NEHEMIA 9:22 - Khumi Common Language Bible

²² “Nang ly nichi ai mymychi i khujyhra y awm nai prichi hawi, khumichi ai eaung ai nai pei bo. Nichi ly samrang Sihon my peang nai Hesabon pri py, samrang Oka my peang nai Bashan pri py peang u bo.

NEHEMIA 9:22 ပူးပေါင်းရင်းမြစ်များ

SAM 105:44

Mymy ly nichi teng y khumi takhrachi i prichi pei pi nai deaungkho y, nichi ly huni khumichi i li hlauchi nga nai ne.

SAM 78:65

Kangkhym y Areng ly i naira i anglaw nai khumi kamta py, kreip hang pavui nai khala paleung sorai nai neampacho kamta py ang thau nai ne.

JEREMIA 27:5

“Kai ly kaimy i sa thai naira len parai nai haiho hawi khaileaung pri, khumichi, khaileaung pri y awm nai tawnbawichi hawi raurei kaimy sa nai ne i, huni khaileaung pri ai kaimy ngai nai teng y kapei pajau nai ne.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Leu Thui Nai 1:4

Mosi ly Hesabon mary y peang nai Amori samrang Sihon ai py, Asataroth mary hawi Edrei marychi ai peang nai Bashan samrang Oka ai py, Areng myeaung hai vui nai bo y thui pi naichi ne.

Leu Thui Nai 32:26

Kai ly nichi ai katamyh keng ai i, khumi ami py nichi ai pany jo ai ny y leang bo.

Leu Thui Nai 4:47

Ni i pri ai py, Jordan tavo nisi mang y peang nai takhra Amori samrang ai py, Bashan samrang Oka i pri ai py, peang vui nai ne.

JOSUA 10:11

Israela risachi my tiu nai deaungkho y, Amori risachi ly mawi aleaung lam mang y preang u nai khala, Azeka mary tym pa-rei, lam jeungrei kani mang i ji amai kalen puichi, nichi i tlang tleaung y Areng my tla hai bo. Ji amai tla hai nai deaungkho y dei naichi ly Israela chengchi my padei iy dei nai tleaung y nawi keh nai ne.

JOSUA 11:23

Areng ly Mosi dengdairei leu pei nai kamta, Josua my huni pri verei ai tiu i peang vui bo. Ni i Israela cheng theaung bawibawichi ai peang hai ai nai, huni pri ai khu paji pi bo. Naibaly pri verei ly tlamsa naimy awm nai ne.