bo. Ni i Israela cheng theaung bawibawichi ai peang hai ai nai, huni pri ai khu paji pi bo. Naibaly pri verei ly tlamsa naimy awm nai ne.

AMTENG HAI NAI 2:2

Nang i atiti sa naichi hawi, sa akawm nai hawi, kham tanga nai sai hawi, khumi kamngochi ai kham pajau y nai sai py kapany: naibaly amtaw thau naichi ny y naimy, amtaw thau nai angam naichi ai cham iy nichi ly tapawp nai keungchi ne, nanai pany bo;