MATTHAI 6:24 - Khumi Common Language Bible

²⁴ “Ami py yhmkeung leaung nyhrei i kalop so abom thai y leang: ni ly leaungrei ai niu ngai y iy, leaungrei ai ngai ai, ti y baly leaungrei ai ly ama hai iy, leaungrei ai ly tahm khai y ai. Tameuh i kalop hawi yhmtheaung i kalop so u abom thai y leang.

MATTHAI 6:24 ပူးပေါင်းရင်းမြစ်များ

ATITI AWM ANGCHEI NAI 47:17

Naibaly nichi ly Josepha teng y syn u i, Josepha ly nichi i keaungngochi, sichi, mi-ichi, beramchi, keaungngo kano kasauchi ai chohchi hawi katheung pi bo. Huni saneng y mipuichi ly mychi i tawnbawichi hawi choh katheung u nai ne.

1 ARENG KEH 18:21

Elija ly mipuichi teng y chei iy, “Nangchi ly mana tanrei paleung adi adiu naimy awm u ai mo? Areng ly Tameuh ne, nabaly ni ai chiu u. Bala ly Tameuh ne, nabaly ni ai chiu u!” napi. Na i py khumichi ly ati sa py pathang u y.

2 ARENG KEH 17:41

Hunai deaungkho y nichi ly Areng ai chiu u teu i py, mymychi i mynchi py chiu u. Nichi i katu chanauchi py vaini khrairei, hunai kamta sa u jojo nai ne.

Ezekiela 20:39

Sa thai naira angym nai Areng my, “Nangchi Israela cheng bawibawichi awi, vai nangchi ly leaungrei py takhawi y pa-rei nangmychi teng y awm nai mynchi teng y chei iy chiu u! Na i py vai i dengdairei nangchi ly kai i leu tangai u ai nai tla. Mynchi teng y kapathyprachi talam nai molam y, kai i chai parai nai amyn ai vai mo mang y thui tamawn bi moh.

ZEPHANIAH 1:5

Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.

MATTHAI 4:10

Hunaibaly Isu my mymy teng y, “Setan, tako la! ‘Nang i Areng Tameuh ai phai chiu ly, mymy i kalop harei phai so khyh,’ nanai tajiu nai awm,” napi.

LUKA 16:11

Yhmtheaung hawi y naira y malawn py ka-ym by y baly, yhmtheaung kahawi ly ami my ang au ai mo?

LUKA 16:13

Miseaung ami py yhmkeung leaung nyhrei i kalop so abom thai y leang, leaungrei ai ly ama hai i, leaungrei ai ly tahm khai y ai. Tameuh i kalop hawi yhmtheaung i kalop so u abom thai y leang,” napi.

LUKA 16:9

“Kang thui pi, yhmtheaung hawi y nai teaung iy ahawichi ai adawi u; yhmtheaung tama nai khala y ly deaungtasarei awm naira y ang kawn hai ai.

KALATIA 1:10

Ti y baly vai kai ly khumi ai kaparawi nai a? Tameuh ai a? Khumichi ai kawn hai ai nai katau nai a? Vai khumichi ai kawn hai nai kaawm rai baly, kai ly Krista i miseaung ny y ai bo.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.

II TIMOTHEI 4:10

Kriski ly Kalatia pri y chei i, Tita py Damlmatia pri y chei teang. Kai teng y Luka leaungrei chy awm khyh.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.

1 SAMUELA 7:3

Samuela my Israela chengchi teng y, “Nangchi ly Areng teng y paleung hawi verei, jeu aliteang ai nai ngai baly cheng takhrachi i tameuhchi ai py, kani anglo Asatare i mynchi ai py, khai su ai nai tla; Areng teng y nangmychi ai aau patyp iy, mymy ai naini chiu u baly mymy ly nangchi ai, Philistia chengchi kiu i nai atleu ai,” napi.