Parip nai leu 2:8 - Khumi Common Language Bible

⁸ Kai i peang nai prichira i, samrang i yhmtheaung katuichi khai nai theung i muku tangka py kapeang nai ne. Khumi neampacho, neampachychi my kai ai amo theu ai nai khulym ang thui pi. Naibaly kaimy i ngai nai kamta samrang i aju katheangchi py kanga.

Parip nai leu 2:8 ပူးပေါင်းရင်းမြစ်များ

2 SAMUELA 19:35

Kai ly saneng vui tajarei awm. Ati mo ra py kai i vui ly amo theu naira by y leang bo. Cha nei teu i py kalum kathau, kamlym pany y leang bo. Khulym raawi py thai y. Kai ly samrang nang i vui myn kaji pho nai lawm ai.

1 ARENG KEH 10:10

Hunaibaly Sheba samrangnu ly samrang Solomon teng y muku kaji sie 7375 virei, rimui neangneangchi hawi vang kateng lengseaungchi py talam pi nai ne. Solomon i nga reng nai rimuichi tleaung y, Sheba samrangnu i pei nai rimuichi ly nawi keh nai ne.

1 ARENG KEH 10:14

Samrang Solomon ly saneng tleirei muku kaji sie 224,25rei nga nai ne.

1 ARENG KEH 10:21

Solomon i tui nei nai khau bawibawichi py muku hawi sa naichi ne i, Lebanon daichi napi nai Hall theung y awm nai ateaung alang bawibawichi py, muku tangcheng hawi sa naichi ne. Solomon i deung y tangka ai ly vang kateng palawn y nai deaungkho y, teaung py teaung y.

1 ARENG KEH 11:3

Solomon ly aju leaung 700 reichi ai pom nai khyh chang y i, samrangnuchi ai kry nai neampachy leaung 300 rei py awm nai ne. Nichi my samrang ai Tameuh teng i nai nithun thun hai vui iy,

1 ARENG KEH 14:27

Samrang Rehoboam ly muku khopuichi i jeng y kheupaja khopuichi sa iy, samrang yhm katheu pa-kho typ nai keungchi teng y au.

1 ARENG KEH 9:14

Hiram ly Solomon teng y muku kaji sie 590,0 virei pei pi nai ne.

1 ARENG KEH 9:28

Nichi ly Ophira mary mang y sampho hawi chei u i, Solomon teng y muku kaji sie 236,00 virei syn pi bo.

1 NENG SATANG 25:1

Davida my Levi theaung miteaung kehchi ly chiu sa naira y lu sa ai nai Asap, Heman hawi Jeduthun nupaichi ai vawi takhra u bo. Nichi ly taro katyn, sa-ra katynchi hawi amkawm iy, Tameuh i leu thui u. Chiu sa naira y lu sa ai nai vawi takhra naichi hawi, nichi i sa ai nai kalopchi ly anui

1 NENG SATANG 25:6

Nichi bawibawi ly ampo i leu pei nai kamta, sa-ra hawi tarochi ai Achura yhm theung y chiu sa nai hawi amkawm iy beu u bo. Asap, Jeduthun hawi Hemanchi ly samrang i leu pei nai kamta sa naichi ne.

2 NENG SATANG 9:11

Solomon ly maicha keung ai Achura yhm hawi my i yhm khaileichi sa naira py, katyn kapau beu kawp naichi i vui taro katheang kalenchi sa naira py teaung nai ne. Huna tanrei hawi nai maicha keung ly jangni y, mana khala py niu u vai y)

Parip nai leu 1:2

Kathiu dawn pasym kawp nai khumi kacheng my thui pi nai ly khumi i heng nai ly atyhtyh teu, atyhtyh teu, khumi i heng nai ly atyhtyh teu; ati cheaungkhangchi py atyhtyh teu.

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.

DANIELA 3:5

Nangchi ly baw eng nai katyn thai u baly byhlyh, atym, taro katheang kalenchi beu nai katyn hawi takhra katyn kapauchi beu nai katyn py thai u ai. Katyn kapau beu amteaung nai dengdairei, samrang Nebukhadnezar my sa nai muku myn pui ai, nangchi lu meung u.

DANIELA 3:7

Hunaibaly leu cheaungkhang katheu nai khumi bawibawichi hawi, pri tleirei i khumichi ly katyn kapau beu nai katyn thai phai thai baly, samrang Nebukhadnezar i sa nai muku myn pui ai lu meung naimy chiu u bo.

AMOS 6:5

Nangchi ly Davida kamta khulymchi adih iy, tarochi beu naimy khulym thui ai nai ngai u.