MATTHAI 8:29 - Khumi Common Language Bible

²⁹ Naibaly khen cham, nini my ly, “Aw Tameuh i Chapo awi! Kaini hawi nang hawi ati amtawm naira awm mo? Neng tym y rai khala my kaini ai patang hai ai nai jeu nai a?” nanai aeu.

MATTHAI 8:29 ပူးပေါင်းရင်းမြစ်များ

2 SAMUELA 16:10

Samrang ly Abisai hawi ni i amjo Juaba teng y, “Hini ly nang i kalop ny y leang; Areng my leu pei nai deaungkho y, kai ai pasawi nai ne lawh baly ni teng y, ‘nang ly ati mana nai y hina nai sa lawh mo?’ nanai ami my deng ai mo?” napi.

2 SAMUELA 19:22

Na i py Davida ly Abisai hawi ni i amjo Juaba teng y, “Nangni i dawn nai ly ami my hnei takeng mo? Nangni ly kai ai patang hai ai nai ngai nai sai a? Vai, kai ly Israela samrang lawm veng bo. Hunai deaungkho y vaini ly mani Israela cheng leaungrei ai py padei u moh,” napi chum baly,

1 ARENG KEH 17:18

Neampachy lumai ly Elija teng y, “Aw Tameuh i khumi awi, nang ly ati mana nai kai ai hini patang naira tym hai lawh mo? Nang ly kai i chapo ai dei ai nai pa-rei Tameuh teng y, kai i kamngochi pany hai ai nai hini meingtym y jeu nai a?” napi.

2 ARENG KEH 3:13

Elisa my Israela samrang teng y, “Ati mana nai y kai ly nang ai sabawm ai mo? Nang i ngamhm, ngampochi ai tau pei reng nai amochi teng y phai chei iy adeng u,” napi. Joram my, “Hina nai thui moh! kaichi samrang leaung thomreichi ai Moba samrang kiu y au nai keung ly Areng my ne lawh veng,” napi.

2 NENG SATANG 35:21

Na i py Niko my, “Aw Juda samrang awi, vai, kai i tiu nai tavai ly nang hawi abi y leang. Kai ly nang ai tiu ai nai jeu nai ny y; kai i paleung ka-echi ai tiu ai nai jeu nai teu. Tameuh my tiu kaliki ai nai leu ang pei nai ne. Kai mang y awm nai Tameuh ai ka-awi so moh. Ti y baly Tameuh my nang ai ang taphra ai,” nanai Josia teng y savai pato iy thui hai bo.

JOELA 3:4

Turu mary, Sidon mary hawi Philistia pri meingtym tleirei i khumichi awi, nangchi ly kai ai ati sa ai nai atho sa u nai mo? Kai ai vawitheung tha ai nai atho sa u nai a? Huna nai atho sa u lawh baly, kai ly nangchi ai vawitheung tha manme ai!

MATTHAI 4:3

Naibaly parawi nai keung ly tym i mymy teng y, “Nang ly Tameuh i Chapo ne nabaly hini lengseaung ly tako lawn ai nai leu pei bei,” napi.

MATTHAI 8:30

Naiblay nini i awm naira i dengdairei palo rawm naira y eu kanghu neangneang tlai bo.

MARKA 1:24

“Nazaret Isu awi, kaichi hawi nang hawi ati amtawm mo? Nang ly kaichi ai tama hai ai nai jeu nai a? Nang ai ly kai pany mang, Tameuh i Khumi Kachai ne,” nanai aeu.

MARKA 3:11

Naibaly vawinamchi py mana khala y py mymy ai niu baly, mymy i mo y ambeu naimy, “Nang ly Tameuh i Chapo ne,” nanai aeu u ryry.

MARKA 5:7

naibaly tao pajeng parai pa-rei my aeu nai, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Kai ai patang hai y ai nai Tameuh i amyn y kang takeng nai he,” napi.

LUKA 4:34

“Aw, Nazaret Isu awi, kaichi hawi nang hawi ati amtawm mo? Nang ly kaichi ai tama hai ai nai jeu nai a? Nang ai ly kai pany mang, Tameuh i Khumi Kachai ne,” nanai aeu.

LUKA 4:41

Vawinamchi py, “Nang ly Tameuh i Chapo ne,” nanai aeu naimy khumi neangneangchi i taku theung i nai theu u. Naibaly mymy ly Krista ne, nanai nichi ly pany nai deaungkho y, ni my nichi ai jo i katheu ai nai pei y.

LUKA 8:28

Naibaly ni ly Isu ai niu baly aeu iy, ni i mo y ambeu i athorei my, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Hini kang takeng nai bo he, kai ai patang hai moh kyh jemjem ba,” napi.

JOHAN 2:4

Naibaly Isu ly mymy teng y, “Neampachy awi, hawi mang; kai i neng tym y leang rai,” napi.

AMTAW 16:17

Huni anglo ly Pawla kaichi ai hui iy, “Hini khumi paheng nai lam ang thui pi nai keungchi ly Salo Keh i Tameuh i miseaungchi na a hi ly,” nanai aeu.

JAKOB 2:19

Tameuh ly harei khyh, nanai nang ym; hawi mang: vawinamchi py ym i kaso theu.

II PETERA 2:4

Ati mana nai mo nabaly kani pri i amtaw thau naichi kamngo sa nai khala y ly Tameuh my nichi ai khai y i, ngari angawm y aphi iy tara chih pi ai khai nai angawm kaveng y paeung baly:

JUDA 1:6

Naibaly kani pri i amtaw thau naichi, mychi i awm angchi nai sai kamta awm jo y naimy, mymychi i awm reng nai meingtym khai su naichi ai ly huni kani aly len parai nai i tara chih naira i vui y kaveng anui y deungrasarei kawm naimy ang khai nai bo.

TARA CHIH NAI KEUNGCHI 11:12

Naibaly Jephetha ly Ammon samrang teng y savaichi pato i, “Nang hawi kaichi sala y ati ka-jo awm mo? Nang ly ati mana nai y, kaichi i pri theung y kun lawh mo?” nanai deng.