Parip nai leu 2:10 - Khumi Common Language Bible

¹⁰ Kai ly kaimy ngai nai ngierei kanga. Amo theu naira ngiereichi py so y nai by y; Kaimy i sa nai kalopchira y py kamlyh. Huni bawibawi ly kaimy i sa akawm nai kamran kanga nai ne.

Parip nai leu 2:10 ပူးပေါင်းရင်းမြစ်များ

ATITI AWM ANGCHEI NAI 3:6

Neampachy ly thengthai keung i apu nai sai, thengthai athai py cha ai paleung ka-no awm nai sai mei y niu bo. Huni khyh ny y, tau cheng naira awm baly mana tanrei hawi ai mo, nanai dawn nai hawimy athai jaw iy cha vui nai ne. My i juvo ai py pei i, ni py cha teang.

ATITI AWM ANGCHEI NAI 6:2

Kanicho phyreichi lyanglo hawi nai sai niu i, mychi ngai nai ngierei ai ly pom u bo.

JOBA 31:1

Kai ly anglo ai pajang ai ngai nai paleung hawi mana khala py khen y ai nai vaineng abeu nai ne.

SAM 119:37

Hawi y naichi tangai y ai nai kai ai amkyn hai ly nang i adeu nai kamta, kai ai hawi so pi kyh ba.

SAM 128:2

Nang ly nangmy i kiu hawi kalop sa naimy kajeu kawi ai; nang ly amo theu iy nang chawn ai.

LEU KACHENG 23:5

Nang i paisa tangkachi ly pakhi sai iy, ahm i angkheang nai kamta, mei amsynrei sala y tama pajau nai ne.

Parip nai leu 11:9

Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

Parip nai leu 2:1

Kai ly amo theu naimy awm iy amo theu nai leaungsai ai dawn pasym iy hau cham ai nai paleung theung y dawn yb bo. Na i py hunichi py atyhtyh teu, nanai kaniu.

Parip nai leu 2:22

Nang ly nangmy i heng nai deung y atho sa bo; paleung bi naira avum bo; na i py ati kamran awm mo?

Parip nai leu 2:24

Khumi leaungrei i sa ai hawi keh nai kalop ly cha naimy, nei naimy amy i haura i nga nai yhmtheaung katui amtym ai nai ne. Na i py huna nai kamta awm ai nga nai py Tameuh i saho y nga nai ne, nanai kapany bo.

Parip nai leu 3:22

Hunai deaungkho y achi sa ai nai hawi keh nai ly amychi my atho sa iy hau naira i nga nai yhmtheaung katuichi naini amtym ai nai ne, nanai kai kapany bo. Hina nai kamta avum nai ny y baly achi sa pajau nai takhra ati sai py by y; dei nai bo y ati lawm ai mo, nanai achi pany pajau y.

Parip nai leu 5:10

Nang ly tangka paleung no lawh baly, mana khala py paleung awmnemra awm ai ny y. Nang chawn ai nai ngai teu i py nangmy i kadeaung nai ryrei, yhmtheaung katui nga ai ny y, huni py atyhtyh teu.

Parip nai leu 5:17

Achi ly paleung bi paleung mawn nai, noso nai, kaveng theung y awm nai hawi paleung si naimy heng u nai ne.

Parip nai leu 5:18

Khumi ami py sa ai hawi keh nai kalop ly achi ai Tameuh my ang pei nai khumi i heng nai deung y cha nai, nei nai, amy haura i nga nai yhmtheaung katui amtym naimy awm ai nai ne, nanai kapany bo.

Parip nai leu 6:2

Tameuh ly khumi leaungrei teng y nang chawn ai nai, tahm awm ai nai, yhmtheaung katui hawi ngai nairachi pei. Na i py mymy ly huni khumi teng y hunichi amtym ai nai pei y; apany vai y nai khumi leaungrei teng y amtym ai nai pei reng. Hini leaungsai py atyhtyh teu, teng y nai ne.

Parip nai leu 6:9

Hini leaungsai py atyhtyh teu, ali ai patiu nai kamta ne. Sai sairei ngai jojo nai tleaung y, nang i nga nai ryrei hawimy paleung tuinem nai ly hawikeh alam.

Parip nai leu 8:15

Hunai deaungkho y khumi ly amo theu naimy awm ai nai avo, nanai kapany vau bo. Ati mana nai mo nabaly hini heng nai deung y ni i vui amo theu naira ly cha nai, nei nai hawi amo theu naimy awm naichi naini ne. Ni ly hini khaileaung pri y Tameuh my pei nai heng nai ryrei atho sa naimy awm nai ly thui tlam ai nabaly huna nai cha nei amo theu naimy awm pajau nai ne.

Parip nai leu 9:6

Nichi i tamen nai paleung, niu ngai y nai paleung hawi, takhra ngai phi teng y nai paleung bawibawichi ly mymychi hawi vanrei tama be veng bo. Nichi ly hini khaileaung pri y tym nai atitichi theung y abawi pajau y leang bo.

Parip nai leu 9:9

Hini khaileaung pri y nang ai Tameuh my ang pei nai heng nai sala ryrei ly kani tleirei, nangmy i khrei nai neampachy hawi amo theu naimy awm ba. Ati mana nai mo nabaly nangmy i patang parai naimy sa naichi molam y, nang i nga ai nai kawn vang ly hini ryrei khyh nai deaungkho y ne.

I JOHAN 2:16

Khaileaung pri y awm nai bawibawi ly tlang i ngai phi teng y naira hawi, mei i ngai phi teng y naira hawi, heng nai sala i tahm apasang naira py Ampo teng i nai theu nai ny y leang, khaileaung pri i nai theu nai teu.

TARA CHIH NAI KEUNGCHI 14:2

Ni ly yhm y vawi teang iy amhm ampo teang y, “Timnah mary y kai i khrei nai neampachy leaungrei awm; ni hawi apom ai nai ngai i, kai i vui deng pi kyh,” napi.