MATTHAI 27:24 - Khumi Common Language Bible

²⁴ Hunaibaly Pilata ly sai py so pajau y i, khru ra khru ra ai, nanai pany iy, tui la i, “Hini khumi kahawi i thi y kai ly chai bo; nangmychi ngaingai so u,” nanai khumi mipuichi i mo y kiu asi bo.

MATTHAI 27:24 ပူးပေါင်းရင်းမြစ်များ

SAM 26:6

Aw Areng, kai teng y kamngo by y nai sai patei ai nai kai ly kaimy i kiu asipan chum baly, nang i maicham taki iy chiu ai.

JEREMIA 2:27

Dengkeaung keung teng y, ‘Nang ly kai i ampo ne,’ nanai py, lengseaung teng y, ‘Nang ly kai i amhm ne,’ nanai py nangchi thui u bo. Nangchi ly kai mang y amhi y, kai ai nithun thun u. Na i py nangchi ly ka-jeira avum nai khala y, kaichi ai sabawm ai nai jeu kyh ba, nanai kai teng y hnei u bo.

JEREMIA 2:35

“Na i py, ‘Kai teng y kamngo by y, Areng ly meitang khyp, kai i tlang tleaung y kado theu hai y leang bo,’ nanai thui ai nai ngai. Na i py nang ly nangmy teng y kamngo by y, nanai akhi nai deaungkho y kai ly nang ai kamngo pajeng ai.

MATTHAI 26:5

Na i py nichi ly, “Pawi kha y ly ne moh sy, ti y baly khumi humchi theung y khrukhra nai awm lawh na,” napi.

MATTHAI 27:19

Naibaly ni ly tara chih nai atehra y ateh nai thym khala y aju my ly, “Tuni khumi hawi parai nai i tlang tleaung y ly ati sai py so hai moh; vaini ly mymy deaungkho y kai ly amang mang y atiti paleung si hyh nai amang bo,” napi nai taviu.

MATTHAI 27:23

Naibaly ni my ly, “Ati na i bo? Ni i hawi y sa nai ati awm mo?” napi. Na i py nichi my ly, “Kraws tkeaung y talen hai,” napi nai khri pa-rei aeu na.

MATTHAI 27:4

“Kamngo by y nai khumi ai patiu hai nai ly kamngo sa bo kai ly,” napi. Na i py nichi my ly, “Kaichi i vui ly ati mawn naira awm mo? Nangmy ngaingai so,” napi lawh veng.

MATTHAI 27:54

Naibaly tavaimi chungvairei lu hawi mymy teng y Isu ai typ naichi ly kaleih theu nai hawi, atiti tym nai sai niu i khri pa-rei jei u na, “Hini khumi ly Tameuh i Chapo ne khyp nai bo,” napi.

MATTHAI 27:9

Hunai thym khala y ly amo Jeremia my, “Areng ly kai ai leu pei nai kamta Nichi ly huni tangka phairei la i, Laawm beu nai keung i meingtym nga ai nai pei bo;

JOHAN 13:9

Simon Petera ly ni teng y, “Areng, naibaly kai i kheu khyh ny y, kai i kiu hawi lu py,” napi.

JOHAN 19:4

Naibaly Pilata ly theu bi i nichi teng y, “Khen cham, ati sai py kamngo kaniu y leang, nanai nangchi pany ai nai kang pahawi bi bo he,” napi.

AMTAW 3:14

Khumi Kachai hawi Khumi kahawi ai ly nangchi my ngai y iy, kasi nga nai keung ai ly nangmychi teng y patheu ai nai takeng u lawh i, Hengra sa nai keung ai ly nangchi my padei;

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;