MATTHAI 6:25 - Khumi Common Language Bible

²⁵ “Hunai deaungkho y kang thui pi, ‘Kaichi ati cha ai mo? ati nei ai mo?’ nanai nangchi i hengra i vui hawi, ‘Kaichi ati ateaung ai mo?’ nanai nangchi tlang i vui py paleung bi u moh. Cha ai nai tleaung y hengra ty keh y a? Ateaung tleaung y py tlang ty keh y a?

MATTHAI 6:25 ပူးပေါင်းရင်းမြစ်များ

SAM 55:22

Nang i myn kaji ai ly Areng teng y au; mymy ly nang ai ama hai iy ang kry ai; khumi kahawichi ai mana khala py, sum hai ai ny y.

JEREMIA 45:5

Nang ly nang i nga ai avo nai ajeng nai a? Ajeng moh. Kai ly khumi cheaungkhangchi i tlang tleaung y ka-jeira tym hai ai. Na i py nang ly tym naira tleirei y dei y naimy, ka-jeira i nai lawi naira nga ai. Hini ly kai Areng i thui nai leu ne,” nanai leu pei nai thui pi bo.

MATTHAI 10:19

Na i py nangchi ai ang patiu hai nai khala y ly ‘Mana, ati leu kathui ai mo?’ nanai paleung adi adiu nai awm u moh; ati mana nai mo nabaly huni neng khyp khala y ly nangchi i thui ai nai ly ang pany hai ai mang.

MATTHAI 13:22

Naibaly kabeng aleng theung y hei nai ly hini ne he: mymy ly leu thai bo, na i py khaileaung pri y heng nai khala y dawn nai sai hawi nang naira my tapawp nai saichi my ly leu ai ly achih hai i, athai y bo.

MATTHAI 6:31

Hunai deaungkho y kaichi ati cha ai mo? ati nei ai mo? ati ateaung ai mo?

MATTHAI 6:34

Hunaibaly khawndam i vui paleung bi u moh; khawndam ly amy i vui adawn amang ai. Kanirei i patang nai ly huni kani i vui ly hawi khyp bo.

MARKA 13:11

Naibaly nangchi ai pahawi iy ang patiu hai nai neng khala y ly, ‘Mana, ati kathui ai mo?’ nanai paleung adi adiu nai awm u rym moh: huni neng khyp khala y ang pany hai nai ngierei ly huni kyp kyp phai thui u; ati mana nai mo nabaly thui ai nai keung ly nangchi ny y leang, Phailo Kachai teu.

MARKA 4:19

hunichi ly leu ly thai i, khaileaung pri y heng nai khala y dawn nai saichi hawi, nang naira my tapawp nai saichi hawi, tlang i atiti takhra ngai phi teng y naichi py kun iy, leu ai ly achih hai i, athai y bo.

LUKA 12:11

Naibaly achura yhm i khumichi hawi, arengchi hawi, miteaung kehchi i mo y ang hawi nai khala y, ‘Mana katlau ai mo? Ati leu kathui ai mo? nanai paleung adi adiu nai awm u moh;

LUKA 8:14

Naibaly kabeng aleng theung y tla nai ly hinichi he: nichi ly leu thai nai bo y vawi iy, heng khala y dawn nai saichi hawi, nang nairachi hawi, tlamsa nairachi my achih hai i athai thawn y.

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

I KORINTH 7:32

Na i py nangchi ly paleung bi naira awm y ai nai kangai. Aju by y nai khumi ly Areng ai kawn hai thai ai nai sai dawn nai, Areng mang y atiti dawn nai nawi.

PHILIPI 4:6

Ati sai py paleung bi u moh; ati cheaungkhangra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tameuh teng y pany hai nai awm sy.

II TIMOTHEI 2:4

Tavai mi ami py ni ai tavaimi y awm ai nai vawi nai keung ai ly kawn hai ai nai, atiu nai thym khala y ly vai i heng nai sala kani tleirei i sa nai sai amymy ai paka ai nai pei y.

I PETERA 5:7

mymy ly nangchi ai dawn hai reng nai deaungkho y nangchi i paleung bi naira bawibawi ly mymy tleaung y amtei u bebe.