MATTHAI 5:3 - Khumi Common Language Bible

³ “Paleung apanem naichi ly taham hawi: kani pri ly mymychi i ne.

MATTHAI 5:3 ပူးပေါင်းရင်းမြစ်များ

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 33:23

Na i py ni ly ampo kamta paleung apanem naimy Areng teng y ahihawi y. Ampo tleaung y malawn py kamngo sa nai ne.

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

2 NENG SATANG 7:14

Nichi ly kai teng y chiu sa naimy uikheih iy, mymychi i sa nai kamngo khai u su baly, kai ly kani pri mang dengdairei nichi i chiu sa nai tangai pi ai. Nichi i kamngo palawi pi iy, nichi i pri y paitiu thym hai teang ai.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 1:1

Khumi hawi y naichi i tau pei nai tangai y, kamngo sa nai khumichi i sa nai saichi amtiu y, Tameuh ai hi vui nai khumichi hawi py amkawm y nai khumichi ly taham hawi u nai ne.

SAM 112:1

Areng ai palo u! Areng ai jei kaji naimy tahm khai iy, Reita leuchi kry ai nai ngai keh nai khumi ly taham hawi.

SAM 128:1

Areng ai tahm khai iy mymy i leu pei naichi tangai naimy heng nai khumichi ly taham hawi.

SAM 146:5

Jakob i Tameuh my sabawm naira nga nai khumi, my i Areng Tameuh ai ym nai khumi ly taham hawi.

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

SAM 34:18

Areng ly paleung phra nai khumichi sahawi y awm. Athang khai naira pipi by y naichi ai atleu pi bo.

SAM 41:1

Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, Areng my sabawm ai.

SAM 51:17

Aw Tameuh, kai i talam nai kapathypra ly tahm anem parai nai paleung ne; nang ly tahm apanem iy uikheih nai paleung ai khai su ai ny y leang.

SAM 84:12

Ati cheaungkhang sa thai nai keung Areng, nang ai ym nai khumichi ly khri pa-rei taham hawi nai ne!

LEU KACHENG 16:19

Paleung apanem nai hawi kamawn lawm nai ly paleung len nai khumichi hawi amkawm iy, lawmra i vawnsai phy nga nai khumi leaungrei tleaung y hawi keh.

LEU KACHENG 29:23

Amlyh am-e parai nai khumi ly tahm by y ai. Na i py paleung apanem nai khumi ly tahm asang naira nga ai.

LEU KACHENG 8:32

“Hunai deaungkho y deaungdichi awi, kai i leu tangai u. Nangchi ly kaimy kang thui pi nai kamta, sa u baly taham hawi ai.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 11:6

Naibaly ami py kai i tlang tleaung y paleung hawi y naira ngo y nai ly taham hawi,” nanai pathang.

MATTHAI 13:16

Nangchi i mei ly niu nai deaungkho y taham hawi; nangchi i kano ly thai nai deaungkho y taham hawi.

MATTHAI 19:14

Na i py Isu my ly, “Deaungdi chychi ai kai teng y jeu ai nai pei u ly, paka u reng moh: kani pri my peang naira ly hina naichi i vui teu,” napi.

MATTHAI 24:46

Mymy i yhmkeung ang jeu nai neng khala y miseaung huna nai kamta sa nai ai niu nai ly taham hawi ai.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MATTHAI 3:2

“Uikhei u, kani pri my peang nai ly kasa bo,” napi.

MATTHAI 8:11

Naibaly kai ly kang thui pi nidym nisi mang i dengdairei khumi neangneang ang jeu ai i, kani pri y Abraham hawi Isaka hawi Jakob hawi vanrei ateh u ai:

MARKA 10:14

Na i py Isu my ly huna nai niu iy khri pa-rei paleung hawi y i abangnaichi teng y, “Deaungdi chychi ai kai teng y jeu ai nai pei u, paka u reng moh: Tameuh i peang naira ly hina naichi i vui teu.

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

LUKA 22:29

hunaibaly kai i peang naira y kai i sabawi y nangchi cha nei thai ai nai,

LUKA 22:30

Ngaai my kai ai peang naira ang sa pi rym nai kamta, peang naira kang sa pi rym mang:hunaibaly Israela cheng holai nyhreichi ai tara chih pi nai areng atehra y nangchi ateh ai.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

JOHAN 20:29

Isu my ni teng y, “Nang ly kai ai niu nai deaungkho y ym nai teu; niu y nai ym nai ngierei ly taham hawi,” napi.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

JAKOB 1:10

naibaly khumi kanang ly tahm panem nai deaungkho y kawn sy, ati mana nai mo nabaly mymy ly acha pau kamta rawm iy tama ai.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

AMTENG HAI NAI 19:9

Naibaly mymy ly, “Beram Cho i apom nai pawi y heang naichi ly taham hawi, nanai tajiu,” ang napi. Naibaly mymy ly kai teng y, “Hunichi ly Tameuh i leu kateng ne,” napi.

AMTENG HAI NAI 22:14

Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.

AMTENG HAI NAI 3:17

Nang my ly, Kai ly nang chy bo: yhmtheaung py awm, ati sai py katakang y leang, nanai thui; naibaly nang kypkyp ly ngari py tla, pahen ai nai py awm parai, kamawn py kamawn, mei py paju, beng tlenrei py ne, nanai nang pany y.