Parip nai leu 2:23 - Khumi Common Language Bible

²³ Nang i sa nai ati cheaungkhangchi ly heng nai sala ryrei, nang ai paleung bi naira hawi paleung phra naira naini avum hai khyh. Vum y py nang ly paleung awmnemra ngo y, huni atitichi py atyhtyh teu.

Parip nai leu 2:23 ပူးပေါင်းရင်းမြစ်များ

ATITI AWM ANGCHEI NAI 3:17

Naibaly Tameuh my neampacho teng y py, “Nang ly aju i leu tangai iy kai my cho moh kang napi nai thengthai ly cha lawh nai deaungkho y khaileaung ly nangmy i vui amsawi lawi bo. Nang ly kajeu ka-rei ka-leu nga ai nai nangmy deungrei patang parai naimy kalop sa ai nai tla.

ATITI AWM ANGCHEI NAI 47:9

Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi.

ESTHER 6:1

Huni vum y samrang ly i kamhm pei y nai deaungkho y empara pri peang nai cha-iu hnei i, phain hai bo.

JOBA 14:1

Khumichi ly tapen khyp khala i dengdairei atho di u i, jeaungmang u nai ne. Nichi ly deung dawi iy, patangra y awm u joja nai ne.

JOBA 5:7

Mai kadeu ly mai kalichi lawm hai reng nai kamta, Khumi py amy i ngari kamtang tym hai reng nai ne.

SAM 127:2

Tlang heng ai nai i vui khawn angthodyh ang thau iy, veng na nai pa-rei akawm parai naimy kalop sa nai py atyhtyh teu. Ati mana nai mo nabaly Areng ly mymy i tamen nai khumichi i nai thym khala, nichi i ngai nairachi pei pi nai deaungkho y ne.

SAM 32:4

Aw Areng, nang ly kai ai vum kanithun kamngo pajeng bo. Kanipui kabi saho y am-i nai ly phui rawm vui nai kamta, kai i atho py khei be veng bo.

SAM 90:15

Kaichi i patang nai thym khala y, nang ly kaichi ai amo theu naira avum hai kyh ba.

Parip nai leu 1:13

Hini khaileaung pri y sa nai atitichi pany ai nai leu pacheang bo. Tameuh ly kaichi paleung phra ai naira khym taham avum hai bo.

Parip nai leu 1:18

Khumi ly cheng naira nga tleaung ngara nai hawimy, paleung bi naira py nawi tleaung nawira nai ne. Tau cheng naira panyra panyra baly paleung no nairachi py nawira bo.

Parip nai leu 2:11

Naibaly kai ly kaimy i sa nai ngiereichi ai py, kaimy atho pathau iy mana tanrei kasa mo, nanai py adawn pasym nai khala ly huni bawibawichi ly atyhtyh teu, nanai kapany. Hunichi ly ali ai patiu nai kamta ne i, ati sai py kamran by y leang.

Parip nai leu 5:12

Kalop sa nai khumi ly kajeu kawi pa-rei cha ai nga nai py ne sy, cha ai nai ngo y nai py ne sy, i kamhm pei nai ne. Na i py khumi kanang ly nang chawn nai molam y paleung bi paleung mawn i, i kamhm pei y.

Parip nai leu 5:17

Achi ly paleung bi paleung mawn nai, noso nai, kaveng theung y awm nai hawi paleung si naimy heng u nai ne.

Parip nai leu 8:16

Kai ly hini khaileaung pri y awm nai leaungsaichi pany ai nai atho kasa iy nga nai ly nang ly vum kanithun, i y naimy atho sa teu i py,

DANIELA 6:18

Samrang ly yhm mang y vawi i, vumtorei cho nei y. Mani mo paleung pahawi nai py ngai y, i py amhm y nai ne.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.