Parip nai leu 10:12 - Khumi Common Language Bible

¹² Khumi kacheng i leu ly amy ai tahm awm hai iy, khumi ka-khum i leu ly amy ai phra naira tym hai reng.

Parip nai leu 10:12 ပူးပေါင်းရင်းမြစ်များ

2 SAMUELA 1:16

Davida my Amalek khumi teng y, “Hina nai tym nai ly nangmy i sa nai leaungsai ne; nang ly Areng my khai takhra nai samrang ai kapadei bo, nanai thui khyp nai deaungkho y, nangmy ai nangmy padei nai teu bo,” napi.

JOBA 16:5

Kai ly nangchi ai tau kang pei iy, kang khaw hai pajau; Nangchi awmnemra nga u ai nai avawrei katheu pajau nai ne.

SAM 140:9

Kai i paleung ka-echi ai eaung ai nai pei moh kyh ba; kai ai pajei nai leu thui nai ngiereichi ly nichi avum u sy.

SAM 37:30

Khumi kahawi ly tau cheng nai leu katheu reng; ni ly adyh adawi jojo nai ne.

SAM 64:8

Nichi i thui u nai leusaichi molam y, mymy ly nichi ai padei iy tama hai ai; nichi ai niu nai khumi bawibawichi ly lu heang u ai.

LEU KACHENG 10:10

Ami py ne sy, leu kateng katheu vai y nai khumi ly patang naira tym hai nai khumi ne. Na i py paleung y khai y naimy katheu nai khumi ly tlamsa naira sa pi nai khumi ne.

LEU KACHENG 10:8

Tau kacheng awm nai khumichi ly tau kahawichi ngai u reng; ka-khum leu katheu reng nai khumichi ly phra u ai.

LEU KACHENG 12:18

Adawn chumchi y naimy katheu nai leu ly haisau kamta tamo aneng hai pajau; na i py khumi kacheng i katheu nai leu ly tamo kalemchi ai hawi hai pajau nai ne.

LEU KACHENG 15:2

Cheng nai khumichi i leu ly pany thai nai cheng nai kamlau katheu reng; na i py khumi ka-khum i labeaung ly ka-ym by y nai leuchi katheu reng nai ne.

LEU KACHENG 15:23

Neng-tu kahawi amlau nai leu katheu kawp baly, khri pa-rei amo theu ai nai hawi parai na a!

LEU KACHENG 19:5

Tara jeung y ka-chawi thui nai khumi ly pajeng naira avum ai; pajengra i nai tleaung ai ny y.

LEU KACHENG 22:11

Paleung chai iy, leu kateng katheu reng nai khumi hawi, samrang ly ahawi kamrawi asa ai.

LEU KACHENG 26:9

Khumi kacheng i thui achih nai leu ai, katheu thai nai khumi ka-khum ly kiu y viu nai patho tha ai nai atho sa nai mhm-rah pavui nai khumi hawi atawm.

LEU KACHENG 31:26

Ni ly jypjypchy naimy cheng nai leu kahawi katheu iy, meitang naimy parip kawp nai ne.

Parip nai leu 12:11

Khumi kachengchi i leu ly beramchi typ nai beram typ keung i cheaungvawi kamsui hawi atawm iy, nichi i pateung achu nai thui achi nai leuchi py, khaw parai pa-rei tahen typ nai sengmochi kamta khaw typ jo. Huni leuchi ly achi bawibawi i vui y leaungrei awm khyh nai beram typ keung kalen keh, napi nai Tameuh my ang pei nai ne.

Parip nai leu 4:5

Kajeu alam iy dei ai nai pa-rei kiu atakawime naimy awm nai khumi ly khumi ka-khum ne, nanai thui achi awm.

Parip nai leu 5:2

Nang ly leu katheu y rai khala adawn pasym ba; Tameuh teng y leu adeu tamangtang moh. Mymy ly kani pri mang y awm i, nang ly khaileaung pri y awm. Hunai deaungkho y nang ly mymy teng y avo nai ryrei bo baly hnei panawi bi moh.

Parip nai leu 5:6

Nang i leu deaungkho y kamngo lawm moh sy; huni katamangra sa ai nai kai, ka-dawn by y leang, nanai Tameuh i pathyp pi nai keung mo y ahui ai nai tlo moh sy. Ati mana nai y Tameuh ai kado theu hai lawh mo? Nang i sa nai kalopchi phra hai ai nai nang ly ati mana nai sa lawh mo?

Parip nai leu 9:17

Khumi kacheng leaungrei my thui pi rypsy nai leu ai tangai nai ly khumi ka-khumchi i leu ka-rumra y lu sa nai khumi i aeu nai raawi tangai nai tleaung y hawi keh.

MATTHAI 12:35

Khumi kahawi ly mymy i paleung i yhmtheaung kahawi i dengdairei atiti kahawi patheu reng; khumi kamngo ly mymy i paleung i yhmtheaung hawi y nai i dengdairei atiti hawi y nai patheu reng.

LUKA 19:22

Naibaly ni my ly mymy teng y, ‘Miseaung kahawi ny y nai, nangmy i labeaung theu nai leu y my kang pasum ai. Kai ly khumi ngang ngang pui i, kai khai y naira y py la reng nai, kai i tiu y naira y py tyn reng nai nang pany lo-oh?

LUKA 4:22

Naibaly nichi bawibawi ly mymy ai kawn iy ni i labeaung i theu nai tamen nai leu ly lyh parai na i, “Hini khumi ly Josepha i chapo ny y lawh kha?” napi.

EPHESI 4:29

Leu hawi y nai ly nangchi i labeaung y den py theu moh sy, tangai nai keungchi ai pahenra nga hai thai ai nai, aeang nai kamta khaw hai ai nai leu kahawi ngierei phai thui sy.

KOLOSA 4:6

Nangchi ly khumi leaung leaungrei ai mana pathang bawibawi ai nai tla mo, nanai pany u thai ai nai, nangchi i leu thui nai ly palawi thiu nai, pahenra abawi nai ne jojo sy.