OBADIA 1:7 - Khumi Common Language Bible

⁷ Nangchi i amsawi amnai asa naichi ly ang tapawp iy, nangchi ai nangmychi pri i dengdairei ang patheu pawn bo. Nangchi hawi vanrei tlamsa naimy awm nai khumichi my vai, nangchi ai peang vui bo. Nangchi hawi vanrei cha nei u nai ahawichi ly nangchi i vui deaung pateung u bo. Nichi ly nangchi i molam y, hini khumichi i tau cheng nai ly ma mang y tym pawn mo? nanai thui u nai ne.

OBADIA 1:7 ပူးပေါင်းရင်းမြစ်များ

SAM 41:10

Aw Areng, paleung ka-echi ai vawitheung tha pajau ai nai, kai ai pahen iy noso hawi hai teang kyh ba.

SAM 41:9

Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

JEREMIA 30:14

Nangchi ai tamen nai khumichi ly nangchi ai tami pawn veng bo. Nichi ly nangchi ai dawndan u y leang bo. Nangchi i kamngochi ly nawi parai iy, nangchi i hawi y ala nai deaungkho y, kai ly nangchi ai paleung ka-e kamta no nga hai bo. Nangchi i pajeng naira avum nai ly khri pa-rei ty na bo.

JEREMIA 38:22

Juda samrang i yhm y awm rai nai neampachy ngiereichi ai, Babulon samrang i bangtangchi teng y hawi u vui ai. Nichi ly hina nai theu u nai thym khala, ‘Samrang i ahawi hawi keh naichi ly ni ai li-tapawp iy, ni i tlang tleaung y peang rau bo. Vai ly samrang i kheuchi ly aneaung kapan theung y a-up vui bo i, huni ahawi kahawichi ly ni ai khai u su bo,’ nanai thui u ai,” napi.

JEREMIA 4:30

Aw Jerusalem mary, nang ly taham si! Nang ly ati mana nai ateaung kamsen jeaung amthyp lawh mo? Ati mana nai y vang kateng lengseaungchi amthyp iy, nang i meichi ai an pathym lawh mo? Nang ly nangmy ai atyhtyh naimy ka-pu sa lawh ly! Nang i tavawichi my nang ai ang khai su veng bo. Nichi ly nang ai padei ai nai ngai u nai ne.

JEREMIA 49:7

Ati cheaungkhang sa thai nai keung Areng ly Edom pri molam y, “Edom khumichi ly paleung ka-dawn kahawi by y na bo sai a? Nichi i khumi kachengchi py, ati mana sa ai nai avo mo, nanai tau pei pajau y na bo sai a? Nichi i cheng nairachi ly tama be veng bo a?

TANGAM NAI LEU 1:19

“kai ly kaimy i amsawi amnaichi teng y kasabawmra hnei teu i py, nichi ly akhi u nai ne. Pathyp pi nai keungchi hawi mary i lu sa nai keungchi ly mymychi heng ai nai i vui y teicha teinei hau u nai thym y, lamchira y dei u bo.”

HOSEA 13:13

Israela chengchi ly tlang heng ai nai nga nai ly lo kawp y nai deaungkho y, khri pa-rei tamang na bo. Nichi ly tapen ai nai neng tym i py, tapen ai ngai y nai deaungdicho hawi atawm.

HOSEA 7:11

Israela chengchi ly humang himang akheang iy, tau by y nai, li-tapawp ai rai y nai buhu kamta ne. Nichi ly angchei y Aikupta prichi teng i, kasabawmra hnei u. Hunai bo baly Suria pri mang y preang iy, kasabawmra hnei u!

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.