NAHUM 2:13 - Khumi Common Language Bible

¹³ Ati cheaungkhang sa thai nai Areng my, “Kai ly nang i paleung ka-e ne. Nang i ka-richi mai y leng pawn ai. Nang i tavaimi risachi ly tavai keung y dei u ai. Amichi teng i nangchi my lawm vui nai vawnsai ngiereichi ai, kaimy taphra vui ai. Nang i savaichi hnei nai raawi thai u ai ny y leang bo,” napi.

NAHUM 2:13 ပူးပေါင်းရင်းမြစ်များ

2 ARENG KEH 18:17

Asuria empara samrang Sennakheri ly Jerusalem mary y tiu ai nai, my i vawi patyp nai miteaung keh leaung thomreichi my lu sa nai tavaimi kamkawm pui ai, Lakhisa mary i dengdairei pato bo. Nichi ly Jerusalem mary y tym nai khala, salo tuikan mang leaung nai tui lam sahawi y ateaung aneng nai khumichi i kalop sa nai meingtym lam y tai u nai ne.

2 ARENG KEH 18:19

Asuria miteaung keh leaungrei my nichi teng y, “Asuria samrang my samrang Hezekia teng y, ‘nang ly ati mana nai amymy ai, hina tanrei a-ym na mo?

2 ARENG KEH 19:23

Nang ly nangmy i tavai ka-ri bawibawichi hawi Lebanon mawi tleaung y asang keh nai mawichi ai tiu nai pajau, nanai kai teng y amlyh ai nai savaichi pato bo. Nang ly huni meingtym i asang keh nai saitleang keungchi hawi, apu keh nai maicha keungchi ai paliu naimy, atu thengreung pui theung y tym, nanai amlyh bo.

2 ARENG KEH 19:9

Huna nai khala Asuria chengchi ly Ethiopia samrang Tirhakah my lu sa nai Aikupta tavaimichi ang jeu bo, nanai satang nga u. Huni satang thai nai khala empara samrang ly Juda samrang Hezekia teng y cha pa bo.

2 NENG SATANG 32:19

Nichi ly Jerusalem mary khumichi i Tameuh ai, khumichi i kiu hawi sa nai mynchi napi nai, cheng takhra khumichi i tameuhchi hawi vanrei pahyh iy katheu u bo.

SAM 46:9

Mymy ly khaileaung pri verei y atiu naichi ai anawn hai bo; thailihochi ai khei vui iy, tivichi tameang pawn iy, khopuichi ai py mai y veang pawn bo.

JEREMIA 21:13

Aw Jerusalem mary, nang ly adymra i lengseaung pui kamta, leaunghawichi salo y asang hawp naimy awm bo. Na i py kai, Areng ly nang ai kang tiu ai. Nang ly nangmy ai ami my py tiu pajau y, nang i amtangrachi ai py panawi pajau y, nanai thui nai ne.

JEREMIA 46:14

“Aikupta marychi napi nai Mikadol, Memphi hawi Tapaneh marychi teng y, ‘Nangchi ly nangmychi i vui amtang ai nai angvei u rym; nangchi teng y awm nai ngiereichi ly tavai keung y phra hai ai!

JEREMIA 50:31

“Aw Babulon mary, nang ly amlyh am-e naira y kyh chawn nai deaungkho y, ati cheaungkhang sa thai nai keung Tameuh, kai Areng ly nang ai ka-awi sa ai! Nang ai kaimy pajeng ai nai neng kani ly tym bo.

JEREMIA 51:25

Aw Babulon mary, nang ly khaileaung pri verei y taphra reng nai mawi hawi atawm; na i py kai Areng ly nang i paleung ka-e ne. Kai ly nang ai atheu iy khaileaung hawi vanrei padyh vui ai. Nang ai maidym lawm hai vui ai.

Ezekiela 13:8

Naibaly nichi teng y sa thai naira awm nai Areng Tameuh my leu pei nai ly “Nangchi i leu ly teng y leang; nangchi i paleung mei y niu naichi ly li-tapawp naichi teu, kai ly nangchi ai ka-awi sa nai ne, nanai kai, Areng my leu kang pei bo.

Ezekiela 21:3

Khumichi teng y kai, Areng ly nangchi i paleung ka-e ne, nanai py, kaimy i haisau aphiu iy nangchi bawibawi ai khumi hawi nai, hawi y nai py patleh y naimy, tamyh pawn ai nanai py,

Ezekiela 26:3

“Huna nai y vai sa thai naira angym nai kai, Areng my leu pei nai ly nang, Turu mary awi, kai ly nang i paleung ka-e ne. Nang ai tiu ai nai khumi cheng cheaungkhangchi ai kaimy kang hawi ai. Nichi ly pangli tui sampyhchi kamta, nang i awm naira mang y ang tym u ai.

Ezekiela 28:22

Huni mary i khumichi teng y sa thai naira angym nai kai, Areng i leu pei nai amti pi. Sidon mary awi, kai ly nang i paleung ka-e ne. Nang i tlang tleaung y kai i sa nai saichi molam y, khumichi ly kai ai palo u ai. Kai ly nang i khumichi ai pajeng iy kai i chai nai sai patei nai khala, kai ly Areng ne, nanai nichi pany u ai.

Ezekiela 29:10

kai ly nang i paleung ka-e, Naing tavo i paleung ka-e py ne. Tosyh mang i Mikadol mary i ka-so, tokalawi mang Asavan mary y khrairei, Sudan khujyh ryrei, Aikupta pri verei y khumi angso savai tlang nai meingtym lawm hai ai.

Ezekiela 29:3

Sa thai naira angym nai Areng my ati mana leu pei mo, nanai Aikupta samrang Pharao teng y amti pi ai nai ly: tavo theung i atho len parai nai satam pui awi, kai ly nang i paleung ka-e ne. Naing tavo ai ly nangmy peang, huni tavo ai nangmy palum nai ne, nanai nang ly thui bo.

Ezekiela 35:3

Khumichi teng y sa thai naira angym nai kai, Areng my ati mana leu pei mo, nanai thui pi. “Edom mawichi awi, kai ly nang i paleung ka-e ne he! Kai i kiu pheu iy kai ly nang ai, khumi angso savai tlang nai daichi daireang lawm hai ai.

Ezekiela 38:3

sa thai naira angym nai kai, Areng ly ni i paleung ka-e ne nanai thui pi.

Ezekiela 39:1

Sa thai naira angym nai Areng my, “Nang khumicho awi, Misheka hawi Tubal chengchi i len keh nai samrang Koka ai thui tamawn ba. Kai ly ni i paleung ka-e ne, nanai thui pi.

Ezekiela 5:8

Hunai deaungkho y kai, sa thai naira awm nai Areng my leu kang pei nai ly aw Jerusalem mary, kai ly nang i paleung ka-e ne i, khumi cheng cheaungkhangchi i mo y nang ai kang pajeng ai.

NAHUM 2:12

Khrangsi ly mawi kei chum baly khrangsinu hawi chochi i vui, keibaw keibaw iy, huni mawi akawichi hawi, mawi tapiu y kawi mang hai reng nai ne.

NAHUM 3:1

Tiu lawm nai avum ai nai, nang chawn nai mary, li-tapawp iy khumi ai padei reng nai mary ly taham si.

NAHUM 3:12

Nang i amtangra ngiereichi ly athai kangmyn awm nai thaidu keungchi hawi atawm iy, keung tahyn baly cha ai ngai nai khumi i labeaung kho y athaichi athun ai!

NAHUM 3:15

Nang ly mana mo sa i py, mai my kang iy tavai keung y dei ai. Akhu-tamachi my cha nai amti amjangchi kamta, nang ly tama ai. Nang ly akhutamachi kamta khumi vuikanai peung hai bo!

NAHUM 3:5

Ati cheaungkhang sa thai nai Areng my, “Aw Ninevi mary, kai ly nang ai kang pajeng ai! Tlang ka-keu awm hai iy, khumi cheaungkhangchi ai khen ai nai pei ai. Nang i kangji nga nai ly prichi my niu u ai.

JOSUA 11:6

Areng my Josua teng y, “Nichi ai jei moh. Khawndam hini neng y kai ly nichi bawibawi ai, Israela chengchi i kiu y kadei au ai. Nang ly nichi i keaungngochi kheu athovui leu hai iy, tavai ka-richi ai mai leng pawn ai nai tla,” nanai leu pei bo.

JOSUA 11:9

Josua ly Areng my leu pei nai kamta, paleung ka-echi i keaungngo kheu athovuichi leu iy, tavai ka-richi ai mai leng pawn bo.