MATTHAI 9:27 - Khumi Common Language Bible

²⁷ Naibaly Isu ly hu i dengdairei tako veangveang iy, mei kamju leaung nyhrei ly ni ai hui i, “Aw Davida i Chapo awi! Kaini ai pahen kyh,” nanai aeu.

MATTHAI 9:27 ပူးပေါင်းရင်းမြစ်များ

MATTHAI 1:1

Hini ly Isu Krista ampreng nai keungchi i satang ne; mymy ly Davida i kangpreng hawi Abraham i kangpreng ne;

MATTHAI 11:5

mei kamjuchi ly mei angvang u bo, kheu kangbaichi py tako u bo, keaungsichi ai py paichai bo, kano kapangchi py kano ha u bo, kadeichi ai py pathau bo, khumi kamawnchi teng y py Satang Kahawi thui pi bo.

MATTHAI 15:22

Naibaly khen cham, huni tengtang i dengdairei Kanan pri i neampachy leaungrei theu i, “Aw Areng, Davida i Chapo awi, kai ai pahen kyh; kai i chaniu ai vawinam my nam thleng bo,” nanai aeu bo.

MATTHAI 17:15

“Areng awi, kai i chapo ai pahen kyh, mymy ly pathu i khrikhri pa-rei patang na; mymy ly tui y py mai y py neangneang atlym nai bo.

MATTHAI 20:29

Naibaly nichi ly Jeriko avang i nai theu u nai thym khala y ly khumi mipui ka-teng ny y nai mymy teng y abang u bo.

MATTHAI 21:15

Na i py pathyp pi nai keung kalenchi hawi Reita patiu nai keungchi ly mymy i atiti rengrang sa naichi hawi, achura yhm kalen pui y, “Tameuh my Davida i chapo ai tahm pasang sy,” nanai aeu nai deaungdichi ai niu khala y ly nichi ly paleung hawi y i ni teng y, “Hinichi i thui nai ly thai a?” napi.

MATTHAI 21:9

Naibaly mymy i mo mang y tako nai hawi mymy ai hui nai khumi mipuichi ly, “Tameuh my Davida i chapo ai tahm pasang sy; Areng i amyn y jeu nai ly tahm hawi; salo mang i nai ly Tameuh my ni ai amtheaung hai sy,” nanai aeu u.

MATTHAI 9:28

Naibaly mymy ly yhm y kun baly mei kamju nini ly mymy teng y chei; naibaly Isu my nini teng y, “Kai ly hini kang sa pi pajau ai nai ym hawi a?” napi. Nini my ly mymy teng y, “Ym chy Areng,” napi.

MARKA 11:10

Peang naira tym ai nai, achi i ampo Davida i peang nai ly taham hawi; Salo mang i nai ly Tameuh my ni ai amtheaung hai sy,” nanai aeu u.

MARKA 9:22

“Deaungdi khala i nai bo; hunaibaly ni ai tama hai ai nai mai y py tui y py neangneang atlyh hai reng nai bo; na i py nangmy sai sairei sa pajau baly kaichi ai pahen ly, sabawm kyh,” napi.

LUKA 17:13

“Isu Areng awi, kaichi ai pahen kyh,” napi.

LUKA 20:41

Naibaly mymy ly nichi teng y, “Krista ly Davida i chapo ne, nanai ly ati mana nai thui nai sai mo?

LUKA 7:21

Naibaly hunai thym khyp khala y Isu my no naichi ai hawi, no awm naichi ai hawi, vawinam my nam naichi ai py neangneang hawi sa pi: mei kamju neangneangchi ai py mei angvang hai.

JOHAN 7:42

Krista ly Davida i kangpreangchi theung i nai, Davida i awm naira avang Bethlehem i nai theu ai nai tla, nanai Tameuh i cha-iu y tajiu nai ny y a?” napi.

ROM AVANGCHI TENG Y PAWLA I CHA PA NAI 1:3

Krista i molam ly Tameuh my jangni y mymy i cha-iu kachai y ly mymy i amochi i labeaung y adeu bo; ni ly mymy i tlang mang y ly Davida i kangpreang y tapen nai ne,

ROM AVANGCHI TENG Y PAWLA I CHA PA NAI 9:5

amsi pajochi ly mymychi i ne teang, Krista ly tlang mang i molam y mymychi theung i theu nai ne teang; mymy ly atiti bawibawichi i tlang tleaung y peang nai ne i, deungtasarei palo ai ataing nai Tameuh ne. Amen.