OBADIA 1:10 - Khumi Common Language Bible

¹⁰ “Nang ly nangmy i amjo amnauchinapi nai Jakob i katu chanauchi ai lawm iy padei nai deaungkho y, taphra nai avum ai. Deungtasarei kangji nga ai.

OBADIA 1:10 ပူးပေါင်းရင်းမြစ်များ

ATITI AWM ANGCHEI NAI 27:11

Na i py Jakob ly amhm teng y, “Nangmy pany nai kamta jai Esaw ly tlang mui nawi parai, kai ly mui by y.

ATITI AWM ANGCHEI NAI 27:41

Jakob ly ampo teng i amtheaung naira nga vui nai deaungkho y, Esaw ly amnau ai paleung ka-e khai bo. Esaw ly “Ngaai dei phai dei baly Jakob ai kaimy tleh vui ai,” nanai adawn nai ne.

SAM 109:29

Kai i paleung ka-echi ly tahm awm u moh sy; nichi ly angji ngailai nai hawimy, mychi ai kanih kamta khiu na sy.

SAM 132:18

Ni i paleung ka-echi ai kangji nga hai ai; ni i pri ly nang chawn iy sareaung hawi ai,” napi.

SAM 137:7

Aw Areng, Jerusalem mary ai peang vui nai neng khala y, Edom khumichi i sa nai sai pany pi jo kyh ba. “Hini mary ai khaileaung hawi angeng pa-rei panawi vui,” nanai huni khumichi i thui nai leu ai pany pi jo kyh ba.

SAM 69:7

Kai ly nang i molam y mei aniu y naira avum bo; khri pa-rei kangji nga bo.

SAM 89:45

Nang ly ni ai neng tym y naimy miteaung cheang hai iy kangji nga hai bo.

LEU KACHENG 10:6

Khumi kahawi ly amtheaung nairachi nga ai. Khumi hawi y nai i leu ly my i pahyp y nai paleung ai tamym reng nai ne.

LEU KACHENG 17:5

Khumi kamawnchi ai panui pachem hai nai khumi ly nichi ai sa nai keung Tameuh ai thui tamawn nai ne. Amichi i khym taham kasi avum nai khala, amo theu reng nai khumi ly kamngo pajeng naira avum ai.

JEREMIA 12:14

Areng my, “Kai i khumi Israela chengchi teng y amtym ai pei nai pri ai, phra seaungkhrang hai nai Israela pri yhm deaungpa prichi molam y kai thui ai nai awm. Kai ly huni khumi hawi y naichi ai tangjyn akheaung nai keungdichy kamta, nichi pri i nai akyn vui ai. Juda pri ai nichi kiu i nai atleu ai.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 49:13

Bozarah mary ly niu nai khumichi jei hyn ai hawi nai, khumi angso by y nai meingtym lawm hai ai nai py, khumichi ly huni mary ai panui hai iy, huni mary i amyn ai vaineng abeu naira y teaung ai nai py, kaimy kypkyp my vaineng abeu nai ne. Tengpang sahawi i avang bawibawichi ly phra seaungkhrang naimy awm jojo ai. Hini ly kai Areng i thui nai leu ne,” napi.

JEREMIA 51:51

Nangchi my, ‘Kaichi ly tahm anem iy kangji kanga u bo. Achura yhm i meingtym kachaichi ai cheng takhra khumichi my peang vui nai deaungkho y, kaichi ly jeaungmang u nai ne,’ nanai thui u bo.

TANGAM NAI LEU 4:21

Edom pri hawi Uz pri y awm nai khumichi awi, panui u; nangchi amo theu pajau nai neng y, amo theu naimy awm u. Nangchi avum ai nai patang nairachi py, ang tym ai mang; nang py ateaung by y naimy atlym khikha iy, kangji nga ai.

TANGAM NAI LEU 4:22

Zion mary ly my i kamngo vang apei nai tem bo; Areng ly achi ai pri pala naira avum hai ai ny y leang bo. Na i py Edom pri awi, Areng ly nang ai pajeng ai; nang i sa nai kamngo pany hai pi ai.

Ezekiela 35:9

Kai ly nang ai khumi angso savai tlang nai meingtym lawm hai jojo ai. Nang i marychira y ami py awm ali bi ai ny y. Huna nai khala kai ly Areng ne, nanai nang pany ai.

Ezekiela 7:18

Nichi ly paisiu akhiu iy ngan tlang verei kaso tahyn theu u ai. Lu tabiuliu iy kangji kangai nga u ai.

JOELA 3:19

“Aikupta pri ly khutaha meingtym lawm iy, Edom pri ly phra ai i, khumi angso by y nai meingtym lawm ai. Ati mana nai mo nabaly huni prichi ly Juda pri ai tiu iy, khumi kahawichi ai padei u nai deaungkho y ne.

AMOS 1:11

Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

Leu Thui Nai 23:7

“Edom chengchi ly nangchi i amjy ne nai deaungkho y, nichi ai niu ngai y nai awm u moh. Aikupta khumichi ai py niu ngai y nai awm u moh. Nangchi ly vaichi khala nichi i pri y awm u vai nai ne.

Leu Thui Nai 23:8

Nichi i kangpreangchi ly mo mang deung thom dengdairei, Areng i khumichi theung y tabawi pajau.