MATTHAI 27:52 - Khumi Common Language Bible

⁵² angawmchi py am-eaung iy, i ngym chum nai khumi kachaichi i tlang neangneangchi ai py pathau bo;

MATTHAI 27:52 ပူးပေါင်းရင်းမြစ်များ

2 ARENG KEH 13:21

Khumichi ly tlenrei nai khala, tlaiveu pavum ai nai sa nai thym y, Moba tavaimi kamkawm harei ai niu nai deaungkho y, huni tlaiveu ai nai Elisa i angawm salo y aphi u su i, preang u pawn nai ne. Huni tlaiveu ly Elisa i hiuchi hawi abi nai hawimy heng teang i, ang thau teang bo.

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

DANIELA 12:2

Dei chum nai khumi neangneangchi ly heng u ali teang ai. Nichi theung i phyrei khumichi ly deungtasarei hengra nga u ai. Phyreichi ly deungtasarei tahm anem naira avum u ai.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

JOHAN 11:11

Mymy ly huna nai kamta leu thui. Hunai bo y mymy ly nichi teng y, “Achi i ahawi Lazara ly i bo, palaw ai nai kai chei ai,” napi.

AMTAW 7:60

Naibaly mymy ly kheukhu di iy athorei my aeu i, “Areng hini nichi i kamngo sa nai ly nichi i tlang tleaung y aniu hai moh kyh ba,” napi. Naibaly huni leu thui pajau baly i veng bo. Sawla my py dei ai nai avo, napi.

I KORINTH 11:30

Hunai deaungkho y chy bo, nangchi theung y khumi neangneang ham y nai no angdo nai ly, i naichi py maidenrei khyh ny y leang.

I KORINTH 15:20

Na i py Krista ai ly kadeichi theung i dengdairei pathau nai awm khyp nai bo i, i ngym naichi theung i angthau man nai keung lawn bo.

I KORINTH 15:51

Khen cham, nangchi ai leu kathiu kang thui pi nai he; achi bawibawi ly i ngym y ai, na i py achi bawibawi ai ly kangkhym kangtem i baw tyn nai khala y ly kra y nai sala chy y, mei amsymrei ny y nai sala y my ang takhra hai bebe ai;

I THESALONIKA 4:14

Isu ly dei i angthau teang bo, nanai achi ym makho baly, Isu y i ngym chum naichi ai ly Tameuh my mymy hawi vanrei ang hawi teang ai.

I THESALONIKA 5:10

achi ly i iy py, anglaw iy py achi ly mymy hawi vanrei heng thai ai nai, achi i vui y ang dei pi.