NAHUM 3:10 - Khumi Common Language Bible

¹⁰ thebe mary i khumichi ly pri pala naira avum u iy, nichi i cho chanauchi ly lam sangum tleirei y, khyh pakhau nai avum u bo. Nichi theung i tahm awm nai khumichi ai sengkry hawi pakheng iy, mychi tengtawi tambe va i aphy u bo.

NAHUM 3:10 ပူးပေါင်းရင်းမြစ်များ

2 ARENG KEH 8:12

Hazaela my, “Areng awi, ati mana nai y vo nai mo?” napi. Elisa my, “Nang ly Israela chengchi i tlang tleaung y hawi y parai nai ka-jeira tym hai ai, nanai kai ly pany nai ne. Nang ly nichi i lengseaung yhmchi ai mai leng iy, hawi parai nai thawndeang deaungdichi ai tleh ai; deaungdichychi ai athyh teng iy padei ai. Neampachy jeubomchi ai py kajeu seikra iy padei ai,” napi nai pathang.

JOBA 6:27

Nangchi ly nuro nukai chochi ai malawn py, miseaung palawn u ai nai tambe va iy, la ai nai khumichi ne. Amychi nang chawn ai nai molam y ahawi kamrawichi ai malawn py, ka-jo ka-van sa ai nai khumi ne u lawh ly!

SAM 137:8

Aw Babulon mary, nang ly taphra naira avum ai. Kaichi ai nangmy sa nai kamta nang ai vawitheung tha nai khumi,

SAM 137:9

nang i deaungdi chymplei naichi ai syn iy, lengseaung salo y nip piupa naimy padei nai khumi ly taham hawi.

SAM 149:8

Tameuh i leu pei nai kamta, pri bawibawichi ai pajeng ai nai py,

ISAIA 13:16

Nichi ly jeaungmang naimy khen u kalingie nai thym y, nichi i deaungdi chymplei naichi ly athyhteng iy padei nai avum u ai. Nichi i yhmchi ly lawm naira avum iy, nichi i ajuchi ly pajang nai avum u ai,” napi.

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 19:4

Kai ly Aikupta chengchi ai ana piupa nai samrang hawi y nai kiu tleaung y au iy, huni samrang ai ly nichi ai peang hai ai. Hini ly ati cheaungkhang sa thai nai keung kai, Areng my pei nai leu ne,” napi.

ISAIA 20:4

Asuria samrang ly hini pri nyhrei theung i patiu nai langhengchi ai, tlang ka-keu naimy hawi vui ai. Nichi ly miteaung, deaungdi takhawi y, phainai abawi y, mychi i kangji py tamym pajau y naimy tlang ka-keu abang u i, Aikupta pri ai kangji nga hai ai.

TANGAM NAI LEU 2:19

Vumtorei ang thau krei ang thau krei iy, Areng ai palau ba. Mymy i mo y nang i paleung pathym apei ve iy, nang i cho chanauchi i vui y ahui naimy hnei takeng ba. Nang i cho chanauchi ly lam taki tavai tleirei y kajeu alam naimy dei u bo he!

TANGAM NAI LEU 4:1

Amchai nanai muku ly amchai y veng bo. Achura yhm i lengseaungchi py, lamchira y ahei pawn bo.

Ezekiela 29:7

Nichi ly nang i tlang tleaung y kho sa nai khala, nang ly tleu iy nichi i takajachi ai viu krai i, akengchira py tamo nga hai bo.

HOSEA 13:16

Samari mary i khumichi ly kai ai tiu nai deaungkho y, pajeng naira avum ai. Samari khumichi ly tavai molam y dei u ai. Deaungdichochi ly khaileaung y athyh iy, padei nai avum u ai. Neampachy jeubomchi i kajeu py, phokra nai avum ai.

JOELA 3:3

Nichi ly langheng y hawi naichi ai ami teng y au ai mo, nanai tambe va u bo. Bimachi ai vang pei ai nai hawi, kreip hang vang pei ai nai molam y deaungdi neampacho, neampachychi ai miseaung y jo u nai ne.

AMOS 1:13

Areng my, “Ammon khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly khu ta-i ai nai ngai phi nai deaungkho y, tavai atiu nai khala Kilead pri neampachy jeubomchi ai malawn py, kajeu pho iy padei bo.

OBADIA 1:11

Paleung ka-echi ly huni khumichi i mary apai katheu taphra nai thym khala, nang ly sahawi mang angdo nai ne. Nang ly Jerusalem mary i yhmtheaung katuichi la vui iy mychi tengtawi phy apaji nai cheng takhrachi kamta, hawi y nai khumi ne.