Parip nai leu 12:2 - Khumi Common Language Bible

² Nangchi miteaung acheang u nai khala y kanito, lo, ka-sichi kangvang ly nangchi i vui kangvang jum ryh ai; khupanymchi py veng khiu jo ai.

Parip nai leu 12:2 ပူးပေါင်းရင်းမြစ်များ

ATITI AWM ANGCHEI NAI 27:1

Isaka ly miteaung cheang i mei niu y bo. Mymy ly chapo kalen Esaw ai, “Deang awi!” nanai palau i, Esaw my, “Kai hi y awm,” napi.

ATITI AWM ANGCHEI NAI 48:10

Jakob ly saneng len nai deaungkho y mei hawihai niu y i, Josepha my mymy teng y deaungdi ni ai pahawi bo; naibaly mymy ly deaungdi ni ai takawi iy pachawm bo.

SAM 71:20

Nang ly kai ai khri pa-rei patang nairachi avum hai teu i py, nang ly kai ai atho awm hai teang iy, deira i nai atleu pi bo.

SAM 77:16

Aw Tameuh, tuichi ly nang ai niu nai khala jei u bo; pangli thiu parai nairachi py jei hyn u nai ne.

SAM 90:10

Kaichi ly saneng vui saryhrei naini heng khyh; tlang atho awm naichi ne u lawh baly, saneng vui tajarei heng pajau; na i py huna nai heng nai ly patang naira hawi, paleung bi nairachi avum bo; kra y nai sala y dei i, kaichi ly tama u ryp nai ne.

ISAIA 13:10

Ka-si tauki bawibawichi ly angvang y naimy awm ai. Kani si nai khala veng naimy awm ai. Lo py kangvang pei ai ny y.

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

JOELA 3:15

Kanito hawi lo ly veng ai i, ka-si taukichi py angvang ai ny y leang bo.

MATTHAI 24:29

“Na i py huni neng patang nai bo y ly kanito ai ly veng hai ai i, lo py angvang y leang bo, ka-sichi py kani mang i dengdairei tla ai i, kani mang i atiti sa thai nairachi ai ly ahyn hai ai;

1 SAMUELA 3:2

Vumrei nai khala y Eli ly mei paju pahai nai deaungkho y, my i takun y i bo.

1 SAMUELA 4:15

(Eli ly saneng 98 rei awm i, mei py paju ai nai kasa bo.)

1 SAMUELA 4:18

Eli ly Leu Maikawm Pawm satang thai nai khala y, katheu sahawi i atehra tleaung i nai nithun mang y atlym amthai vui bo. Ni ly miteaung cheang iy veung py hawi ala nai y, kaneaung tleukrup i dei bo. Ni ly Israela chengchi ai, saneng vui palyhrei lu sa pi nai ne.