MATTHAI 5:29 - Khumi Common Language Bible

²⁹ Naibaly nang i lamtang mang i mei my nang ai atlym hai baly, takhawi piu ly, aphi la; nang i tlang bomrei ngari angawm y aphi nai tleaung y ly nang i tlang kangprei chy tama nai ly nang i vui hawi keh alam.

MATTHAI 5:29 ပူးပေါင်းရင်းမြစ်များ

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

MATTHAI 11:6

Naibaly ami py kai i tlang tleaung y paleung hawi y naira ngo y nai ly taham hawi,” nanai pathang.

MATTHAI 16:26

Ami py hini khaileaung pri bomrei nga iy, amy i hengra tamo lawh sy, mymy i vui ati amran ai mo? Ti y baly ami my mymy i hengra i jeng y ati pei ai mo?

MATTHAI 17:27

Na i py ani my nichi ai atlym hai lawh baly ang y chei ly, naibaly sakawi va i, man angchei nai ngo la iy huni i labeaung taai i tangka tlaurei nga ai; huni ly lo ly, kai i vui hawi nang i vui py nichi teng y pei,” napi.

MATTHAI 19:12

Ati mana nai mo nabaly phyreichi ly amhm taku theung i dengdairei meng vui nai ne; phyreichi ly khumichi i sa nai deaungkho y tli nai ne; phyreichi ly kani pri my peang nai vui y tli amlawn nai ne,” napi.

MATTHAI 23:15

Reita patiu nai keungchi hawi Pharisai tapawp naichi awi, nangchi ly taham si! Khumi leaungrei ai nangchi i reita y pakun ai nai nangchi ly pangli mang py kacheng mang py amki, naibaly mymy ly kun bo nabaly mymy ai nangchi tleaung y ty keh nai ngari angawm i chanau sa hai lawh.

MATTHAI 23:33

Pavuichi awi, pavui i kangpreangchi awi; nangchi ly ngari angawm tara chih nai ly mana tleaung u thai ai mo?

MATTHAI 5:22

Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

MATTHAI 5:30

Naibaly nang i lamtang mang i kiu my nang ai atlym hai baly tameng ly, aphi la; nang i tlang bomrei ngari angawm y tym nai tleaung y ly tlang kangprei harei tama nai ly nang i vui hawi keh alam.

MARKA 8:36

Ami py hini khaileaung pri bomrei nga iy amy i hengra tamo lawh sy, mymy i vui ati amran ai mo?

LUKA 12:5

na i py nangchi ly ami ai jei ai nai tla mo, nanai kang thui pi rym ai; padei nai bo y py ngari angawm y aphi bi pajau ai nai keung ai phai jei u; ne, huni ai phai jei u, kang napi kai ly.

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

ROM AVANGCHI TENG Y PAWLA I CHA PA NAI 8:13

Nangchi ly tlang i reita y awm baly dei u takengkei ai nai tla; na i py nangchi ly Phailo y tlang i atiti sa naichi ai padei baly, heng u ai.

I KORINTH 9:27

na i py kai ly kai i tlang y ka-tapheu ryry nai miseaung y kapalawn veng, ti y baly khumi takhrachi teng y leu kathui nai bo y kaimy kypkyp ai pasum lawh na.

KALATIA 5:24

Naibaly Isu Krista i khumichi ly tlang hawi mymy i kamngo dawn naira hawi, ngai phi teng y naira hawi raurei tahen u veng bo.

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);