MATTHAI 8:20 - Khumi Common Language Bible

²⁰ Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.

MATTHAI 8:20 ပူးပေါင်းရင်းမြစ်များ

SAM 104:12

Tengpang sahawi i dengkeaung keungchi salo y tavochi ly tabu sa u iy khulym thui u bo.

SAM 104:17

Hunira y tavochi ly tabuchi sa; obeaung asangchi ly maicha keungchira y tabuchi sa u bo.

SAM 109:22

Kai ly kamawn kati cho ne; paleung pakawi theung y no-ei naimy awm bo.

SAM 40:17

Aw Areng, kai ly atho di iy, jeaungmang nai khumi ne i py, nang ly kai ai pany pi jo nai ne. Nang ly kai i atleu keung, kai i Tameuh ne; kai ai sabawm ai nai jeu kaliki ba!

SAM 69:29

Na i py kai ly patang nai y, paleung phra atho di bo; aw Tameuh, kai ai kateang iy atleu kyh ba!

SAM 84:3

Kai i samrang, kai i Tameuh ne nai, ati cheaungkhang sa thai nai keung Areng, noparyhchi hawi pheaungphaichi malawn py, mychi i tabuchi ai nang i maicham sahawi y sa iy, chochi ai teu u bo.

DANIELA 7:13

Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

MATTHAI 12:32

Naibaly ami py Khumi i Chapo ai cheh nai ngierei ai ly pahen pi ai; na i py ami py Phailo Kachai y khrairei cheh nai ngierei ai ly vai heng nai sala y py, neng tym ai nai khala y khrairei py pahen pi y ai.

MATTHAI 12:40

Jona ly ngo kalen pui i kajeu theung y kani kani thomrei vum vum thomrei awm nai kamta ly, Khumi i Chapo ly khaileaung theung y kani kani thomrei vum vum thomrei awm teng ai he.

MATTHAI 12:8

Khumi i Chapo ly Anawn Kani i Areng na a,” napi.

MATTHAI 13:37

Naibaly mymy ly pathang i, “Ti kahawi hei nai keung ly Khumi i Chapo ne; hlau ly khaileaung pri ne;

MATTHAI 16:13

Naibaly Isu ly Philipi Kaisari ka-peang y tym khala y ly abangnaichi teng y, “Amichi my khumi i Chapo ai ly ami napi mo?” nanai deng.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 17:9

Naibaly nichi ly mawi i dengdairei kathiu u nai thym khala y Isu ly nichi teng y, “Khumi i Chapo ly kadeichi theung i dengdairei angthau bi y ryrei ly nangchi i atiti niu naichi ly ami teng y py thui u moh,’ nanai leu pei kheng.

MATTHAI 19:28

Naibaly Isu my nichi teng y, “Meitang khyp kang thui pi, atiti bawibawi kangtha sa palai bi naira y ly khumi i Chapo ly mymy i nang parai nai atehra y ateh nai khala y ly nangchi, kai teng y abangnaichi ly Israela cheng holai nyhreichi ai tara chih ai nai, nangchi py areng atehra holai nyhrei naira y ateh u teang ai.

MARKA 8:38

Ami py vai deung kangthau pajang sa nai hawi kamngo sa reng naichi theung y kaimy ai hawi kai i leu ai py kaji hai nai ngierei ly, Khumi i Chapo ly kani pri i amtaw thau naichi hawi mymy i Ampo i nang parai naira apu naimy ang jeu nai neng khala y ly, huni khumi ai ly ang kaji hai teang ai”, napi.

LUKA 12:8

“Naibaly kang thui pi, Amichi i mo y kai ai apha y nai ngierei ai ly Tameuh i kani pri i amtaw thau naichi i mo y Khumi i Chapo my ni ai apha hai y teang ai.

LUKA 18:8

Kang thui pi, mymy ly nichi ai vawitheung tha pi praw ai. Na i py Khumi i Chapo jeu ai nai neng khala ly khaileaung pri y ym naira niu ai a?” napi.

LUKA 2:12

Naibaly hini ly nangchi i vui ka-ma-ra ne: deaungdicho kanih y bam me nai, tawnbawi teicha pei naira y aseaung nai niu ai,” napi.

LUKA 2:16

Hunaibaly tako u kaliki i, Mari hawi, Josepha hawi, tawnbawi teicha pei naira y deaungdicho aseaung nai py niu.

LUKA 2:7

Naibaly chalu y neampacho tapen; naibaly kanih y bam me iy, charai y akeaung y nai deaungkho y tawnbawi teicha pei naira y paseaung.

LUKA 21:36

“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.

LUKA 8:3

Chuza i aju Joanna py, Susanna py, takhra neangneangchi py ne; nichi ly mymychi i yhmtheaung dengdairei nichi ai kry.

LUKA 9:58

Naibaly Isu my ni teng y, “Khivachi py kho awm, salo mang i tavochi py tabu awm, na i py Khumi i Chapo ly anga naira ha py by y,” napi.

JOHAN 1:51

Naibaly Isu my ni teng y, “Meitang khypkhyp kang thui pi, kani am-eaung iy Tameuh i kani pri i amtaw thau naichi Khumi i Chapo i tlang tleaung y kathui kalau nai py niu u ai,” napi.

JOHAN 12:34

Naibaly khumi mipuichi ly ni teng y, “Krista ly deungtasa khairei awm jo ai, nanai Reita theung i nai kaichi thai bo; Khumi i Chapo ai dang ai nai tla, nanai ly ati mana nai sai mo? Hini Khumi i Chapo ly ami mo?” nanai pathang.

JOHAN 13:31

Hunaibaly ni i theu nai bo y Isu my,’ Vai ly Khumi i Chapo ai palo bo, mymy deaungkho y Tameuh ai palo teang bo.

JOHAN 3:13

Kani pri i dengdairei satla kathiu nai keung ny y baly ami py kani pri y lyn vai y; huni ly Khumi i Chapo ne:mymy ly kani pri y awm nai he.

JOHAN 3:14

Naibaly ami py ni ai ym nai ngierei ly mymy deaungkho y deungtasarei hengra nga thai ai nai,

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

JOHAN 6:53

Isu my nichi teng y, “Meitang khypkhyp kang thui pi, nangchi ly Khumi i Chapo ngan cha iy, ni i thi nei y baly, nangmychi teng y hengra by y leang bo.

JOHAN 6:62

Khumi i chapo ly mymy i jangni i awm naira y lyn kalau nai nangchi niu lawh baly mana sa u ai mo?

AMTAW 7:56

naibaly “Khen cham, kai ly kani am-eaung nai niu i, Tameuh i lamtang mang y Khumi i Chapo angdo nai py kaniu,” napi.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.