OBADIA 1:21 - Khumi Common Language Bible

²¹ Eaung pawi nga nai Jerusalem mary i khumichi ly Edom pri y tiu i peang u ai. Huna nai khala Areng mymy kypkyp ly huni pri y samrang lawm ai.”

OBADIA 1:21 ပူးပေါင်းရင်းမြစ်များ

ATITI AWM ANGCHEI NAI 25:23

Areng my neampachy teng y, “Nang i kajeu theung y khumi cheng nyhrei awm; nang ly atiu nai khumi cheng nyhrei ai tapen ai. Leaungrei nai ly leaungrei tleaung y atho awm ai; kalen nai ly katheang teng y miseaung achei ai,” nanai thui pi

2 ARENG KEH 13:5

Areng ly Israela chengchi ai Suria chengchi kiu i nai atleu pi ai nai khumi amthawn hai bo. Hunaibaly Israela chengchi ly vaichi khala i kamta, tlamsa naimy awm ai nai nga u nai ne.

NEHEMIA 9:27

Huna nai y nang ly paleung ka-echi teng y, nichi ai peang vui ai nai pei bo. Nichi patang naira avum nai khala ly kasabawmra nga ai nai, nang teng y aeu u. Hunaibaly nang ly kani pri mang dengdairei thai iy, pahen naira len parai nai hawimy, nichi ai paleung ka-echi kiu i nai atleu ai nai, lu sa naichi ai pato pi.

SAM 102:15

Khumi bawibawichi ly Areng ai jei kaji naimy awm u ai; khaileaung pri i samrang bawibawichi ly nang i sa thai naira ai jei kaji naimy tahm khai u ai.

SAM 22:28

Areng ly samrang ne; khumi cheng cheaungkhangchi ai peang bo.

SAM 22:29

Paleung len nai khumi bawibawichi ly nang teng y lu meung u ai. Dei nai amjy khumi bawibawichi ly nang i mo y lu meung u ai.

SAM 47:7

Tameuh ly khaileaung pri verei i samrang ne; khulymchi hawi mymy ai palo u!

SAM 67:4

Nang ly khumichi ai leu meitang naimy tara chih iy, khumi cheng cheaungkhangchi ai lam patei nai deaungkho y, nichi ly amo theu naimy khulym thui u sy.

ISAIA 19:20

Hunichi ly Aikupta pri y ati cheaungkhang sa thai nai keung Areng awm, nanai pany hai nai ka-ma-rachi lawm ai. Khumi mipuichi ly ana nai avum iy, Areng teng y kasabawmra nga ai nai aeu u nai khala y, mymy ly nichi ai atleu ai nai khumi leaungrei pato pi ai.

ISAIA 24:23

Ati cheaungkhang sa thai nai keung Areng ly samrang lyn ai bo i, lo ly avang y ai; kanito py angvang bi ai ny y. Mymy ly Jerusalem mary Zion mawi salo y peang ai. Khumi mipuichi ai pahawi nai lu sa nai keungchi py, mymy i nang parai nai sai niu u ai.

DANIELA 12:3

Lu sa nai khumi kachengchi ly kani mang i kangvang kamta, angvang phang na ai. Khumi neangneangchi ai teng nai kalopchi sa ai nai, thui parip pi nai khumichi py, ka-si taukichi kamta deungtasarei angvang ai,” napi.

DANIELA 2:35

Naibaly tlenrei khyhmy tamo hawi laikan py, kheupaja py, tangka hawi mukuchi py, dei lawm vui bo. Hunichi ly kani pui y choh atyhra meingtym i spryh kamta, ali aho nai kamrawi y ahei pawn bo. Ati sai py lawi amny y na pa-rei, hm pawn nai ne. Na i py lengseaung pui ly khaileaung verei y kawi nanai mawi pui lawm bo.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

MATTHAI 6:10

Nangmy i peang nai tym sy, Nangmy kangai kani pri y sa nai kamta Khaileaung prichi py so u teang sy.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

LUKA 22:30

Ngaai my kai ai peang naira ang sa pi rym nai kamta, peang naira kang sa pi rym mang:hunaibaly Israela cheng holai nyhreichi ai tara chih pi nai areng atehra y nangchi ateh ai.

I TIMOTHEI 4:16

Nangmy hawi nang i patiu naira y ly amkym ly. Hunichi ly so veangveang; nang ly hunai kamta sa naira y ly nangmy hawi nang i leu tangai naichi ai py paheng ai.

JAKOB 5:20

mymy ly khumi kamngo ai lam tamang naira i dengdairei pahawi ali hai nai deaungkho y, dei ai naira i dengdairei phailo ai ly paheng ai, naibaly kamngo neangneang ai py khiu ai, nanai pany sy.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 19:6

Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.

TARA CHIH NAI KEUNGCHI 2:16

Huna nai khala Areng ly nichi ai tiu nai khumichi teng i dengdairei atleu ai nai, lu sa nai keungchi theu hai bo.

TARA CHIH NAI KEUNGCHI 3:9

Naibaly Israela chengchi ly Areng ai kadeaung u i, mymy ly nichi ai atleu ai nai, khumi leaungrei ai pato pi bo. Huni khumi ly Kaleb i amnau Kena i chapo Othniela ne.