Parip nai leu 2:4 - Khumi Common Language Bible

⁴ Kai ly khrikhri pa-rei kalop kalenchi py pajau pa-rei kasa. Kaimy i vui yhmchi py sa iy, kreip akhochi py kasa nai ne.

Parip nai leu 2:4 ပူးပေါင်းရင်းမြစ်များ

ATITI AWM ANGCHEI NAI 11:4

“Vai ly achi khaileaung pri verei y ahei y ai nai hawi amyn amthang jo ai nai, mary pui hawi kani angteu nanai pa-rei asang nai yhm pui so u sina,” nanai arum u bo.

2 SAMUELA 18:18

Abasalom ly mymy teng y chapo by y nai deaungkho y, my i amyn tamo y ai nai heng nai thym khala y my, samrang leaunghawira y leaungcheng pado iy, mymy i amyn Abasalom leaungcheng, nanai vaini khrairei amyn awm jo nai ne.

1 ARENG KEH 15:19

Asa ly ni teng y, “Ani ly ani i ampochi kamta amnai aso hawi sina; huni muku, tangkachi ly nang i vui langseaung ne. Israela samrang Baasa ly my i tavaimichi ai kai i khu ka-peang theung i dengdairei anaw pawn ai nai, nang ly ni hawi amnai asa nai taphra veng ba,” nanai leu taviu bo.

1 ARENG KEH 9:1

Samrang Solomon ly Achura Yhm, samrang yhm hawi my i sa ai ngai nai cheaungkhangchi sa pajau nai bo y,

2 NENG SATANG 26:10

Samrang ly nidym mang mawi kheutangra awm nai mawi tangbiuchi hawi, angdymchira y si kanghuchi khawn nai deaungkho y, daichi ka-vymra i marychi ai angdeangrachi hawi vanrei apai tapang iy, tuikan neangneang tai u. Samrang ly li hlau sa ai nai paleung apei nai deaungkho y, mawi aheungchira y kreip akho sa naichi hawi khaileaung kahawichira y li, hlau sa naichi ai atho pei nai ne.

2 NENG SATANG 8:11

Solomon ly my i aju, Aikupta samrang i chaniu ai Davida mary i dengdairei, ni i vui sa pi nai yhm y palyn bo. Samrang my, “Leu Maikawm Pawm awm reng nai meingtym ly chai parai nai deaungkho y, huni neampachy ly Israela chengchi i samrang Davida i yhm y awm ai nai avo y,” napi.

SAM 49:11

Vaichi khala nichi ly khaileaung peang nai keungchi ne lawh teu i py, vai i neng y ly tapreaung angawmchira naini, huni khumichi awm jojo ai nai deungtasarei yhmchi lawm bo.

Solomon i khulym 1:14

Kai i khrei nai ly Engkadi kreip akhora y pau nai daichi kaseaungchi hawi atawm nai ne.

Solomon i khulym 7:12

Ani ly khawn angthodyh ang thau iy, kreip keungchi pau mo, pau y mo, nanai py, pauchi angdai mo, angdai y mo, nanai py, thaitleung keungchi pau mo, pau y mo, nanai py khen hawi sina. Huni meingtym y nang teng y kai i khrei nai kang pei ai.

ISAIA 5:1

Tangai ba, kai i ahawi hawi ni i kreip akhobai molam y hini khulym ly nang ai kaimy kang thui pi ai. Khri pa-rei paitiu khuta hawi nai mawi salo y kai ahawi i kreip akhobai awm.

DANIELA 4:30

mymy ly angdeang i, “Babulon mary ly khri pa-rei len parai na ly! Hini mary y kaimy i sa thai naira, kaimy i nang parai naira patei ai nai, kaimy sa nai mary pui ne,” nanai thui bo.