NEHEMIA 9:37 - Khumi Common Language Bible

³⁷ Kaichi ly kamngo sa tamang nai deaungkho y, hini pri i theu nai amti amjangchi ly kaichi ai nangmy peang hai nai samrangchi my amtym u veng nai ne. Huni samrangchi ly kaichi hawi kaichi i tawnbawichi ai, mymychi ngaingai teaung u. Hunai deaungkho y kaichi ly khri pa-rei patang u nai ne.

NEHEMIA 9:37 ပူးပေါင်းရင်းမြစ်များ

EZARA 4:13

Samrang awi, hini mary hawi apaichi sa palum nai pajau baly, mary i khumichi ly kahm ang pei ai ny y leang bo. Hunaibaly nang i kahm tangka kun nai di vui ai.

EZARA 6:8

Sa palum teang nai kalopra y nichi ai sabawm ai nai, vai nangchi teng y kaimy leu kang pei bo. Nichi i sa nai kalop avawby y ai nai pasum nai chareichi ly Euphrat tavo pui nidym mang y cheaung nai kahm tangka, samrang i peang nai tangka-yh theung i pei pi u praw.

EZARA 7:24

Nangchi ly pathyp pi nai keungchi, Levi theaungchi, katyn kapau beu kawp naichi, tamcheaung risachi hawi kalop sa nai khumichi teng i nai py, Achura yhm hawi amtawn nai takhra khumichi teng i nai py, ati akeu py hnei u moh.

NEHEMIA 5:8

“Amymychi ai cheng takhrachi teng y jo vui nai Juda cheng amjo amnauchi ai kamjau ryrei achi my atleu teang chum nai bo y, vai nangchi ly amy amjo amnau tengtawi ka-jo ka-van sa u teang lawh ly!” nanai thui nai khala, lu sa naichi ly tlau teang thai y nai y, leu sairei py katheu u y bo.

TANGAM NAI LEU 5:5

Kaichi ly keaungngo kano kasauchi hawi kula-iuchi kamta, nithun mang athorei my pakhau nai avum u bo. Kaichi ly khri pa-rei paha i py, anawn ai nai ngo y.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

JOHAN 8:33

Naibaly nichi my ly ni teng y, “Kaichi ly Abraham i kangpreang na a, kaichi vai khrairei ami i miseaung y py awm vai y leang; ‘nangchi ai miseaung alaw hai ai,’ nanai ly ati mana nai thui nai mo?” nanai pathang.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.

Leu Thui Nai 28:39

Nangchi ly kreip akhochi palum pachai teu i py, athaichi cha u ai ny y, kreip hang py nei u ai ny y; ati mana nai mo na baly mipochi my kreip angjynchi ai cha nai deaungkho y ne.

Leu Thui Nai 28:48

Hunai deaungkho y Areng my nangchi ai tiu ai nai pato nai paleung ka-echi i kalopchi nangchi sa u lawh ai. Nangchi ly kajeu kanglam, tui kanghai hawi tlang ka-keu naimy awm u ai i, cheaungkhangra y avaw u ai. Nangchi tama ai nai pa-rei Areng my nangchi ai ana kalikachi hai ai.

Leu Thui Nai 28:51

Nichi ly nangmychi i tawnbawichi hawi amti amjangchi ang cha pi pawn nai deaungkho y, nangchi ly kajeu kanglam y dei u ai. Nangchi i choh, kreip hang, olive asitui hawi si, beramchi ai cha pi pawn nai deaungkho y nangchi ly dei u ai.