Parip nai leu 11:9 - Khumi Common Language Bible

⁹ Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

Parip nai leu 11:9 ပူးပေါင်းရင်းမြစ်များ

ATITI AWM ANGCHEI NAI 3:6

Neampachy ly thengthai keung i apu nai sai, thengthai athai py cha ai paleung ka-no awm nai sai mei y niu bo. Huni khyh ny y, tau cheng naira awm baly mana tanrei hawi ai mo, nanai dawn nai hawimy athai jaw iy cha vui nai ne. My i juvo ai py pei i, ni py cha teang.

ATITI AWM ANGCHEI NAI 6:2

Kanicho phyreichi lyanglo hawi nai sai niu i, mychi ngai nai ngierei ai ly pom u bo.

1 ARENG KEH 18:12

Naibaly kai ly hu y chei phai chei baly Areng i phailo my nang ai, kai pany y nai meingtym y hawi veng lawh baly, kai mana kasa ai mo? Hini meingtym y nang awm, nanai samrang teng y amti pi chum nai khala, samrang ly nang ai avum y lawh baly kai ai ang tleh ai. Kai ly deaungdichy khala i dengdairei Areng ai khri pa-rei tahm khai nai ne, nanai pany pi bo.

1 ARENG KEH 18:27

Kani thun bo nabaly Elija ly nichi teng y, “Nangchi ly hini tleaung y aeu iy chiu so u! bala ly tameuh ne! Ni ly atiti dawn vui lawh mo, sakhawn maikawm thau vui lawh mo, khuleaung chei vui lawh mo, ti y baly i vui lawh i, nangchi my palaw u!” nanai panui hai bo.

1 ARENG KEH 22:15

Mikha ly samrang i mo y tym nai khala samrang my, “Mikha awi, samrang Jehoshapha hawi kai ly Ramoth mary y tiu ai nai avo a, avo y a?,” nanai deng. Mikha my, “Ramoth mary ai tiu, eaung ai! Areng my nangni ai eaung hai ai,” napi.

JOBA 31:7

Tumbaly kai ly lam kateng envui lawh baly, hawi y naira mang y abang lawh baly, kai i kiu y chainem y nai abawi lawh baly,

SAM 81:12

Hunai deaungkho y kai ly nichi i paleung kyh chawn nai ly kyh chawn u jojo ai nai hawi, mychi i ngai nai kamta sa u ai nai py kapei pi nai ne.

Parip nai leu 12:1

Hunaibaly nangchi ly paleung phra nai neng kani tym nai khala y, “Kaichi amo theu naimy awm pajau y leang bo,” nanai thui u ai. Huni neng tym y rai nai saneng nau nai thym khala, amychi ai sa nai keung ai pany u jo ba.

Parip nai leu 12:14

Achi i sa nai leaungsai bawibawichi ai hawi nai py ne sy, hawi y nai py ne sy, kangviu y sa nai saichi py ne sy, Tameuh my tara chih ai.

Parip nai leu 2:10

Kai ly kaimy ngai nai ngierei kanga. Amo theu naira ngiereichi py so y nai by y; Kaimy i sa nai kalopchira y py kamlyh. Huni bawibawi ly kaimy i sa akawm nai kamran kanga nai ne.

Parip nai leu 3:12

Hunai deaungkho y achi ly amo theu naimy amychi heng nai ryrei, kalop kahawi sa ai naini awm khyh, nanai pany ai tla.

Parip nai leu 3:17

Kai ly kaimy ai, “Tameuh ly khumi kahawi hawi khumi hawi y naichi ai py vanrei tara chih ai. Ati mana nai mo nabaly cheaungkhang ly mymychi i neng khai pi nai deaungkho y ne, nanai ka-dawn pasym nai ne.

Parip nai leu 6:9

Hini leaungsai py atyhtyh teu, ali ai patiu nai kamta ne. Sai sairei ngai jojo nai tleaung y, nang i nga nai ryrei hawimy paleung tuinem nai ly hawikeh alam.

Parip nai leu 7:14

Nang i vui ati cheaungkhang amsym naimy awm nai khala, amo theu naimy awm ba. Na i py patang naira avum nai khala y Tameuh my amo theu ai nai hawi patang ai nai ang pei bawi reng; mo mang y mana lawm ai mo, nanai nang pany pajau y leang; hunichi ai adawn pasym ba.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

TANGAM NAI LEU 3:27

Huna nai kamta paleung sau parai naimy ajeng nai ly hawithym khala acham nai hawi keh nai ne.

Kati Nai 15:30

Na i py amy i pri y tapen nai Israela cheng py ne sy, cheng takhra py ne sy, kamngo sa ta-li lawh baly, huni khumi ly Areng ai tahm khai y nai deaungkho y ni ai ly padei ai nai tla.

Kati Nai 15:39

Nangchi ly huni thaiphelawmchi niu nai tleirei, kai i leu pei nai ngierei tangai iy teaung patawm jojo ai. Huna nai khala nangchi ly kai ai khai su iy, nangmychi ngaingai sa u ai ny y.

Kati Nai 22:32

Kani pri amtaw thau nai my Balam teng y, “Nang ly keaungngo kano kasau ai hina nai kamta ati mana nai y tlen thomrei pakhau na lawh mo? Nang ly hini khuleaung lam chei thai y ai nai, kai ly nang i tako nai lam y paka khyp nai ne.

MATTHAI 5:28

Na i py kai ly kang thui pi, ami py neampachy ai ngai tahau nai khen seaung eng nai ngierei ly mymy i paleung theung y pajang sa nai bo.

LUKA 12:19

Naibaly kai i hengra teng y, Hengra awi, saneng neangneang i vui nang yhmtheaung pateung achu bo he; anawn ly, cho nei, amo theu naimy awm ba, kanapi ai,’ napi.

AMTAW 14:16

Mymy ly jangni y ly cheng cheaungkhangchi ai amymy i lam y tako bawibawi ai nai pei reng.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.

ROM AVANGCHI TENG Y PAWLA I CHA PA NAI 14:10

Na i py nang ly ati mana nai ngamjo ngamnau ai cheh lawh? Mana nai y ngamjo ngamnau ai tahm khai y lawh? Achi bawibawi ly Tameuh i tara chih nai atehra mo y angdo ai nai tla;

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

Leu Thui Nai 29:19

Vaini hini leu pei naichi thai u nai bo y, amy i kangai sa veangveang nai ly ati cheaungkhangra y hawi nga ai, nanai ym nai khumi awm moh sy; na i py nangchi theung y khumi kahawi py, khumi hawi y nai py, bawibawichi ly tama rau ai.

HEBRAI 9:27

Naibaly khumi i vui ly tlenrei dei ai nai khai yb nai ne i, huni bo y ly tara chih ai tla nai kamta ly,

JOSUA 7:21

Achi my tiu iy nga nai vawnsaichi theung i, apu parai nai Babulon ateaung, tangka kaji sie palyhrei vi hawi muku beang sierei chang y kyh nai niu i, paleung no nai deaungkho y ka-um vui nai ne. Kai i Tai theung y tangka ai anui kehra y khai iy um me bo,” nanai pathang.

II PETERA 3:7

na i py vai i kani khaileaung ly huni leu deaungkho y Tameuh ai tahm khai y naichi ai tara chih ai nai hawi tama hai ai nai kani i vui y khai iy, mai i vui pateung achu nai lawn bo.