Parip nai leu 11:8 - Khumi Common Language Bible

⁸ Nang ly heng sau nai molam y kawn ba. Nang ly mana tanrei heng sau teu i py, nang dei nai bo i awm ai nai neng ly heng nai neng tleaung y sau keh ai, nanai pany jo ba. Mo mang i neng y nang i vui athang khai naira harei py by y.

Parip nai leu 11:8 ပူးပေါင်းရင်းမြစ်များ

JOBA 10:21

Kai ly panum na iy, vengpang naimy khiu cheng nai pri, kangvang malawn py kaveng lawm iy,

JOBA 10:22

vengpang nai pri y kachei ai bo. Mana khala py vawi ali teang ai ny y leang bo.

JOBA 14:10

Na i py khumi ly dei baly, tama pyn ryp veng nai ne. Dei nai bo y ni ly ma mang y awm mo?

JOBA 14:12

khumichi ly dei nai bo y ang thau u bi y leang bo. Kani khusang awm jo nai ryrei ly nichi anglaw u ai ny y. Nichi ly i-ngym naira i, mana khala py ang thau u ai ny y.

JOBA 15:23

Langnachi ly ni i veu cha ai nai, ajeng u rym nai ne. Ni ly mymy khym taham kasi avum ai, nanai apany.

JOBA 18:18

Ni ly khaileaung pri i dengdairei, patheu vui nai avum ai. Kangvang i nai kaveng mang y patheu vui nai avum ai.

SAM 49:20

Khumi ly nang chawn teu i py, tawnbawichi kamta dei teang ai.

Parip nai leu 11:2

Nang i rang pala nai ly meingtym neangneangra y palo ba; ati mana nai mo nabaly, nang ly hini khaileaung pri y mana khala khym taham kasi hawi avum na mo, nanai pany pajau y nai deaungkho y ne.

Parip nai leu 2:15

Khumi ka-khumchi avum nai khym taham kamta kai teng y py ang tym teang lawh ai nabaly, kai i cheng naira my ly kai ai ati kamran pei ai mo?” nanai kaimy ai kaimy ka-dawn bo. Kaimy pathang nai ly “Ati sai py ny y, atyhtyh teu,” kanapi.

Parip nai leu 2:17

Hunai deaungkho y khumi i heng nai deung ly kai i vui y ati sai py ny y leang. Ati mana nai mo nabaly huni heng nai deung y awm nai atitichi ly kai i tlang tleaung y patang naira naini ang pei nai deaungkho y ne. Huni bawibawichi py atyhtyh teu; kai ly ali ai kapatiu nai kamta ne.

Parip nai leu 2:19

Kai i yhmtheaung kamtym khumi ly khumi kacheng mo, khumi ka-khum mo, nanai ami py pany pajau y. Na i py ni ly kai atho kasa ra i kanga naichi, hini khaileaung pri y kaimy cheng naira hawi kanga nai yhmtheaung katuichi amtym be ai. Hunichi bawibawi py atyhtyh teu.

Parip nai leu 2:26

Tameuh ly cheng naira, pany thai naira hawi amo theu naira ly mymy khrei nai khumi ai pei nai ne. Na i py mymy ly kamngo sa nai khumichi ai patang parai naimy kalopchi sa hai iy, nichi i nga nai yhmtheaung katuichi ly mymy ai kawn hai nai khumichi teng y pei. Huni bawibawichi py atyhtyh teu, ali ai patiu nai kamta ne.

Parip nai leu 4:16

Samrang leaungrei my peang ai nai khumi vuikanai ly khai takhra nai by y. Samrang leaungrei dei nai bo y ni i sa nai sai molam ly ami py ni i tlang tleaung y kawn pi y leang. Huni py atyhtyh teu, ali ai patiu nai kamta ne.

Parip nai leu 4:8

Khumi ami mo leaungrei ly mymy tlairei awm; ni ly chapo py by y, amjo amnau py by y; na i py ni ly kalop sa jojo. Mymy teng y awm nai yhmtheaung katuichi hawi mana khala py paleung anyp vai y. Ni ly huna tanrei atho sa iy amo theu naira y py paleung apei y naimy awm nai ly ami i vui mo? Hini py atyhtyh teu, paleung phra ai hawi nai heng nai sai py ne.

Parip nai leu 6:11

Huna nai a-ei ryry baly tamang rara iy nang i vui hawi tleaung hawira naira tym y leang.

Parip nai leu 6:6

Saneng sang nyhrei heng teu i py, amo theu naira ngo y naimy heng nai khumi tleaung y, huni pahaw nai deaungdi ly awmnem naimy anawnra nga lawh bo. Kangkhym y nini ly meingtym harei mang y chei ai tla nai ny y a?

Parip nai leu 7:14

Nang i vui ati cheaungkhang amsym naimy awm nai khala, amo theu naimy awm ba. Na i py patang naira avum nai khala y Tameuh my amo theu ai nai hawi patang ai nai ang pei bawi reng; mo mang y mana lawm ai mo, nanai nang pany pajau y leang; hunichi ai adawn pasym ba.

Parip nai leu 8:12

Khumi kamngo ly tlen chungvairei hawi y nai sa teu i py, heng thai nai ne. Khumichi my, “Tameuh i leu tangai nai khumi i vui ly cheaungkhangra y hawi ai;

Parip nai leu 8:15

Hunai deaungkho y khumi ly amo theu naimy awm ai nai avo, nanai kapany vau bo. Ati mana nai mo nabaly hini heng nai deung y ni i vui amo theu naira ly cha nai, nei nai hawi amo theu naimy awm naichi naini ne. Ni ly hini khaileaung pri y Tameuh my pei nai heng nai ryrei atho sa naimy awm nai ly thui tlam ai nabaly huna nai cha nei amo theu naimy awm pajau nai ne.

Parip nai leu 9:7

Huna nai y nang ly nangmy i teicha teinei cha iy amo theu naimy awm ba; nangmy i kreip hang nei iy amo theu naimy awm ba; nang i atiti sa naichi ai Tameuh my kawn nai ne.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

MATTHAI 22:13

Naibaly samrang my ly mymy i miseaungchi teng y, ‘Ni i kiu kheu kawm u ly, angam mang i kaveng y patheu u; hu y ly vo py vo ai, ho py akachai ai,’ napi.

JOHAN 12:35

Naibaly Isu my nichi teng y, “Kangvang ly tanarei chy sala y nangchi theung y awm rai; kaveng my nangchi ai kai y ai nai kangvang awm nai sala y pavai u; ami py kaveng y pavai nai ly mymy i tako ai naira pany y.

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.

JUDA 1:18

Mymychi ly nangchi teng y, “Kani kangkhym y ly panui hai nai keungchi ly mymychi i Tameuh ai tahm khai y nai ngai phi teng y nai kamta tako nai awm u ai,” napi.