Parip nai leu 3:11 - Khumi Common Language Bible

¹¹ Mymy ly ati cheaungkhang i vui avo nai neng khai pi bo. Mymy ly achi teng y mo mang i satang pany ai ngai nai paleung ang pei; na i py mymy i sa nai atitichi pany angym ai nai pei y.

Parip nai leu 3:11 ပူးပေါင်းရင်းမြစ်များ

ATITI AWM ANGCHEI NAI 1:31

Tameuh my mymy i sa nai cheaungkhangchi ai khen i, khri pa-rei amo theu. Hunaibaly dym awm nai bo y, khawn py awm teang; huni ly tariu kani ne.

JOBA 11:7

Nang ly Tameuh i sa thai naira hawi nang parai nai sai ai pata pajau na a?

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

JOBA 5:9

Kaichi ly mymy i sa nai nang parai nai saichi pany pajau y. Mymy i lyh ai awm parai nai saichi ly kati pajau y leang.

SAM 104:24

Aw Areng, nang i sa nai leaungsaichi ly nawi parai na ly! Cheng nai hawimy huni bawibawichi ai sa! Khaileaung ly nang i sa nai heng nai amjychi hawimy kawi na bo.

LEU KACHENG 16:4

Areng i sa nai ati cheaungkhangchi i vui ly paran yb nai awm. Khumi hawi y naichi i vui malawn py, patang naira avum hai ai nai paran yb nai awm.

Parip nai leu 1:13

Hini khaileaung pri y sa nai atitichi pany ai nai leu pacheang bo. Tameuh ly kaichi paleung phra ai naira khym taham avum hai bo.

Parip nai leu 11:5

Tameuh my ati cheaungkhang ai sa nai ne; huna nai y nang ly deaungdi aniu nai neampachy kajeu theung i deaungdicho mana heng amteaung nai mo, nanai pany y nai kamta, Tameuh i sa palum nai saichi py pany pajau y leang.

Parip nai leu 7:13

Tameuh i sa nai ai adawn pasym cham; Tameuh my akawi hai nai ly ami my pataw vui pajau ai mo?

Parip nai leu 7:23

Kai ly kaimy i cheng naira hawimy hini leaungsai bawibawichi cham iy khen bo; cheng naira nga ai nai atho kasa teu i py ngo y.

Parip nai leu 7:29

Kai i kapany nai ly Tameuh my achi ai kahawi ang sa nai ne i py, achi ly amychi ai khrukhrala nai khumichi lawm ai nai asa u lawh nai ne.

Parip nai leu 8:17

mana khala py Tameuh i sa naichi pany thai ai nai ny y; khumi kachengchi my kaichi pany, nanai thui teu i py, nichi pany khyp y leang.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 13:22

Naibaly kabeng aleng theung y hei nai ly hini ne he: mymy ly leu thai bo, na i py khaileaung pri y heng nai khala y dawn nai sai hawi nang naira my tapawp nai saichi my ly leu ai ly achih hai i, athai y bo.

MARKA 7:37

kano kapang ai py kano thai hai, leu katheu thai y nai ai py leu katheu hai bo,” napi nai khri pa-rei lyh u na.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.