MATTHAI 5:9 - Khumi Common Language Bible

⁹ “Aly hai nai keungchi ly taham hawi: nichi ai ly Tameuh i chanauchi pathi ai.

MATTHAI 5:9 ပူးပေါင်းရင်းမြစ်များ

1 NENG SATANG 12:17

Davida ly nichi ai lamchung iy, “Nangchi ly ahawi kamta kai ai sabawm ai nai jeu u nai ne lawh baly, hi y jeu u ba. Kaichi mang y kun u! Na i py nangchi ly kai ai paleung ka-echi teng au ai nai jeu u nai ne lawh teu baly, kai ly nangchi ai no nga ai nai kangso y teu i py, achi i amsi pajochi i Tameuh my ly nangchi i sa nai niu iy nangchi ai ang pajeng ai,” napi.

SAM 120:6

Kai ly tlamsa naira ai niu ngai y nai khumichi hawi awm nai ly kra parai na bo!

SAM 34:12

Nangchi ly amo theu naimy awm ai nai ngai u a? Tlang heng nai hawi vanrei amo theu naira ngai u a?

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

MATTHAI 5:48

Cheng Takhrachi py hunai kamta so teang y a? Hunaibaly Ngampo kani pri mang y awm nai i hawi angym nai kamta ly hawi angym nai awm u ai nai tla.

LUKA 20:36

nichi ly dei py dei ali thai y leang bo; nichi ly kani pri i amtaw thau naichi kamta tanrei awm; nichi ly angthau bi nai chanau lawn nai deaungkho y Tameuh i chanauchi ne.

LUKA 6:35

Na i py nangchi i paleung ka-echi ai tamen u ly, nichi i vui kahawi so u ly, dawn amcheng y naimy alai ai nai pei u; hunaibaly nangchi i kawn nai vang ly nawi ai i, Salo Kangteng i chanau lawn u ai; ni ly kawn ai naira pany y naichi ai hawi, khumi kamngochi ai py paheng nai keung ne.

AMTAW 7:26

Naibaly khawn mang y mymychi theung i khumi leaung nyhrei ani nai thym khala y mymy ly nini teng y tym i, ‘Arengni awi, nangni ly amjo amnau chy bo; ati mana nai nangmyni tengtawi teng y parai nai sa hawi lawh mo?’ nanai aly hai ai nai tau.

ROM AVANGCHI TENG Y PAWLA I CHA PA NAI 12:18

Pajau baly nangmychi i kamjau ryrei khumi bawibawichi hawi aly u.

ROM AVANGCHI TENG Y PAWLA I CHA PA NAI 8:14

Ati mana nai mo nabaly Tameuh i Phailo my pahawi nai ngiereichi ly Tameuh i chanauchi ne.

ROM AVANGCHI TENG Y PAWLA I CHA PA NAI 8:16

Achi ly Tameuh i chanauchi ne, nanai Phailo kypkyp my ly achi i phailo hawi ang pany hai reng;

ROM AVANGCHI TENG Y PAWLA I CHA PA NAI 8:19

Atiti sa naichi bawibawi ly khrikhri pa-rei athang khai nai, Tameuh i chanauchi ai amteng ai nai ly khrikhri pa-ri ajeng na.

I KORINTH 6:6

amjo amnau my amjo amnau ai tara chih naira y tym hai lawh be, ym y naichi i mo y ne vui bi rai.

II KORINTH 13:11

Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

II KORINTH 5:20

Hunaibaly kaichi ly Krista i jeng y savai ne i, Tameuh my kaimychi ai teaung iy ang takeng, napi pajau; Tameuh hawi aly u, nanai Krista i jeng y kaichi kang takeng nai ne.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

PHILIPI 4:2

Areng y ly paleung vanrei awm ai nai Euodia ai kang takeng i, Suntuki ai py kang takeng teang.

KOLOSA 3:13

ami py ami i tlang tleaung y leu hawi y naira awm iy py mang mang amnym u leungtang nai apahen u; Areng my ang pahen nai kamta khyp my apahen u teang;

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;