MATTHAI 6:33 - Khumi Common Language Bible

³³ Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

MATTHAI 6:33 ပူးပေါင်းရင်းမြစ်များ

1 ARENG KEH 17:13

Elija my ly “Paleung mawn moh; chei ly nangni cha ai nai teicha teinei phai so. Na i py kai i vui tako phirei so pi man ly jeu hai; huni bo y tako dei kamlai hawi nangni chapo amhm i vui so ba.

SAM 112:3

Ni i yhm dengtheungchi ly nang chawn u ai; ni ly nang chawn jojo ai.

SAM 37:25

Vai i neng khala y kai ly miteaung acheang veng bo; kai ly saneng kakra kaheng bo. Na i py khumi kahawi ai Areng my khai su nai py, ni i cho chanauchi cheaung cha nai py, tlenrei py kaniu vai y leang.

SAM 37:3

Areng ai ym naimy kahawi so ly pri y chymme naimy awm ba.

LEU KACHENG 10:3

Areng ly khumi kahawichi ai kajeu kanglam khai ai ny y. Na i py khumi hawi y naichi i aly ngai naichi ai ly paka vui ai.

LEU KACHENG 28:10

Khumi kahawi ai tapawp-hyp iy, hawi y naira sa hai reng nai khumi ly my i pateung nai deaung y, mymy naimy man ai. Kamngo by y nai khumi ly kawn vang nga ai.

LEU KACHENG 8:18

Kai ly nangchi ai nang chawn ai nai hawi tahm awm ai nai py, nang naira hawi eaung naira py pei bo.

Parip nai leu 10:2

Khaileaung pri i reita kamta nabaly, khumi kacheng ly kahawi sa reng, khumi ka-khum ly tamang nairachi sa reng.

ISAIA 26:9

Vum y kai ly nang ai paleung hawi verei kadeaung bo; khaileaung hawi khaileaung pri i khumichi ai nang ly tara chih nai khala y, adyh adawi naira, nanai ly ati mo, nanai nichi pany u ai.

ISAIA 33:6

Israela chengchi ai khaw parai naira pei ai. Mymy ly mymy i khumichi ai avawrei ama hai iy, cheng naira hawi pany thai naira pei pi. Nichi i vang teng keh nai yhmtheaung katui ly Areng ai tahm khai naimy jei kaji nai ne.

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

MATTHAI 19:28

Naibaly Isu my nichi teng y, “Meitang khyp kang thui pi, atiti bawibawi kangtha sa palai bi naira y ly khumi i Chapo ly mymy i nang parai nai atehra y ateh nai khala y ly nangchi, kai teng y abangnaichi ly Israela cheng holai nyhreichi ai tara chih ai nai, nangchi py areng atehra holai nyhrei naira y ateh u teang ai.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 3:2

“Uikhei u, kani pri my peang nai ly kasa bo,” napi.

MATTHAI 4:17

Isu ly huni kha i dengdairei, “Uikhei u! Kani pri my peang nai ly kasa bo,” nanai thui pi amteaung bo.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

LUKA 12:31

Mymy i peang nai phai hau u, naibaly hunichi py ang pei panawi bi ai mang.

JOHAN 5:4

Tlen tlenrei ly kani pri i amtaw thau nai leaungrei ly tui y satla i tui sampyh theu hai; huni bo y tui y satla man nai khumi ly atiti no nai py hawi ryp bo.]

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

AMTAW 20:25

“Naibaly khen cham, nangchi theung y kaimy Tameuh i peang nai satang thui nai aleaung aleaung reng nai ly, nangchi bawibawi ly kai i meimai niu ali y leang bo, nanai kai pany bo.

AMTAW 28:31

mymy teng y kun nai ngierei ai kawn iy, Tameuh i peang nai satang thui pi, Areng Isu krista i leu py vam parai pa-rei my patiu i, ami py mymy ai paka y.

ROM AVANGCHI TENG Y PAWLA I CHA PA NAI 1:17

Naibaly ym naira veang ryh veang ryh ai nai, hunira y ly Tameuh i hawi nai sai amteng hai nai ne; “Khumi kahawi ly ym naira y heng ai,” nanai tajiu nai kamta.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 3:22

Naibaly ati cheaungkhang ly nangchi i ne bebe, Pawla mo, Kipha mo, khaileaung pri mo, heng naira mo, atiti awm angchichi mo, atiti awm ai naichi mo, bawibawi ly nangchi i ne bebe;

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

II THESALONIKA 1:5

Huni ly nangchi ai Tameuh i peang naira khumi palawn ai ataing thai ai nai, Tameuh i tara chih nai hawi parai nai ka-ma-ra chai pyn nai ne:nangchi ly huni peang naira deaungkho y patang u nai ne he.

I TIMOTHEI 4:8

Naibaly Tameuh ai dawn ryhryh ai nai apatiu reng: tlang mang y atho nga ai nai amjy teaung nai ly chawn mang ly chawn: na i py Tameuh ai dawn ryhryh nai ly vai i awm angchi nai hengra hawi, vai tym ai nai hengra molam y atiti adeu naira nga nai deaungkho y lam cheaungkhangra y chawn nai ne.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.