Parip nai leu 1:3 - Khumi Common Language Bible

³ Nang ly nangmy deungrei akawm parai naimy kalop sa teu i py, ati kamran nga mo?

Parip nai leu 1:3 ပူးပေါင်းရင်းမြစ်များ

Parip nai leu 2:11

Naibaly kai ly kaimy i sa nai ngiereichi ai py, kaimy atho pathau iy mana tanrei kasa mo, nanai py adawn pasym nai khala ly huni bawibawichi ly atyhtyh teu, nanai kapany. Hunichi ly ali ai patiu nai kamta ne i, ati sai py kamran by y leang.

Parip nai leu 2:18

Kai i kalop sa nai ngiereichi py, huna nai sa nai y nga nai yhmtheaung katuichi py, kai i vui ati sai py ny y leang. Ati mana nai mo nabaly huni yhmtheaung katuichi ly kaimy i yhmtheaung kamtym teng y daw pi ai, nanai kapany.

Parip nai leu 2:19

Kai i yhmtheaung kamtym khumi ly khumi kacheng mo, khumi ka-khum mo, nanai ami py pany pajau y. Na i py ni ly kai atho kasa ra i kanga naichi, hini khaileaung pri y kaimy cheng naira hawi kanga nai yhmtheaung katuichi amtym be ai. Hunichi bawibawi py atyhtyh teu.

Parip nai leu 2:22

Nang ly nangmy i heng nai deung y atho sa bo; paleung bi naira avum bo; na i py ati kamran awm mo?

Parip nai leu 3:9

Achi ly amychi sa nai kalop bawibawichira i ati kamran nga mo?

Parip nai leu 4:3

Na i py huni dei nai, heng nai khumichi tleaung y tapen y rai naichi, hini khaileaung pri y awm nai adyh adawi y naichi hawi avum vai y nai khumichi ly hawi keh nai ne.

Parip nai leu 4:7

Heng nai deung y ati sai py ny y nai takhra leaungsai harei py, kai ly adawn pasym lawh bo.

Parip nai leu 5:16

Hini leaungsai ly avo y leang; achi jeu nai khala i kamta ly vawi ali teang ai nai tla ai. achi ly ali ai patiu ai nai atho sa nai ly ati kamran nga mo?

Parip nai leu 5:18

Khumi ami py sa ai hawi keh nai kalop ly achi ai Tameuh my ang pei nai khumi i heng nai deung y cha nai, nei nai, amy haura i nga nai yhmtheaung katui amtym naimy awm ai nai ne, nanai kapany bo.

Parip nai leu 6:12

Ati sai py ny y iy dawi ala nai, pa-pui kamta tama reng nai hengra ly khumi i vui hawi keh naira ami pany pajau ai mo? Khumi ami nai ly amy dei nai bo y, hini khaileaung pri y tym ai nai leaungsai mana pany pajau ai mo?

Parip nai leu 7:11

Heng nai khumi bawibawi ly tau cheng nai khumichi lawm ai nai avo; tau cheng naira ly yhmtheaung katui hawi atawm iy

Parip nai leu 9:13

Kai i niu nai takhra leaungsai harei awm rai; huni leaungsai my hini khaileaung pri y cheng naira ai khumichi my mana dawn mo, nanai hawihai palai pata pi nai awm.

Parip nai leu 9:3

Huni khumi bawibawichi py khym taham ly vanrei avum u nai ne; hini leaungsaichi py hini khaileaung pri y tym nai takhra leaungsaichi kamta, leu meitang adyh adawi naira by y. Khumichi ly heng nai ryrei, nichi i paleung ly hawi y naira hawi pathu naira my kawi nai ne i, nichi ly vaimy dei u ryp nai ne.

Parip nai leu 9:6

Nichi i tamen nai paleung, niu ngai y nai paleung hawi, takhra ngai phi teng y nai paleung bawibawichi ly mymychi hawi vanrei tama be veng bo. Nichi ly hini khaileaung pri y tym nai atitichi theung y abawi pajau y leang bo.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

HABAKKUK 2:13

Nangchi my tiu iy eaung nai khumichi ly atyhtyh naimy kalop sa iy, atho bai u. Nichi my sa nai yhm hlau ngireichi ly mai my kang pawn bo. Hini ly ati cheaungkhang sa thai nai Areng my sa nai ne.

HABAKKUK 2:18

Mynchi ly atira y teaung ai mo? Hunichi ly khumichi my sa nai teu i, katapawpra ny y baly ati sai py katheu thai y. Amy i sa naira ai ym nai ly ati kamran nga ai mo? Huni ly leu katheu thai y nai tameuh ne na a!

MATTHAI 16:26

Ami py hini khaileaung pri bomrei nga iy, amy i hengra tamo lawh sy, mymy i vui ati amran ai mo? Ti y baly ami my mymy i hengra i jeng y ati pei ai mo?

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

I KORINTH 16:16

hunai kamta khumichi teng y hawi, kalop sabawm nai hawi, sa akawm nai ngiereichi teng y py aau u ai nai kang takeng.