MATTHAI 7:7 - Khumi Common Language Bible

⁷ “Hnei u, naibaly ang pei ai; hau u, naibaly niu ai; takhei u, naibaly ang paeaung pi ai.

MATTHAI 7:7 ပူးပေါင်းရင်းမြစ်များ

ATITI AWM ANGCHEI NAI 26:32

Huni kani y Isaka i miseaungchi ly jeu i, mychi i tai nai tuikan satang amti pi. Nichi my, “Kaichi ly tui avum bo,” napi.

1 ARENG KEH 3:5

Huni vum y Areng ly amang mang y amteng i, “Nang ly ati ngai mo? kang pei ai,” napi.

SAM 10:17

Aw Areng, nang ly paleung apanem nai khumichi i chiu sa nai tangai pi iy, nichi teng y sorai paleung pei ai.

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

SAM 119:12

Aw Areng, kai ly nang ai kang palo bo; kai ai nang i reita leuchi patiu pi kyh ba.

SAM 27:8

“Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 34:4

Kai ly Areng teng y chiu sa nai khala, mymy ly tangai pi bo. Jei ai hawi parai naichira i nai kai ai atleu bo.

SAM 37:4

Areng teng y amo theu naira hau; hunaibaly mymy ly nang i ngai nai angym hai ai.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 69:32

Hina naichi niu nai khala y ana naira avum nai khumichi ly amo theu u ai; Tameuh ai chiu nai khumichi ly atho nga u ai.

SAM 70:4

Nang teng y ahihawi nai khumi bawibawichi ly amo theu u sy. Nang i atleu nai molam y kawn naimy palo u nai khumichi ly “Tameuh ly khri pa-rei nang parai nai ne,” nanai avawrei palo u sy!

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

Solomon i khulym 3:2

Kai ly ang thau iy mary theung y amki naimy lamleng lamkuichira y Kaimy i khrei nai keung ai hau nai ne. Na i py niu y.

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

AMOS 5:4

Areng my, “Israela khumichi awi, kai teng y ali u teang jau; naibaly nangchi heng u ai.

MATTHAI 18:19

Kang thui pi bi ai, khaileaung pri y nangchi theung y khumi leaung nyhrei myni i atiti hnei naira y myni paleung adyh baly, kani pri mang y awm nai Ngaai my sa pi ai mang.

MATTHAI 21:22

Naibaly nangchi i ati cheaungkhang ym naimy chiu sa nai hnei nai ngierei ly nga ai,” napi nai pathang.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

MATTHAI 7:11

Hunaibaly nangchi khumi kamngo malawn py nangchi i chanauchi ai atiti kahawi pei ai nai sai pany baly, Ngampo kani pri mang y awm nai my ly hnei nai keungchi ai ly atiti kahawi mana tanrei ang pei y ai a?

MATTHAI 7:8

Ati mana nai mo nabaly ami py hnei nai ngierei ly nga ai; ami py hau baly niu ai; ami py takhei baly ang paeaung pi ai.

MARKA 11:24

Hunaibaly kang napi, nangchi i chiu sa nai hnei nai ngierei ly nga chum nai kamta ym u, hunaibaly nangchi ly nga ai.

LUKA 13:25

Yhmkeung my angthau iy katheu kho veng nai bo y nangchi ly angam mang y angdo iy, ‘Areng, peaung pi kyh,’ nanai katheu y takhei nai khala y ni my ly, ‘Nangchi ma mang i awm nai mo kang pany kang pacha y leang,’ nanai ang pathang ai;

LUKA 18:1

Naibaly atho si y naimy chiu sa jojo ai nai tla, nanai pany hai ai nai mychi teng y pata nai leu thui i,

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:7

Ngngchi ly kaimy teng y awm jo iy kai i leu nangchi teng y awm jo teang baly, nangchi i ngai nai ngierei ly hnei u, nangchi i vui ang sa pi ai.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

ROM AVANGCHI TENG Y PAWLA I CHA PA NAI 3:11

Pany thai nai khumi leaung py by y, Tameuh ai hau nai khumi leaung py by y;

HEBRAI 11:6

Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.

JAKOB 5:15

naibaly ym nai chiu sa nai ly no nai ai hawihai iy Areng my ly ni ai pathau ai; naibaly mymy ly atiti kamngo sa lawh baly pahen pi ai.

I JOHAN 3:22

hunaibaly achi ly mymy i leu pei naichi patawm iy, mymy i mei ka-niu y atiti kawn ai awm naichi sa reng nai deaungkho y, achi i hnei nai ngierei ly mymy teng i dengdairei nga jojo.