MATTHAI 6:13 - Khumi Common Language Bible

¹³ Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

MATTHAI 6:13 ပူးပေါင်းရင်းမြစ်များ

ATITI AWM ANGCHEI NAI 22:1

Kanirei nai khala, Tameuh my Abraham ai cham ai nai ngai i mymy ly “Abraham!,” nanai palau. Abraham my, “Ne, kai hi y awm!” napi.

1 ARENG KEH 1:36

Benaja my, “Nang i leu pei nai kamta kasa pi ai. Nang i Areng Tameuh my py, huni leu pei nai khaw hai sy.

1 NENG SATANG 16:36

Israela chengchi i Areng Tameuh ai palo u! Mymy ai ly vai py, deungtasarei py palo u! Huna nai khala khumi bawibawichi ly “Amen,” nanai thui iy Areng ai palo u nai ne.

1 NENG SATANG 29:11

Nang ly nang parai iy sa thai naira phum-ang, haiho, nang parai naira kawi angym nai ne. Kani khusang hawi khaileaung salo y awm nai ngiereichi peang iy, nang ly khumi cheng cheaungkhangchi ai, sa thai naira phum-ang hawi peang nai samrang ne.

1 NENG SATANG 4:10

Na i py Jabe ly Israela chengchi i Tameuh teng y, “Aw Tameuh, kai ai amtheaung hai iy khaileaung neangneang pei ba. Kai hawi vanrei awm hai ba. Kai i tlang tleaung y patang naira tym hai ai nai, hawi y naira cheaungkhang ra i nai lawi hai kyh ba,” nanai chiu sa nai deaungkho y, Tameuh ly Jabe i hnei takeng naichi pei pi nai ne.

SAM 10:16

Areng ly deungtasarei samrang ne; tameuh takhrachi ai chiu nai khumichi ly mychi i pri dengdairei tama u pawn ai.

SAM 106:48

Israela chengchi i Areng Tameuh ai ly palo u! mymy ai ly vai i dengdai deungtasa khrairei palo u! Khumi bawibawichi ly “Amen,” nanai thui u sy! Areng ai palo u!

SAM 22:28

Areng ly samrang ne; khumi cheng cheaungkhangchi ai peang bo.

SAM 41:13

Israela chengchi i Tameuh ne nai Areng ai ly palo u! Mymy ai vai i dengdai, deungtasa khrairei palo u! Amen! Amen!

SAM 47:2

Tahm asang parai nai Areng ly ka-jei hawi parai; mymy ly khaileaung pri verei y peang nai, nang parai nai samrang ne.

SAM 47:7

Tameuh ly khaileaung pri verei i samrang ne; khulymchi hawi mymy ai palo u!

SAM 72:19

Amyn nang parai nai ai avawrei palo u! khaileaung pri verei y nang parai nai kawi hai sy. Amen! Amen!

SAM 89:52

Areng ai ly deungtasarei palo u! Amen! Amen!

THEU NAI 15:18

Areng nang ly deungtasarei peang jojo ai,” napi

LEU KACHENG 30:8

Kai i labeaung mang ka-chawi thui hai moh ba. Naibaly kai ai nang ai nai py, kamawn lawm ai nai py pei moh kyh ba. Hunaibaly kai i teicha teinei ngai nai ryrei phai pei ba.

JEREMIA 15:21

Nang ai khumi hawi y naichi kiu i nai atleu iy, khrukhra hai nai khumichi kiu i py lawi hai ai.”

JEREMIA 28:6

“Nang i thui nai kamta tym sy! Areng ly hina nai kamta sa ai nai py kai athang khai! Mymy ly nang i thui nai kamta tym hai takengkei ai nai py, Babulon mary y tawn vui nai Achura yhm i yhmtheaung katuichi hawi, langheng hawi vui nai khumi bawibawichi ai py, hawi ali teang ai, nanai kai ly athang kakhai khyp nai ne.

DANIELA 4:25

Nang ai ly khumichi theung i dengdairei patheu vui ai i, daichi mawichi hawi vanrei awm ai. Si kamta acha cha iy saneng saryh ryrei kadam sui ai i, abyhra by y nai meingtym y i ai. Naibaly tahm asang parai nai Tameuh ly khaileaung pri verei ai peang iy, mymy i ngai nai khumi ami ai py ne sy, samrang y palyn pajau, nanai nang adawn vau ai.

DANIELA 7:18

Na i py tahm asang parai nai Tameuh i khumichi ly samrang i sa thai naira haiho nga u iy, deungtasarei peang u jojo ai,” napi.

Kati Nai 5:22

Hini tui ly nang i taku theung y tym baly kajeu pobeung iy, nang i seaunghai py jei paryp ai,” napi. Hunaibaly neampachy my, “Hini vaineng lawi sy, Areng my kai i tlang tleaung y hina nai kamta tym hai sy,” nanai vaineng abeu ai nai tla.

MATTHAI 26:41

Parawi naira y kun u y ai nai ajeng u rym paryp naimy chiu so u; phailo my ly angjeng i, tlang my ly ham y,” napi.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

MATTHAI 5:37

Na i py nangchi i thui nai ly ‘Ne,’ nanai ly ‘Ne nai’ ne sy, ‘Ny y,’ nanai ly ‘Ny y nai,’ ne sy; huni tleaung y apo thui nai ly kamngo dengdairei theu nai teu.

MATTHAI 6:10

Nangmy i peang nai tym sy, Nangmy kangai kani pri y sa nai kamta Khaileaung prichi py so u teang sy.

JOHAN 17:15

Nangmy nichi ai khaileaung pri i nai la vui ai nai chiu sa pi nai ny y leang, kamngo teng i nai nichi ai lawi hai ai nai chiu sa pi nai teu.

I KORINTH 10:13

khumi i kham pajau ai nai ryrei ny y baly parawi naira nanai ly nangchi i tlang tleaung y pipi tym vai y leang. Na i py Tameuh ly ka-ym awm nai ne, ni my ly nangchi kham pajau ai nai ryrei ny y baly parawi naira avum ai nai pei y ai; na i py nangchi kham pajau thai ai nai, parawi naira hawi vanrei nangchi i theu ai naira lam ang sa pi ryp ai.

I KORINTH 14:16

Ti y baly phailo y nang ly amtheaung hai baly, neangneang pany y naichi i awm naira y awm nai khumi my ly nang i kawn nai leu thui naira y ly leu thai y pui baly, mana Amen napi thai ai mo?

II KORINTH 1:20

Tameuh i leu adeu naichi ly majirei py ne sy mymy y ly Ne, nanai awm; hunaibaly kaimychi deaungkho y Tameuh ai tahm pasang ai nai, mymy deaungkho y Amen, nanai ly awm nai ne.

KALATIA 1:4

mymy ly achi i Tameuh hawi Ampo i kangai y vai dymkhawn i khaileaung pri kamngo parai naira theung i nai achi ai alaw hai thai ai nai, achi i kamngochi i jeng y mymy ly apei bo;

Leu Thui Nai 8:16

Daichi ka-vym theung y nangchi i amsi pajochi cho vai y nai Manna tako ang pacho bo. Mymy ly kangkhym y nangchi amtheaungra nga u ai nai molam y, nangchi ai ngari kamtang avum hai bo. Huna nai ngari kamtang avum hai nai ly nangchi ai cham nai ne.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

II THESALONIKA 3:3

Na i py Areng ly ka-ym awm mang, mymy ly nangchi ai ang khaw hai iy, kamngo sa reng nai keung khi i nai ang lawi hai ai mang.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

HEBRAI 11:36

khumi takhrachi my py panui hai naira hawi chip naira patang:ne, huni ny y nai py kawm nai hawi theaung y paeung nai py avum u teang;

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;

I JOHAN 3:8

kamngo sa nai keung ly diabola i ne: diabola ly angchei kha i dengdairei atiti kamngo sa nai ne. Tameuh i Chapo ly diabola i sa nai sai taphra thai ai nai amteng nai ne.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 19:1

Huni bo y ly kani pri mang i khumi mipui neangneangchi ly tao pajeng parai nai kamta naimy, “Haleuja! Paheng naira hawi, nang parai naira hawi, sa thai naira py kaichi Tameuh i ne:

AMTENG HAI NAI 19:4

Naibaly miteaung keh leaung apom phai palyhreichi hawi, heng nai amjy palyhreichi py ambeu u i, “Amen. Haleluja,” na naimy areng atehra tleaung y ateh nai Tameuh ai ly chiu u bo.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.

AMTENG HAI NAI 3:10

Nang ly kai i kham tanga nai leu patawm nai deaungkho y, khaileaung pri y awm naichi ai cham ai nai, khaileaung pri verei y tym ai cham nai neng y ly kapalawi ai.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he:

AMTENG HAI NAI 5:13

Naibaly kani y hawi, khaileaung tleaung y hawi, khaileaung theung y hawi, pangli saleung y hawi, hunichi theung y awm nai bawibawichi py, “Areng atehra tleaung y ateh nai keung hawi Beram Cho teng y py amtheaung naira hawi, tahm pasang naira hawi, palo naira hawi, aly peang naira py deungtasarei awm jojo sy,” napi nai kathai.